هل اركن فى جراج متعدد الطوابق ولا لأ؟؟؟؟

[asas2]

السلام عليكم يا جماعة

معلش عندى سوال لو حد يعرف

دلوقتى عايز اعرف هى فيها مشكلة لو اشتركت في باركنج فى الدور التانى .. يعني .. انا جنب الشغل عندى فى مول باركن فيه على طول .. بس هو فى مكانين باركنج واحد بتنزله كدة فى الدور الأرضى و ده غالى شوية .. وواحد تانى بطلعله دورين بالعربية

فالسؤال هل ده بيضر العربية على المدي البعيد اللى هو اطلع بيها كل يوم دورين ولفة وكدة ولا ده عادى ... لأن البركنج اللى فوق ده ارخص وافضي بصراحة كتير عن اللي تحت .. فلو حد يعرف معلومة مؤكدة يا ريت ميبخلش عليا بيها

على فكرة انا كل اما حد كان بيقوللى ان ده بيضر العربية كنت بقوله اتفرج على الافلام الأجنبى وكل الناس بتركن فى جراجات متعددة الطوابق كل يوم .. ومعندهمش مشاكل .. ولا دول علشان بيغيروا العربيات كل تلت سنين فمبتفرقش معاهم كبالن وتيل فرامل في النزلة وكدة يعني؟؟؟؟

[Bonanza]

اعتقد ان هي هي مش فارقة حاجه

جراج تحت الارض هاتنزل مستريح و لما تيجي خارج هاتطلع المطلع بتاعة
و لو فوق الارض هاتطلع المطلع الاول و بعدين تنزل وانت خارج

اعتقد مفيش فرق
تحياتي

[haroun707]

اعتقد ان هي هي مش فارقة حاجه

جراج تحت الارض هاتنزل مستريح و لما تيجي خارج هاتطلع المطلع بتاعة
و لو فوق الارض هاتطلع المطلع الاول و بعدين تنزل وانت خارج

اعتقد مفيش فرق
تحياتي

هو ده الكلام الزين

[asas2]

معش بس هو حضرتك تحت الأرض ده مبيكملش دور او حتة صغيرة اوي انما المطلع مطلع بجد بتاع دورين تلاتة فوق الأرض .. وطلعته كلها دايرة .. انما التانى مفيش لف فى دواير ولا حاجة

[eng_Amr]

أنا اسف بس لو هتمشى بمبدأ انا هضر العربية لو طلعت مطلع يبقى الافضل ماتمشييش ابدا فى طرق فيها مطبات مصرية ولا تطلع الدائرى عشان الفواصل و ماتمشيش فى حتة زحمة عشان الموتور ولا تطلع كوبرى اكتوبر ولا......ولا.....
ياباشا لو فى حتة مافيهاش شمس توكل على الله على الاقل تبعد عن الشمس والناس اللى بتحك العربيات وهى واقفة و حاجات كتييير وكدة كدة التييل بيستهلك سواء طلعت او لا
واللى اعرفه ان اللى بياثر على التيل اكتر هو فرامل مع سرعة مش على الهادى لو خايف على التييل والطنابييير ماتجرييش كتيير ولا تضرب فرامل جامدة و ربنا يسترها معانا كلنا

[vodanet]

أنا اسف بس لو هتمشى بمبدأ انا هضر العربية لو طلعت مطلع يبقى الافضل ماتمشييش ابدا فى طرق فيها مطبات مصرية ولا تطلع الدائرى عشان الفواصل و ماتمشيش فى حتة زحمة عشان الموتور ولا تطلع كوبرى اكتوبر ولا......ولا.....
ياباشا لو فى حتة مافيهاش شمس توكل على الله على الاقل تبعد عن الشمس والناس اللى بتحك العربيات وهى واقفة و حاجات كتييير وكدة كدة التييل بيستهلك سواء طلعت او لا
واللى اعرفه ان اللى بياثر على التيل اكتر هو فرامل مع سرعة مش على الهادى لو خايف على التييل والطنابييير ماتجرييش كتيير ولا تضرب فرامل جامدة و ربنا يسترها معانا كلنا

نفس ال كنت عايز اقوله بالظبط

[MASERATI]

السلام عليكم و رحمة الله و بركاته

طبعا أكيد سيادتك خايف عالعربية , ربنا يباركلك فيها و يرزقك خيرها و يكفيك شرها , بس العربية اللى يضرها الموضوع ده , يبقى خسارة فيها الفلوس أيا كان نوعها.

المهم أنك تاخد الملفات بالراحة مش بسرعة عشان الكاوتش و المقصات و الكلام ده, زى أى واحد مابيحافظ على عربيته, سواء كان جوه باركنج و لا فى الشارع بره .

[asas2]

متشكر ليكو يا جماعة جدا

بس انا برضه معرفتش معلومة أكيدة .. بس خلاص حركن فوق علي طول وربنا يسترها علينا وعليكم