للبيع Proton Gen2 2007 Manual

[Mohamed.Kader]

السلام عليكم
عايز أبيع عربيتي حد شاري.............

السيارة Proton -Gen2
موديل 2007

ناقل الحركة مانيوال

اللون أسود

الكماليات عتب في الأجناب+زيادة الأكصدام الخلفي(كساحة بس مبحبش الأسم دا)+كساحة أمامية موجودة بس مكسورة ومصلحتهاش لأنها هتتكسر تاني إما من الركنة أو المطابات+فوانيس شبورة أمامية وخلفية+مالتي فانكشن

عداد الكم 105.000 كم

حالة الجسم الخارجي والداخلي بدون أي خبطات

حالة الدهان فابريكة دواخل راشة برة (حال بلدنا مفيش عربية من غير حك)

حالة الموتور كويس جدا الحمد لله سحبوا مظنش فارق كتيير عن الزيرو

حالة العفشة فابريكة وكويس جدا

حالة الكاوتش يستحمل 5000 كم ويحتاج التغيير

حالة الصالون فابريكة ونظيف جدا وعلية فرش جلد*قماش أسود بضمان سنة

القطع التي تم تغيرها في العربية (كبوت+فانوسين أمامي+ريداتير)كان حادث صغير في الوش الأيمن أتكسر فية الفانوس اليمين والأكصدام أطبق من حتة مكانتش هتترد كويس والريداتير أتخرم فشككت في لحام وعلية تم تغيير الفانوسين علشان متقباش عين مفتحة وعين مغمضة زكذلك الريداتير والكبوت وتم الرش بنفس لون العربية

أخر صيانة كانت عند الــ 102.000 ودي كانت صيانة الـ 100.000 كل السيور وتربيط العفشة وتغير الزيوت تيل الفرامل أمامي وخلفي بحالتة متغير عند الــ 97.000 كم

بالنسبة للأوراق والذي منة
- نمر جديدة مرور فيصل
-باقي سنتين بالظبط في الرخصة
-الرخصة بأسمي منقول فيها الملكية ليا

المطلوب 60.000 جنية وطبعا رأيكم العاقل الحكيم إسترشاد لقراري

[mido_soliman]

ربنا يوفقك فى البيع ويباركلك ان شاء الله
مع ان حيعز علينا فراقك وانصحك بادراج صور للعربية من الخارج والداخل حتساعد كتير للناوى يشترى
تحياتى

[أبومعاذ]

ربنا يوفقك في البيع
معلش كان عندي استفسار هبعته لحضرتك على الخاص وارجو الرد

[malaty]

اين الصور ... ؟؟

[spiderloking]

ربنا يوفقك في البيع بس مقولتش سبب البيع ايه ؟

[Mohamed.Kader]

ربنا يوفقك في البيع بس مقولتش سبب البيع ايه ؟

السلام عليكم
والله هي العربية مش مديقاني في حاجة غير أن الــ كم بتاعها كبير وقدامي فرصة في عربية تانية بريليانس سبلندور بسعر مغري وتسهيلات جامدة وشبه زيرو طبعا الفرصة دي لو مقدرتش أن أتصرف بسرعة لا هروح ولا هاجي هتلاقوني معاكم ذي ماأنا ممكن ناس كتير تعارضني في موضوع الجين2 بالبريليانس بس البريليانس عربية محترمة جدااااا ومفيش فرق جامد بين الــ 2 خاصة بعد ما تزيد أسعار البروتون بخلاف أن عربيات بريليانس لها فخامة شوية عن البروتون

[أبومعاذ]

نصيحة السبلندور مع واحد قريبي كل حاجة من جوا تحس انها ضعيفة ومش بتعيش

[pedro732000]

نصيحة من اخ بلاش وبعدين اساسا التنين مفيش وجه مقارنة
ابعد عن الصينى وغنيي له عن تجربة لو كان فيها خير كانت دخلت السوق الاوروبى زى البروتون بس هى المشكلة ان اختبارات الامان للعربية زى الزفت "مسترخصين فى الشاسايه "

[Mohamed.Kader]

السلام عليكم
أنا معاكم في اللي بتقولوا بس ذي ما قلت أن عربيتي الــ كم عالي شوية والتانية اللي قدامي بضمانها+الــ كم البسيط والسعر كمان وعارف أن توافر قطع الغيار بالنسبة للبروتون أحسن بس أهي مجرد محاولة لو لحقتها لحقتها ملحقتهاش أديني قاعد وللعلم الصيني مش كلوا ذي بعضه البريليانس أفخر حاجه في الصيني بخلاف أنهم فعلا بيسعوا للأحسن وعلى فكرة أنا أتعاملت معاهم كمصنعين للعربية وكذللك الجريت وال فرق السما من الأرض بين اللي الأتنيين في طريقة التصنيع والتجميع والتكنولوجيا وفي مفاجأة كمان شركة بريليانس في طريقها لعمل مصنع في العين السخنة بإنتاجية تزيد عن الــ 60.000 عربية في السنة من موديلات كتييير منها أحنا شوفنها ومنها منزلش مصر طبعا مش الإنتاج دا كلوا لمصر لكن للشرق الأوسط كلوا وأكييد هيفيد ملاك بريليانس هنا في مصر

[spiderloking]

نصيحة من اخ بلاش وبعدين اساسا التنين مفيش وجه مقارنة
ابعد عن الصينى وغنيي له عن تجربة لو كان فيها خير كانت دخلت السوق الاوروبى زى البروتون بس هى المشكلة ان اختبارات الامان للعربية زى الزفت "مسترخصين فى الشاسايه "

الراجل ده بيتكلم صح و الصوره ديه تثبت صحة كلامو