عربيتى اتخبطط

[mahmoud18]

السلام عليكم اعضاء نيل موتورز الكرام

النهارده الصبح روحت الجراج اجيب العربيه
لاتها مخبوطه!!!!! لا حول ولا قوه الا بالله

السايس بيقولى عربيه ميكروباص فلوكس كان بيركن امبارح الساعه 2 خبطها!!!!!!

فالخبطه فى الرفرف الشمال و الرفرف ضاع

فانا كنت عايز اخد رايكوا
هل اعملها فل توكيل و اغير الرفرف (سواء تامين او انا ادفع)

ولا اعملها بره و ارد الرفرف عند سمكرى و بعدين ارشه؟

ربنا يحفظكوا و يبعد عنكوا شر الميكروباصات (حتى و احنا وقفيييين مش عتقنا)

و حسبى الله و نعم الوكيل

[Osama.shihata]

انا كمان واخد خبطة فى نفس المكان نزلت من البت لقتها مخبوطة الحمد لله على كل حال قدر الله وماشاء فعل
اعتقد التوكيل افضل
بس ازاى الاجراءات تتعمل مش عارف
ممكن حد من الزملاء يقولنا على الاجراءات

[jisso82]

معلش و 1000 حمدلله على سلامتك هى أكيد فى التوكيل أحسن بس مشكلته إن الإجراءات طويلة ده أنا مخبوط بقالى فترة و نفسى مش جايبانى أودى العربية التوكيل عشان مش عارف ألاقى بديل فى الفترة اللى هتقعدها جوه

[vsaga]

على حسب انت مأمن ولا لأ لو مأمن ظبط بين التأمين والتوكيل هما يقوموا بالواجب وبعدين برضه على حسب الخبطة لو بسيطة وترد على البارد يبقى احسن ردها على البارد وخد بالك التوكيل على ما اعتقد مش بيرد حاجة على بارد ده كله شغل فرن يعنى العربية هاترش ويبقى خلاص كده اسمها راشه دواخل وانت عارف فى اعادة البيع كلمة العربية رشاه بتنزلها النص على طول .. فلو الخبطة تنفع تترد على البارد يبقى الاحسن ردها عند واحد يكون محترف كده وهايرجعهالك زى ما كانت
وده رقم واحد سمكرى انا مجربتهوش الصراحه بس واحد صحبى كان معاه جين اتشحورت منه والواد ده رجعها لدرجة محدش فينا عرف يطلع الخبطة كانت فين بظبط ومشهور مكانه فى بين السرايات
اسمه يوسف
رقمه 0105104410