صيانة الـ20الف ومعلومات جديدة مهمة جداً

[Eng. Rafy Samy]

صباح الخير على رجالة بروتون

اسكندرية سقعة تلج ورياح وعواصف مش عارف فيه ايه...

انهادرة الحمدلله عملت صيانة ال20ـالف وكانت زيارة موفقة في التوكيل وعرفت معلومات جديدة مهمة جداُ لكل ملاك بروتون

1- الصيانة شملت تغيير زيت وفلتر زيت وفلتر بنزين وبوجيهات ( الحمدلله التيل كويس مش محتايج يتغيير )
2- اتبسط قوي لما لقيتهم بيستخدموا بوجيهات NGK ياباني ودي حاجة كويسة قوي

مش حطول عليكم نخش على المفيد
التعليمات دي جديدة عرفتها من المهندس احمد حلمي فرع اسكندرية

1- ممنوع منعاً باتا تغير اي زيت طرف العميل او تغيير زيت غير بتاع التوكيل والموضوع ده ابتدى يطبق من النهاردة
2- ممنوع استخدام بوجيهات او فلاتر او سيور غير بتوع التوكيل وإلا الموتور بروه الضمان
3- كل عميل حيوقع على إقرار بإسنخدام بنزين 92 على الاقل إلا الموتور بره الضمان
4- ضمان الموتور من الداخل + الجريبوكس 100.000 كيلو / خمس سنوات
ايوة مئة الف كيلومتر وباقي العربية 60 الف كيلو

وطبعاً كل الشكر والتقدير والاحترام لصديقي وحبيبي أ/ احمد viper911s لإهتمامة ومسعدته وتوصيته عليا
وعلى الدردشة الجميلة اللي خلت الوقت يعدي بسرعة جداُ
معلش انا بعتذرلك كان نفسي اقعد معاك وقت اطول بس انا كنت مستعجل وانت كمان مشغول في الجرد ربنا يكون في عونك ويعينك على المسئولية الكبيرة دي.

شكراُ بروتون على الخدمة الممتازة وإلى الامام


نقبوا تحياتي جميعاُ

[eng.m7md.ali]

الف مبروك على الصيانة يا بشمهندس
بس ازاي بعد ما عودت العربية على زيت ارجع واغيرو تاني والمشكلة ان زيت فيسكو احسن من توتال كمان التوكيل عايز يجبر الناس انهم يشترو من عندو بالاسعار اللي عايزها

بس هل هما زودو ضمان الموتور والجيربوكس ولا هما كانو كدة (دي معلومة كويسة اوي على فكرة)


وعقبال صيانة ال 100 الف

[أبومعاذ]

أولا ألف مبروك الصيانة وشكرا على المعلومات الجديدة
ثانيا مش عارف يا هندسة بحس ان اسكندرية ليهم نظام مع نفسهم منفصل عن الصحراوي يعني التعليمات الجديدة دي ممكن متتنفذش عندنا هنا عموما ألف شكر على المعلومات

[sayed911]

الف مبروك على صيانة الـ 20 يا باشا وعقبال الـ مليون يارب كده ..
ولكن هية بصراحة سياسات تضع ضوابط ممتازة في التوكيل عشان محدش يبقى بيخرج عن النص ويبقى العربية لو فيها انا عارف انها ساعتها ها تبقى مشكلة التوكيل مش مشكلتي لا قدر الله طبعا ... ولكن الحمد لله وتحياتي لك اخي والف مبروك ..

[Eng. Rafy Samy]

الف مبروك على الصيانة يا بشمهندس
بس ازاي بعد ما عودت العربية على زيت ارجع واغيرو تاني والمشكلة ان زيت فيسكو احسن من توتال كمان التوكيل عايز يجبر الناس انهم يشترو من عندو بالاسعار اللي عايزها

بس هل هما زودو ضمان الموتور والجيربوكس ولا هما كانو كدة (دي معلومة كويسة اوي على فكرة)


وعقبال صيانة ال 100 الف

أ/ فليكس الله يبارك فيك - بس انا عملت مشكلة كبيرة انهاردة وعليت صوتي وبهدلت الدنيا بس بصراحة هما عندهم حق لان الموضوع ده ليه اساس ان واحد جاب زيت من عنده وعمل مشكلة في الموتور كبيرة ولما خاطبوا المالزيين علشان يحلوا المشكلة رفدوا لانه مش بيستخدم الويت اللي هما موصيين عليه ونفس المشكلة في موضوع البنزين - ده اللي مهندس احمد حلمي قالهولي والله اعلم...
ممكن viper يأكدلنا الموضوع ده اكتر

بالنسبة لموضوع ان الموتور يتعود على زيت معيين بصراحة انا مش مقتنع بالكلام ده - دي مكنية والزيت اللي فيها كفيل بإنه يساعدها في شغلها مهما كان نوعة - انما الموتور يتعود ومش حيقبل زيت تاني واحتمال يرجع والكلام ده انا بصراحة مش بقتنع بيه..

