عملت record في عالم الحوادث تاني حادثه في اسبوووع واحد

[ezzzzo1983]

انا صاحب العربيه البيرسونا اللي كنت بسأل عن سمكري عشان باب الشنطه عملتها والحمد لله عند سمكري
شاطر في المطريه
ودلوقت والحمد لله خبطت والعربيه اتدش فيها الفانوس الامامي مع الرفرف اليمين

انا واخد عيييين محترمه من ساعه ما جبت العربيه ده
انا تقريبا الوحيد اللي فيكوووا يا جماعه اللي اخدت عربيه مليانه عيوب صناعه ومنه لله عز العرب ومراكز صيانته الزباله بالاجماع العربيه في ال 3000 كيلو كان جايبه اولسيه كرنك ضرب وبالتالي السير الكاتينه بازز من كمية الزيت اللي
نزلت عليه ودلوقت المساعد الامامي شمااال جايب زيت في صيانه ال 20000 ومنهم لله في امير وجوزيف مدينه
نصر معملوووش كشف علي التيل الفرامل وفي صيانه ال 20000 بيقولولي ان الطمبوره عايزه تتغير

حسبي الله ونعم الوكيل في ده عربيه علي توكيل عايز ........

انا بس طالب منكم الافاده انا سألت علي الفانوس الامامي استيراد تمنه 500 ج وتايواني 250 ج اه اخبارا التايواني ده
بيجيب مايه وبيشبر ولا كويس وشغال زي الفل وسألت علي الرفرف لاقيته استراد بي 400 ج وجديد بي 350 ج
ولو حد يعرف تمن اربه الباور كام لأنه الخرطوم بتاعها اتقطم من الخبطه الرجا الافاده

شكرا للكل

يرجى مراعاة الآداب العامة فى الحوار
2:39pm 10/10/2010
يرجى مراجعة قواعد المنتدى
المشرف العام 5

[abn7amido]

ربنا يخلف عليك
عليك بدعاء الدابة الجديدة
ربنا انى اسالك خيرها و خير ما جبلتها عليه
و اعوذ بك من شرها و شر ما جبلتها عليه

و ذكر الاذكار الشرعية بخصوص الحسد

[spiderloking]

بخر العربيه انت اكيد مدبحتلهاش حاجه يلا معلش قدر الله ما شاء فعل و حطلهم خرزه زرقاء كدا في العربيه تكون واضحه

[ehabsharaf]

قربة الباور

قربة الباور هتلاقيها عند اولاد منصور فى الجيز ب 60 جنية ولو مالقيتهاش هناك ماتدورش تانى اطلع على التوكيل هاتها ب 200 جنية جديدة طبعا استيراد هتلاقيها ب 250

[أبوعائش]

بخر العربيه انت اكيد مدبحتلهاش حاجه يلا معلش قدر الله ما شاء فعل و حطلهم خرزه زرقاء كدا في العربيه تكون واضحه

يا حاج لبيد...بالله عليك متقولش لحد تاني كده
((من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا)) أخرجه الإمام مسلم
موضوع الخرزة ده شرك والعياذ بالله...
عن عقبة بن عامر الجهني أن رسول الله صلى الله عليه وسلم أقبل إليه رهط فبايع تسعة وأمسك عن واحد فقالوا : يا رسول الله بايعتَ تسعة وتركت هذا ، قال : إن عليه تميمة ، فأدخل يده فقطعها فبايعه وقال : من علق تميمة فقد أشرك . رواه أحمد ( 16969 ) . والحديث : صححه الشيخ الألباني في " السلسلة الصحيحة " ( 492 ) .

انا عارف ان قصدك خير وعايز تنصحه ولكن لو النصيحة هتدخل في شرع ربنا يبقى لازم معاك دليل وإلا تبقى بدعة فا ما بالك بحااجة فيه تحذير منها...وبالنسبة للذبح قلنا برضه بلاش عشان الناس بقى التعلق بالذبح انه للسيارة ومفيش نية الذبح لله والتصدق بلحومها وإلخ...انا نصيحيتي للأخ صاحب الموضوع انه يتصدق بمال فقط ويحافظ على أذكار الصباح والمساء وركوب الدابة