مركز صيانة جديد لبروتون

[Abdelrahman.H]

المركز ده معتمد من التوكيل يعني الصيانة فيه مش بتخرج العربية من الضمان ...... الكلام ده أنا سامعه بودااااااااااااااني شخصيا من المهندس آمر الكوافي شخصيا ومن أ- وسام عرفة شخصيا


وزيادة في التأكيد الإعلان ده مكتوب فيه إسمهم ورقم تليفونهم على إنهم مركز معتمد

[ahmed_h_g]

خبر جميل ..... كتير مليح

[Old_Fox]

ياجماعة بصراحة أنا ماكنتش ناوى أكتب تانى عن المركز ده علشان مايتزحمش ويفضل رايق كده على طول
نروح له أنا أو أى حد من أصحابى وقت ماحنا عايزين بدون حجز معلش سامحونى شوية أنانية منى
بس كلمة الحق لازم تتقال ومع إنه معتمد فالمركز سواء كان معتمد أو لأ لايهمنى لأن عربيتى خرجت بره الضمان خلاص
وعملت آخر صيانة ليها بتاعت ال 60000 فيه والحمد لله العربية طلعت زى الفل الناس هناك فاهمة بتعمل إيه وعندهم ضمير
أنا غيرت سير الكاتينة والبلية وزيت وفلتر والبوجيهات والتيل كان بيصفر اتظبط وظبطوا استهلاك البنزين وعلبة الدركسيون ضبطوهالى كانت بتخبط بقت تمام وغسلولى العربية وكنت فاكر إنى حاتفحت بس الأمر طلع غير ما كنت فاكر خالص خصوصا المصنعية فمتهيألى بيحاسبوك على الوقت الفعلى إللى أخدته العربية فى التصليح أو يمكن فى خصم خاص بمناسبة الافتتاح
هى المشكلة بس كانت فى أسعار قطع الغيار اللى كانت أسعارها زى أسعار التوكيل بالضبط برضه لأنها أصلية وده طبيعى والعلب الأصلية كلها معايا مرمية فى الجراج تحت بالحاجات القديمة اللى فيها معرفش أخدتهم ليه!!
إنتو عارفين أصلنا شعب بنحب الكراكيب وخلاص :)
والسلام

[A. Ibrahim]

السلام عليك

انا بصراحه كنت هعمل موضوع عن المركز و صسانت ال40 و لكن اللي سبق كل النبق

اولا المركز معتمد من عز العرب و كمان بروتون ماليزيا لدرجة ان المالزين زاروه و اتبصتو قوي من المركز و تجهيزاته و شكله
ثانيا المركز بيغير علي الضمان يعني لا قدر الله لو طنابير حساسات اي مشاكل من ديه ببلاش زي الصحراوي بالظبط
المركز عباره عم 4 اوناش و مخزن لقطع الغيار و استقبال و استراحه للعملاء. فيه انترنيت و كافتيريا و المكان بوجه عام جيد الافتتاح الرسمي للمكان 1/1 /2011 و لكن المركز شغال تجريبي حتي الان

نيجي للناس و العاملين ناس زوق جدا و فيه م\ محمد صفا راجل محترم و فاهم و واخد تدريب من بروتون علي العربيه و الصيانه الفنين ناس كويسه انا جربتهم في صيانه عاديه "40000"و شويت حاجات صغيره و لكن الناس تمام م\ عصام راجل محترم جدا و اخلاق و بيعرف ازاي يحافظ علي العملاء

ميزت المكان انه سهل الوصول تاني ناصيه بعد الميكانكيون العرب المكان نظيف و مرتب قطع الغيار و الضمان شغال و الناس متفاهمه جدا و الصيانه هناك اتكلفت اقل من التوكيل بتاع 300 جنيه

بس ليه تعليق صغير لا اعتقد ان العماله ممكن تحل مشكله كبيره يعني لو فيه مشكله كبيره و الموضوع معكوك الاحسن اني اروح الصحراوي

قريبا سيتم افتتاح ورشة السمكره و يبقي مركز متكامل

اما عن صيانت ال40000 الدنيا مشيت تمام الناس بتعمل زي الكتاب مقال كل كبيره و صغيره و بتراجع كذا مره و بيتقبلوا اي ملحوظه . امام المركز شارع كبير فاضي و بيتم تجربة العربيات فيه