ممكن مساعدة لأبو رواش ..

[sayed911]

السلام عليكم ورحمة الله وبركاته

اخواني فالله تحياتي لكم

وكل عام وانتم بخير وعام هجري سعيد علينا جميعا ان شاء الرحمن تعالا ..


ثانيا

بعد اذن حضراتكم انا ان شاء الله تعالا رايح بكرةالصبح مباشرة على ابو رواش ان شاء الله ..

فأي زميل او اي حد لديه اي استفسارات ان شاء الله ها اسئل لحضراتكم عليها هناك او اي حد عايز اي حاجة من هناك انا موجود برضوا ان شاء الله ...

ثالثا
بعد اذن حضراتكم انا ساكن في شارع احمد سعيد ( العباسية ) وعايز اروح ابو رواش ان شاء الله انا كل اللي عارفوا للأسف هوة اني ها اطلع اكتوبر من غمرة او رمسيس مش ها تفرق ولكن انزل انهي نزلة وافضل ماشي بعدها ازاي وفين موقع التوكيل هناك بالضبط قبل ولا بعد دي بقى الحقيقة ليس لي علم بها ده انا زابط المنبه على 7 يادوب عشان اوصل على 9 عشان انا عارف نفسي كييف توهااااااااااااااااان وعارف اني ها اتوه بتاع 74653 مرة فقولت الم نفسي واصحى من بدري ان شاء الله ومتشكر جدا لحضراتكم مرة اخرى وتحياتي لكم حميعا يا اخوني ...

[waaeell]

السلام عليكم

توصل بالسلامه ان شاء الله

ممكن تسالي علي سعر البرسونا المانيوال فل اوبشن ثمنها كام

لان في عرض عليها في التوكيل وحاول توصل لاقل سعر ان امكن

وجزاكم الله خيرا

[mahmoud_magdy]

اكتوبر اتجاه الدقي من غمره افضل لانها بتكون اكثر روقانااااااا
هتدخل دخلة 15 مايو وعلى مهلك وانت داخلها علشان فيها ملفات قويه شويه( ملحوظه صغيره هي بعد نزلة الكورنيش )
وهتفضل ماشي علطوووووووووووووووووووووول
هتلاقي نفسك فوق المهندسين وميدان لبنان هتطلع كوبري كدا وبعد كدا هتطلع المحور (السرعه90)
بعدها هتنزل نزلة مصر اسكندريه من المحور (مفيش غيرها وعلى مهلك عشان الرادار وتاخد بالك من النزله)
او ما تنزل من المحور هتفضل ماشي علطول
واول مباني تقابلك وادامها عربيات كتير هو ده عمو عز
ادخل بعد المباني دي اول شارع يمين
وتاني بوابه يمين هي دي ورشة بروتون
وهتعرفها لان هيكون في ناس واقفه بعربيات بروتون مستنيين يدخلو

لو في اسئله اتفضل
شكرا ليك

[sayed911]

السلام عليكم

توصل بالسلامه ان شاء الله

ممكن تسالي علي سعر البرسونا المانيوال فل اوبشن ثمنها كام

لان في عرض عليها في التوكيل وحاول توصل لاقل سعر ان امكن

وجزاكم الله خيرا

تحت امر حضرتك ان شاء الله بكرة ها يكون عند حضرتكالخبر اليقين ان شاء الرحمن ..

اكتوبر اتجاه الدقي من غمره افضل لانها بتكون اكثر روقانااااااا
هتدخل دخلة 15 مايو وعلى مهلك وانت داخلها علشان فيها ملفات قويه شويه( ملحوظه صغيره هي بعد نزلة الكورنيش )
وهتفضل ماشي علطوووووووووووووووووووووول
هتلاقي نفسك فوق المهندسين وميدان لبنان هتطلع كوبري كدا وبعد كدا هتطلع المحور (السرعه90)
بعدها هتنزل نزلة مصر اسكندريه من المحور (مفيش غيرها وعلى مهلك عشان الرادار وتاخد بالك من النزله)
او ما تنزل من المحور هتفضل ماشي علطول
واول مباني تقابلك وادامها عربيات كتير هو ده عمو عز
ادخل بعد المباني دي اول شارع يمين
وتاني بوابه يمين هي دي ورشة بروتون
وهتعرفها لان هيكون في ناس واقفه بعربيات بروتون مستنيين يدخلو

لو في اسئله اتفضل

شكرا ليك

انا عاجز عن الشكر فعلا والله يا فندم وانا التفاصيل دي كتبتها في ورقة وربنا يستر بكرة ومتلقونيش جاي بقولوكوا حد يجي يضمني انا روحت بورسعيد بالغلط ولكن سؤال اخير وانا عارف انه غريب انا رايح عشان اقابل الأستاذ محسن صالح وحضرتك بتقول انه على البوابة فيه ناس كتير معنى كده انه الدخول لازم يكون بحجز او بمعاد على الأقل ولا يمكنني الدخول على طول لأني خايف بعد ما اروح المشوار ده كلوا يطلع ممنوع الدخول بدون موعد حجز سابق ويبقى ضربت المشوار على الفاضي ...

