قطع غيار بروتون ساجا عن تجربه فعلا ارخص قطع غيار فى مصر

[SALAHHAKIM]

السلام عليكم
اولا مترميش اى قطعه غيار حتى فى التوكيل اطلبها ليه لان اى محل قطع غيار حافظ مش فاهم
مثال
اطلب من المحل فلتر بنزين بروتون ساجا حيقول معنديش انما اديله الفلتر حيديك الفلتر بتاع الدايو لانوس
الخلاصه ان مفيش عربيه متفره فى حاجه الا فى الشكل الخارجى فقط
عن تجربه
فلتر بنزين بروتون ساجا 60 جنيه= دايو لانوس 20 جنيه
فلتر زيت بروتون ساجا 40 جنيه =لانسر 27 جنيه
طقم بوجيه ان جى كيه 60 جنيه = طقم بوجيه ان جى كيه 3 شمعه 60 جنيه وادعولى كتير عشان بيفرق فى استهلاك البنزين
عن خبره شويه
قواعد الموتور بروتون ساجا = بيرسونا = جين تو = لانسر كرستاله
المسافه بين البطاحه بروتون ساجا = بيرسونا 124 سم ودى تفيد فى تركيب الشداد
ان تيل الفرامل بروتون ساجا = افيو = 60 جنيه
زيت موتور مصر فينكس 100% تخليقى 195 احسن من اى زيت بيتغير على 25 الف كم
وطبعا
خليكو فاكرين ان انت لو رحت لمحل قطع غيار قلت هات فلتر زيت لانسر حتاخده 27 جنيه ولو قلت فلتر بروتون حتاخده بـ40 جنيه هو هو بس هى دى التجاره
الخلاصه التانيه
مترميش حاجه من قطع الغيار
متنساش تدعى لى بالخير
الكلام ده 100 % صحيح وعن تجربه

[spiderloking]

اقولك علي حاجه بجد انت راجل بتفهم و بتحاول تدور علي حلول مشكلة الشعب المصري انوا كسلان و مش بيحب يدور و يعرف و مشكلة معظمنا ان كل واحد فينا راكب عربيه مش فاهم لا في الميكانيكا بتاعتها ولا حاجه يدوب دور و حط بنزين و امشي انما اساسا في ناس متعرفش شكل الفلتر ده عامل ازاي و لاحظت ان الاغلبيه كدا فعلا و ديه حاجه في حد زاتها مش كويسه علشان كدا الناس بتضحك علينا
طبعا شكرا علي العلومات ديه بجد و فعلا كلامك صح كلوا اهم حاجه بقي الناس اللي بتقول قطع الغيار البروتون غاليه تستفيد من الموضوع ده و تحاول تدور زي ما الراجل عمل كدا و ان شاء الله كلوا متوفر بأذن الله

[eslamkasem]

والله فعلا جزاك الله كل خير واكيد كل اخوتنا ملاك الساجا هيدعولك من قلبهم ..بالمناسبه مفيش قطع غيار عربيات تانيه تنفع للواجا كامبرو انتا عارف اسعرها نار ازاي

[amr1973]

طيب الكلام ده جميل جدا بس محتاج شوية تعديل يعنى لازم يكون هناك موضوع و يكون عنوانة قطع غيار الساجا المتوافقة مع الانواع الاخرى و يتم تثبيتة و اى حد يعرف حاجة عن قطعة غيار متوافقة يتم ارسالها الى صاحب الموضوع ليتمكن من اضافتها و تكون موسوعه بجد هو دة الشغل و طبعا كجهود متميز من صاحب الموضوع و لك كل التقدير و الشكر

[أبومعاذ]

هو ايه زيت فينكس؟

[spiderloking]

هو ايه زيت فينكس؟

ده زيت جديد من انتاج شركة مصر البترول اسمع انو كويس و سعروا 195 جنيه

[jisso82]

أولا على الرغم إنى مش معايا الساجاإنما تشكر على المجهود و المعلومة

هو ايه زيت فينكس؟

++++11111111111111 إيه هو الزيت ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[SALAHHAKIM]

