شكرا بروتون

[wekabika]

يا جماعة النهاردة و انا واقف في حالي و الناس كلها وافقة لقيت واحد ظابط غبي راكب ماتريكس دخل فيا دخله غبيه من ورا و الله كانت جامده اوي انا قولت الأكصدام ادغدغ نزلت ابص مفيش اي حاجه الحوار كله بوليش و المشكله انه مركب ديفندر كمان انا عربيتي برسونا :)


و الله بجد شكرا بروتون

[epzomata]

الحمد لله........... شكرا بروتون

[ahmad alshaaer]

الحمد لله على سلامتك ثم سلامة العربيه

وده نصيب وربنا يلطف بينا ويسامحنا

تحياتي

[Tayer]

و دى حاجه من أهم ما يميز بروتون

[sweetvolcanoo]

الف سلامة بالرغم من ان اسلوبك فيه تقليل لقيمة واحد متعرفوش بس برده الف سلامة عليك و عليه,واكيد هو برده ماكنش يقصد يخبطك,قدر الله و ما شاء فعل

[eslamkasem]

سلامتك يا باشا الحمد لله انك كويس ...
سؤال الظابط خبطك كدا وسابك تمشي عادي كان المفروض يعملك مخالفة دا ظاااابط يا جدعان

[goingonlovingu]

شكرا بروتون على ايه ؟؟
لو انت دخلت ف عربيه واقفه اكيد عربيتك هيه اللي بتبوظ وده في حادثه في الدنيا

[jisso82]

شكرا بروتون على ايه ؟؟
لو انت دخلت ف عربيه واقفه اكيد عربيتك هيه اللي بتبوظ وده في حادثه في الدنيا

أولا الموقف ده حصللى مرتين و العربية الحمد لله فى المرتين ما حصلهاش حاجة مرة موتوسيكل من ورا و مرة كنت واقف فى إشارة و ماتريكس برده طلعة من ركنة خبطت الجنب عندى و الحمد لله المرتين تمام و زى الفل ما حصلش منهم حاجة و عربيتى برسونا برده للعلم.

أما شكرا على إيه اللى حضرتك معترض عليها فلأن صاجها ماشاء الله قوى و أنا راكب 3 عربيات قبلها و مجرب و هل معنى كلام حضرتك إنك لما تفرمل فى الطريق و أديك بقيت واقف أهه و حد يدخل فى عربيتك من ورا المفروض ما يحصلهاش حاجة

[goingonlovingu]

أولا الموقف ده حصللى مرتين و العربية الحمد لله فى المرتين ما حصلهاش حاجة مرة موتوسيكل من ورا و مرة كنت واقف فى إشارة و ماتريكس برده طلعة من ركنة خبطت الجنب عندى و الحمد لله المرتين تمام و زى الفل ما حصلش منهم حاجة و عربيتى برسونا برده للعلم.

أما شكرا على إيه اللى حضرتك معترض عليها فلأن صاجها ماشاء الله قوى و أنا راكب 3 عربيات قبلها و مجرب و هل معنى كلام حضرتك إنك لما تفرمل فى الطريق و أديك بقيت واقف أهه و حد يدخل فى عربيتك من ورا المفروض ما يحصلهاش حاجة

غالبا اه
الاضرار بتبقى في اللي خابط العربيه اكتر بكتير من الللي اتخبط

[jisso82]

أضراره بتبقى أكبر لسببين مهمين أولا إن عضم العربية من ورا فى الغالب بيبقى أقوى منها قدام و ثانيا زاوية الخبطة و المكان اللى اتخبط له أثر مهم فى تأثيرها أكيد لكن مش إنها واقفة أو ماشية مش هو ده المعيار أما إنها ما يحصلهاش حاجة خالص لازم بجد نقول ماشاء الله و ربنا يباركلنا فى بروتون ده انا كان عندى عربية لو سندت على الرفرف الأمامى الباب ما يتفتحش و عربية تانية فى لحظة نرفذة خبطتها برجلى حسيت إنها غاصت فى الصاج لحد الكنبة. أكيد دلوقتى حاسس بفرق و كبير جدا كمان الحمد لله