بالنسبة لفترة الضمان انا اللي كنت اعرفة انها 60 الف او 3 سنوات على العربية كلها بس انهاردة شفت الجدول وسألت واتأكد اكتر من مرة ومن مصدر
الضمان 100الف على الموتور من الداخل ( وخلي بالك من الداخل دي ) والجيريبكس
والباقي 60 الف فقط

تقبل تحياتي

أولا ألف مبروك الصيانة وشكرا على المعلومات الجديدة
ثانيا مش عارف يا هندسة بحس ان اسكندرية ليهم نظام مع نفسهم منفصل عن الصحراوي يعني التعليمات الجديدة دي ممكن متتنفذش عندنا هنا عموما ألف شكر على المعلومات

اخي العزيز ابو مريم الله يبارك فيك شكراُ لردك واهتمامك
صدقنى ممكن يكون فعلاً افتكاسة من مدير الفرع مش اكتر والموضوع يرجع لطبيعته بعد كام يوم
اكيد احمد Viper ممكن يأكدلنا المعلومات دي اكتر
تقبل تحياتي

الف مبروك على صيانة الـ 20 يا باشا وعقبال الـ مليون يارب كده ..
ولكن هية بصراحة سياسات تضع ضوابط ممتازة في التوكيل عشان محدش يبقى بيخرج عن النص ويبقى العربية لو فيها انا عارف انها ساعتها ها تبقى مشكلة التوكيل مش مشكلتي لا قدر الله طبعا ... ولكن الحمد لله وتحياتي لك اخي والف مبروك ..

ا/ سيد شكراُ لمشركتك ، وفعلاً انا متفق معاك في كل كلمة - لما يكون في استندر معين كل العربيات بتمشي عليه ومحدش بيخرج برة النص يبقى كده انت بتضمن العربية تمام لان كل اللي بيركب فيها متوافق عليه من المصنع
وكمان لاقدر الله لو فيه مشكلة عندك لا التوكيل ولا المصنع يقدروا يهربوا من المسئولية لانك بتتبع تعليماتهم وبالتالي هما اللي مسئولين عن العربية فيما عدى سوء الإستخدام

تقبل تحياتي

[tamer_aj]

وبعدين موضوع البوجيهات ال NGK هل هي هي اللي بتتجاب من بره يعني Iridium و لا دي حاجة تانية أقل؟ و بكام في التوكيل و بره بكام؟
و بعدين موضوع الضمان ده أصلا حقنا و إحنا اللي كنا مفرطين فيه, و ده زي ما هو مثبت في برشور العربية.
شكرا.

[viper911s]

اولا احب اشكر المهندس رفيق على المحادثة الجميلة الى دارت ما بينا
ثانيا
موضوع الزيت فى بعض الحالات الى بيكون فيها الزيت طرف العميل بتحصل مشاكل هى قليلة بس تجنبا للموضوع تم رفض ان الزيت يكون طرف العميل
وارد جدا ان الصحراوى مايطبقش الموضوع دة ممكن محصلتش مشكلة كبيرة تستدعى انو يطبق الموضوع دة

لكن بيكون بردو تحت مسئوليتنا احنا كوكيل
ارجو انى اكون اقدرت انى افيدكم
ويا بشمهندس انا معملتش حاجة غير الواجب والله

[kareem_aljamal]

1- ممنوع منعاً باتا تغير اي زيت طرف العميل او تغيير زيت غير بتاع التوكيل والموضوع ده ابتدى يطبق من النهاردة
2- ممنوع استخدام بوجيهات او فلاتر او سيور غير بتوع التوكيل وإلا الموتور بروه الضمان

الكلمتين دول معناهم عز العرب من سئ لأسوأ
أنا مش فاهم ايه الكويس في كده ؟؟؟؟
زين فيسكو الناس كلها بتشكر فيه و هو احسن من توتال 90000000000000 ملون مرة
يبقى ليه يجبرني على توتال ؟؟؟؟



و الناس اللي حاطه فلاتر سبور ليه يجبرهم يجيبوا فلتر ب 110 جنيه و هو ميسواش 30 40 جنيه ؟؟؟؟؟
ده استهبال

[jisso82]

1000 مبروك على الصيانة يا هندسة و ميرسى على المعلومات الجامدة مع إن فيه شوية منهم يزعلوا بس برده 1000 شكر ليك.