اقولك علي حاجه بجد انت راجل بتفهم و بتحاول تدور علي حلول مشكلة الشعب المصري انوا كسلان و مش بيحب يدور و يعرف و مشكلة معظمنا ان كل واحد فينا راكب عربيه مش فاهم لا في الميكانيكا بتاعتها ولا حاجه يدوب دور و حط بنزين و امشي انما اساسا في ناس متعرفش شكل الفلتر ده عامل ازاي و لاحظت ان الاغلبيه كدا فعلا و ديه حاجه في حد زاتها مش كويسه علشان كدا الناس بتضحك علينا
طبعا شكرا علي العلومات ديه بجد و فعلا كلامك صح كلوا اهم حاجه بقي الناس اللي بتقول قطع الغيار البروتون غاليه تستفيد من الموضوع ده و تحاول تدور زي ما الراجل عمل كدا و ان شاء الله كلوا متوفر بأذن الله

السلام عليكم
الف شكر على الكلام الجامد
بس انا عشان اعرف موضوع التيل دة فيلم هندى وده بسبب ان العربيه ماشاء الله ماشيه 40 الف ومش محتاجه تغير تيل انما فى واحد ابن حلال على منتدى سيارات افتى افتى ان تيل الانوس بيركب على السجا ..
قلت اجرب وانا خارج من الشغل اشتريته تيل امامى لانوس بـ45 جنيه طبعا كنت طاير من الفرحه انما . انقل الفيلم الهندى زى منا كتبه على المنتدى التانى
الفيلم الهندى


احب اضيف ان معلومه الاستاذ ايمن عنابى عن التيل غلط غلط غلط وانا امبارح ركبت تيل الفرامل الامامى طلع بتاع ايه شيفروليه افيو الاصلى بـ 60 جنيه والله العظيم بالميكرون واحد
وطبعا عرفت الكلام بعد لما رحت اشتريت تيل فرامل لانوس زى ما الاستاذ ايمن قال ورحت زى الشاطر عن الميكانيكى وكلى ثقه فى كلام عم ايمن .المهم الميكانيكى بيقولى تيل لانوس على بروتون ازاى يا بيه قوم ايه انا عملت ابو العريف وقلت ليه انت عارفت ان العربيات بتشترك فى حاجات كتير ما عدا الشكل الخارجى . المهم لاقيت الميكانيكى قاعد يكركر ويضححك . قلت ليه مالك يابنى قلى ماركبش . ايه ازى مركبش قالى اهه ببص على التيل لاقيته نفس الشكل ولكن اقصر ؟؟؟؟؟؟؟؟؟؟؟؟؟؟؟؟؟؟؟؟؟ بصراحه كان شكلى زى الزفت قدام الاسطى الى مسكتش طبعا وطبعا عمال يبص ليا بـ نظره عامل برم ومفتح اديك شربت التيل . واحد صحبى معدى بعربيته قلت ليه على الفيلم الهندى اللى شربته من ايمن عنابى صاحبى قالى طب ما انت صح العربيات كلها بتشترك فى حجات كتير وتعالى نشوف عن بتوع قطع الغيار .....انا كمان مسكتش ورحت باصص ليه بنظره استر عليا اتصرف ازاى المهم ربنا بيحبنى جدا رحت اول محل وبسطعبط وبقله تيل لانسر ده صح . الراجل طلع كل التيل الى عنده كرستاله لا
ماتريكس لا . هيونداى لا بومه لا بومه لا كله لا لا طبعا انا فى موقف زى الزفت
العربيه عند الميكانيكى ومرفوعه والتيل معيا اتصرف ازاى المهم المحل التانى واد دكر اول ماشاف التيل جاب تيل فرامل افيو . انا بقيس الاتنين طلعو واحد طبعا كنت مصدوم وعمال اقله هات بوكوليز واقيس الطول العرض وكل حاجه طلع هو هو الحمد لله الحمد لله طلع بــــــ60 جنيه الكورى الاصلى الى مابصفرش ورجعت جربته تمام الحمد لله زى الفل .
كلمت كل الناس وقلت ليهم على خبر التيل الامامى عشان محدش يقع فى نفس الموقف
الحمد لله ...
ياريت محدش يكتب الا الحجات الى غيرها فعلا مش اى كلام وخلاص
واسف على الاطاله

[gebreel]

الف شكر يا باشا و هعمل الحركة دي ان شاء الله في اللادا اللي مش لاقيلها تيل نضيف

[amr1973]

تمام و الله يا باشا و الله انت بجد جامد جدا و ربنا يوفقك

[amr1973]

