قطع غيار بروتون اصلية - اون لاين

[Eng. Rafy Samy]

السلام عليكم وحوش بروتون
اولاً احب اشكر إدارة المنتدى على تعبهم الفترة اللي فاتت ... واهلاُ بيكم في بيتنا القديم.

وانا بدور على الانترنت لاقيت ويب سايت في كل قطع غيار كل سيارات بروتون .. واكتر حاجة مميزة فيه ان مكتوب جمب كل قطعة تمنها وركمها (Part Number) ودي نقطة مهما جداُ علشان نقدر ندور على القطع المتوافقة في السوق المصر ومن مختلف مركات السيارات .

Proton Parts Centre Online - Main


نفسي اشوف المنظر ده هنا في مصر قريب


تقبلوا تحياتي

[Eng. Rafy Samy]

مكرر

[Nistelrooy]

والله كويس ع الاقل الواحد يعرف الاكواد والحاجات الاصلية للعربية كويس :)

[sayed911]

والله اعتقد انه لما يكون فيه رابطة قوية من ملاك سيارات بروتون اعتقد وبشكل كبير جدا ها تشوف المشروع ده قريب جدا عشان اكيد اي مستهلك بيحب عربيته وخايف على امنه وسلامته ها يجيب القطع الأصلية فقــــــــــــــــــــــــــــــــــــــــــــــــ ــــــــــــط وتحياتي لك اخي واهلا بينا جميعا في بيتنا مرة اخرى ...

[munnchy]

thankssssssssss

[mahmoud_magdy]

شكرا يا بشمهندس
لكن اعتقد الاتي
لو كانت الاسعار اللي في الموقع حقيقيه تبقى مشكله كبيره جدا
نظرا لان اسعار قطع الغيار في الموقع رخيصه اوي عن اسعار الفطع اللي موجوده في التوكيل
واقل دليل يذكر ان سعر فلتر الزيت في الموقع يعادل 23 جنيه تقريبا
وسعره في التوكيل 45 جنيه
هنقول بياخدو قيمه الشحن والتفريغ والنقل وضرايب
على فكره دي اقل حاجه موجوده في الموقع
وكل اما سعر القطعه بيكون اكبر كل اما سعرها بيكون اكبر في توكيل
واحيانا يصل للضعف واكتر

يعني بالمنطق كدا مش معقول كل الزياده دي
لان لايمكن انهم مثلا بيطلبو فلتر واحد في الشهر لا الموضوع بيبقى اكبر من كدا بكتير
لانه بيكون عن طريق كونتينر بيتنقل من بلد لبلد وعمليات الشحن دي بتكون رخيصه كل ما عدد الكونتينرات بيزيد

بصراحه انا شايف ان التوكيل اسعاره غاليه
ولازم الاسعار تقل نظرا لانتشار عربياته بشكل كبير

ياريت الاقي توضيح من احد المسؤولين في التوكيل
وشكرا

[nebo082]

ده بيحصل في اوروبا والدول المتقدمه فقط

[ahmed_h_g]

الف شكررررررررر

[A. Ibrahim]

شكرا يا دكتور
و طبعا انا دورة علي شوية حاجات و سعرها و كان السعر النص فعلا

و من اهمها تيل الفرامل الbosh كان ب 570 تقريبا

[ahmad alshaaer]

طيب انا ليا استفسار

هل ممكن اني اطلب قطعة غيار من السايت ده وتوصلي هنا في مصر ؟

ارجو الافاده

[Eng. Rafy Samy]

انا بعتلهم أيميل دلوقتي بخصوص الشحن لمصر ومستني الرد ..
ان شاء الله ينفع .. ويكون ارخص ونجيب كل اللي احنا عاوزينوا من هناك بنصف التمن ...

خير إن شاء الله .

[Tayer]

هوه المحل ده فى مالزيا ؟

[wekabika]

شكرااااا بس موضوع الشحن ده انسااااااه و متفكرش فيه الشحن بالأكسبرس زي دي اتش ال مثلا لو الحاجه الي هتجبها في حدود 10 كيلو هتدفعلك بتاع 1700 جنيه غير الجمرك يعني هتبقي اكتر من تمن التوكيل بكتيررررر

[Eng. Rafy Samy]

انا بشتغل في شركة لوجيستيكس يا باشا
يعني موضوع التعبئة والشحن والتخليص والتسليم مفهوش اي مشكلة
خلينا بس نشوف ردهم وربنا يسهل.

[Tayer]

بشمهندس أدخل على ال shipment هتلقيهم كاتبين أن مفيش شحن خارج مالزيا