[eng_Amr]

انا رايح عشان اقابل الأستاذ محسن صالح وحضرتك بتقول انه على البوابة فيه ناس كتير معنى كده انه الدخول لازم يكون بحجز او بمعاد على الأقل ولا يمكنني الدخول على طول لأني خايف بعد ما اروح المشوار ده كلوا يطلع ممنوع الدخول بدون موعد حجز سابق ويبقى ضربت المشوار على الفاضي ...

ياباشا لازم تكون حاجز فعلا عشان الصيانة ودة تليفون الحجز 0117872000
بس عادى ممكن تدخل وتقابل اى حد بس من غييير ماتعمل صيانةللعربية

[sayed911]

ياباشا لازم تكون حاجز فعلا عشان الصيانة ودة تليفون الحجز 0117872000
بس عادى ممكن تدخل وتقابل اى حد بس من غييير ماتعمل صيانةللعربية

انا متشكر جدا لحضرتك ولكن انا بالفعل عملت الصيانة يوم الخميس اللي قبل اللي فات الحمد لله ولكن انا رايح عشان اسئل عن حاجات خاصة بالسيارة وعاجز عن الشكر يا فندم .. ولكن انا بالفعل فقط داخل الى التوكيل فقط ومتشكر جدا لحضرتك فعلا يا اخي ..

[mahmoud_magdy]

مادام داخل عند استاذ محسن يبقى روح براحتك مش لازم تروح بدري
شوف مواعيده امتا

صحيح
متدخلش مكان الصيانه اركن بره يعني متدخلش يمين
استاذ محسن هتلاققيه في مبنى سترويين اعتقد
مش هتلاقيه في بي ام ولا فولفو في مبنى تالت هتلاقيه فيه

[sayed911]

هوة على ما اعتقد قالي ها تلاقيني في معرض شيروكي بدال ما تفضل تلف وده افضل وصفة واسهلهم ولكن انا رايح بدري عشان عارف انو ابو السيد وسعاد احتمال تلاقيهم طلعوا طنطا بدال ابو رواش عشان كده عامل احتياطاتي ... ومتشكر جدا لحضرتك ولكن سؤال انا لما رحت عملت الصيانة في العجوزة كنت حاجز بالتلفون ولما رحت محدش سألني حتى الحجز بإسم مين ... ولكن يبدو من كلام حضراتكم انه الدخول للصيانة في ابو رواش محتاج حجز مسبق لأنه واضح انه عليه اقبال اكبر من العجوزة ... ومتشكر جدا لحضرتك وعاجز فعلا عن الشكر وفعلا بتبان في لاقسم روح الأخوة والتعامل الحسن ومتشكر جدا يا اخي ...

[Ayman_52]

ا/محسن صالح ... هتلاقيه قى مبنى جيب (سيتروين سابقـا)

هتركن عربيتك برا عادى عالصحراوى (بس خلى بالك عشان لو فى لجنه عدت هتضبطك مخالفه انا لسه متضبط واحد بـ 1500 :( ... فاحتياطى اركن فى الشارع الجانبى اللى جنب التوكيل)

رقم محسن -0105119209-

واحسنلك تخليك فى بيتك ... وان شاء الله اجبلك كل التفاصيل بكره :)

تحيــــــــــــــاتــى

[sayed911]

ا/محسن صالح ... هتلاقيه قى مبنى جيب (سيتروين سابقـا)

هتركن عربيتك برا عادى عالصحراوى (بس خلى بالك عشان لو فى لجنه عدت هتضبطك مخالفه انا لسه متضبط واحد بـ 1500 :( ... فاحتياطى اركن فى الشارع الجانبى اللى جنب التوكيل)

رقم محسن -0105119209-

واحسنلك تخليك فى بيتك ... وان شاء الله اجبلك كل التفاصيل بكره :)

تحيــــــــــــــاتــى

لالالالالالالا ماهو لو اللجنة عدت والعربية اتسحبت مش ها اقول غير تبع ايمن باشا ساعتها عليه العوض ومنو العوض وانا لله وانا ايه لراجعون ...... ومتشكر جدا يا استاذ ايمن وانا فعلا خلاص كنسلت الوضوع بكرة ان شاء الله وها اكلم حضرتك بكرة ان شاء الله عشان اعرف الدنيا ماشية ازاي وفعلا خلاص يعني ايه اللي ها يودني مدام حضرتك بكرة ها تقولي اتصرف ازاي يبقى خلاص قضي الأمر الذي فيه تستفتيان ومتشكر جدا يا استاذ ايمن ومتشكر جدا مرة اخرى وفي انتظار الأخبار من حضرتك غدا ان شاء الرحمن ..