طيب يا جماعه حد عندة اى بدائل اخرى للساجا

[sleepyhammer]

الله ينور عليك يا باشا وتسلم على الموضوع المميز والى كولنا محتاجينه فعلا
ربنا يسهل وتبقى متوفرة قطع غيار الساجا فى كل مكان

[eng.m7md.ali]

السلام عليكم
الف شكر على الكلام الجامد
بس انا عشان اعرف موضوع التيل دة فيلم هندى وده بسبب ان العربيه ماشاء الله ماشيه 40 الف ومش محتاجه تغير تيل انما فى واحد ابن حلال على منتدى سيارات افتى افتى ان تيل الانوس بيركب على السجا ..
قلت اجرب وانا خارج من الشغل اشتريته تيل امامى لانوس بـ45 جنيه طبعا كنت طاير من الفرحه انما . انقل الفيلم الهندى زى منا كتبه على المنتدى التانى
الفيلم الهندى


احب اضيف ان معلومه الاستاذ ايمن عنابى عن التيل غلط غلط غلط وانا امبارح ركبت تيل الفرامل الامامى طلع بتاع ايه شيفروليه افيو الاصلى بـ 60 جنيه والله العظيم بالميكرون واحد
وطبعا عرفت الكلام بعد لما رحت اشتريت تيل فرامل لانوس زى ما الاستاذ ايمن قال ورحت زى الشاطر عن الميكانيكى وكلى ثقه فى كلام عم ايمن .المهم الميكانيكى بيقولى تيل لانوس على بروتون ازاى يا بيه قوم ايه انا عملت ابو العريف وقلت ليه انت عارفت ان العربيات بتشترك فى حاجات كتير ما عدا الشكل الخارجى . المهم لاقيت الميكانيكى قاعد يكركر ويضححك . قلت ليه مالك يابنى قلى ماركبش . ايه ازى مركبش قالى اهه ببص على التيل لاقيته نفس الشكل ولكن اقصر ؟؟؟؟؟؟؟؟؟؟؟؟؟؟؟؟؟؟؟؟؟ بصراحه كان شكلى زى الزفت قدام الاسطى الى مسكتش طبعا وطبعا عمال يبص ليا بـ نظره عامل برم ومفتح اديك شربت التيل . واحد صحبى معدى بعربيته قلت ليه على الفيلم الهندى اللى شربته من ايمن عنابى صاحبى قالى طب ما انت صح العربيات كلها بتشترك فى حجات كتير وتعالى نشوف عن بتوع قطع الغيار .....انا كمان مسكتش ورحت باصص ليه بنظره استر عليا اتصرف ازاى :b4_592:المهم ربنا بيحبنى جدا رحت اول محل وبسطعبط وبقله تيل لانسر ده صح . الراجل طلع كل التيل الى عنده كرستاله لا
ماتريكس لا . هيونداى لا بومه لا بومه لا كله لا لا طبعا انا فى موقف زى الزفت
العربيه عند الميكانيكى ومرفوعه والتيل معيا اتصرف ازاى المهم المحل التانى واد دكر اول ماشاف التيل جاب تيل فرامل افيو . انا بقيس الاتنين طلعو واحد طبعا كنت مصدوم وعمال اقله هات بوكوليز واقيس الطول العرض وكل حاجه طلع هو هو الحمد لله الحمد لله طلع بــــــ60 جنيه الكورى الاصلى الى مابصفرش ورجعت جربته تمام الحمد لله زى الفل .
كلمت كل الناس وقلت ليهم على خبر التيل الامامى عشان محدش يقع فى نفس الموقف
الحمد لله ...
ياريت محدش يكتب الا الحجات الى غيرها فعلا مش اى كلام وخلاص
واسف على الاطاله

الفكرة دي جامدة اوي وانا ان شاء الله هاخد التيل بتاع الواجا والف على كل المحلات لحد ما اعرف تيل ايه بالظبط

[ramy01011]

الله ينور يا رجالة هو ده الشغل المصري عمره ما يغلب فعلا هههههههههههه

[د_محمد مدبولي]

بس سؤال يا ريس
انت عامل لغاية دلوقتي 40 الف بالساجا !!!!!!!!!
لو صحيح يا ريت تدينا خبرتك و تقرير متين عنها