الحقوني يا اصحاب جين 2

[Zo0mY]

يا جدعان انا استلمت الحمد لله عربيتي جين 2 موديل 2008 اول امبارح وعندي سؤالين مجنني .
دلوقتي المفروض العربية فيها انزار , انا لما بنزل وادوس على Lock العربيه بتقفل عادي والاقي لمبة الإنزار من جوة منورة .. لما اجي اخبط العربية من الجنب او على الكبوت مش بتعمل انزار ولا اي حاجة ؟؟ هل في طريقه معينة لتشغيلة مثلا ولا ايه ؟؟ وتاني سؤال .. انا قريت في الكتيب بتاع العربية ان في حامل مغناطيسي للموبايل عايز حد يشرحلي دا فين وافتحة ازاي .. الف شكر ..

[abo3bdolrahman]

عاوز تجرب الإنذار إقفل العربية بالريموت و إفتحها تانى بس بالمفتاح بس ما تدعيش عليا علشان الفضيحة اللى هايعملهالك الإنذار و بالنسبة لحامل الموبيل مش موجود و بدلا منه توجد طبة على الفتحة بتاعته.
و مبروك على العربية و ربنا يديك خيرها و يكفيك شرها.

[Sharky]

حضرتك متأكد إن فيها إنذار
لإنه ممكن ما يكونش فيها إنذار أصلا و النور إللى بينور دا بتاع الإيموبليزر الخاص بكود المفتاح

[Zo0mY]

اينعم فيها انزار من الامكانيات بس مش عارف اشغلة ازاي وشكرا لأبو عبد الرحمن بس محتاج حد يقولي اعمل ايه تاتا تاتا :d ونبي ..

[abo3bdolrahman]

لأ يا أحمد هوا ده الإنذار الأصلى اللى بينزل فى الجين 2 و الواجا و معظم السيارات و ده غير الإنذار اللى بيشتغل مع الإهتزاز و الخبط اللى الناس كلها بقيت واخدة على صوته و هو بيعمل فقط فى حالة فتح السيارة بمفتاح مصطنع أو عنوة بعد غلقها بالريموت أو فتح الشنطة و السيارة مقفولة بالريموت أو الكبوت و لا يتوقف إلا بفصله بالريموت و يعمل حتى فى عدم وجود البطارية الرئيسية.

[Hassan Khalil]

العربية فيها انذار بالفعل ... و بيشتغل لو فتحت العربية بمفتاح غير مفتاحها ..
و زي ما قال ابو عبد الرحمن : الاندار بتاعها : فضيـــــــــــــــــــــــــحة

[Sharky]

شكرا يا أبو عبد الرحمن لتصحيح المعلومة ليه

[sindbadffff]

بس يا سيدى جرب انك تعمل لوك و الزجاج مفتوح - العلربية بتتقفل و المسوجر بينزل

انته بقى طلع المسوجر فوق و افتحا و احكى ليه ايه الى حصل

[Hassan Khalil]

بس يا سيدى جرب انك تعمل لوك و الزجاج مفتوح - العلربية بتتقفل و المسوجر بينزل

انته بقى طلع المسوجر فوق و افتحا و احكى ليه ايه الى حصل

:p :p :p :p
شكلك شرير يا سندباد .. عايز تخلي الشارع يتلم علي الراجل .. باين عليك بتحبه اوي

[bemocarlo]

Hello guys;
What is the latest news for proton persona?
Thank you all
bemo,ireland

[tutankhamoun]

العربية فيها انذار بالفعل ... و بيشتغل لو فتحت العربية بمفتاح غير مفتاحها ..
و زي ما قال ابو عبد الرحمن : الاندار بتاعها : فضيـــــــــــــــــــــــــحة

الإنذار بيشتغل حتى لو فتحت العربية بمفتاحها
لأنك لازم الأول توقف عمل الإنذار و الإموبيليز الأول و بعدين تستخدم المفتاح
و موضوع المفتاح بتاعها
ينطبق على التشغيل فقط و ليس الإنذار
لأن العربية لو مقفولة بالريموت و جيت تفتحها بمفتحها الأصلي .......... هاتفضحك
و ربنا ما يجيب فضايح

[Hassan Khalil]

تسلم يا توت باشا .. و ربنا يبارك لك في عربيتك
و شاكرين علي تصحيح المعلومة ..
و غالبا كلنا متفقين في نقطة واحدة .. و هي ان الانذار بتاعها ..فضيحة :)

[KHALED012500]

الف مبروك ياباشا على العربيه

وابو عبد الرحمن قال كل حاجه

[yasserayad]

الف مبروك ياباشا على العربيه

+100000000000
ربنا يباركلك فيها
ويعطيك خيرها ويبعد عنك شرها

[ahmedsiyam]

مبروك على العربية يا استاذ و عقبالنا