اعلان الساجا الجديدة

[vsaga]

العربية تحفة يا جدعان بس لو نزلت بنفس السعر بتاع القديمة ومتهايلى دى استحاله واحلى حاجة عجبانى شكلها من بره التصميم رائع جدا والداخلى برضه احلى حاجة عجبتنى انهم قفلوا الحفرة اللى فى التابلوه دى والازاز اللى وراه اتوماتيك والكاسيت متزود usb

YouTube - Proton Saga FL Product Video

[sayed911]

الإعلان تحفة وجميل وبصراحة ولكن انا كانت عاجباني الحفرة دي جدااااااااااااااااااااااااااااااااااااا عشان علب المناديل ههههه موقعها استراتيجي بصراحة ..... شكرا جدا لك اخي على الإعلان ..

[ARC_2005]

الكلام ده يخوف

السلام عليكم

واقصد من العنوان
ان اشكل القديم لسه معمرش فى السوق
فهل من الصح انهم يغيروه
انتو عارفين ده معناه ايه
احنا كنا بنقول قبل كده ان العربيه لما تسمع فى السوق المستوردين هيوفروا قطع غيارها انما دلوقتى محدش هيستورد قطع غيار الشكل القديم لانه مطولش فى السوق ولو حد استوردها هيتحكم فى السعر براحته ومش هنلاقى التقليد بسهولة
ينفع كده؟؟؟؟ ولا انا غلطان

وبالمناسبة الشكل القديم تحفه
وهبقى انانى واقول يارب ما ينزل مصر
سلام

[gebreel]

هي الساجا الجديدة (الشكل الجديد) بجد تحفة

[sayed911]

يا جماعة الشكل ده لية ها ينزل مصر طبقا لكلام الزميل الأستاذ ايمن في 2012 يعني لسة يا مين يعيش والشكل الموجود حاليا مش ها يتغير حاليا ان شاء الله .

[spiderloking]

يا جماعه الشكل الجديد ده مش هينزل مصر دلوقتي اطمنوا و كمان لو نزل بعدين هيزيد اكيد مش هينزل بنفس السعر

بالنسبه للحفره اللي في التابلون دي اللي في الشكل القديم زي ما قال سيد كويسه جدا لعلب المناديل و بتسقط فيها و مش بتبقي باينه خالص علي العكس من العربيات التانيه اللي تلاقي علبة المناديل علي التابلون من فوق و شكلها مش حلو

[sayed911]

يا جماعه الشكل الجديد ده مش هينزل مصر دلوقتي اطمنوا و كمان لو نزل بعدين هيزيد اكيد مش هينزل بنفس السعر

بالنسبه للحفره اللي في التابلون دي اللي في الشكل القديم زي ما قال سيد كويسه جدا لعلب المناديل و بتسقط فيها و مش بتبقي باينه خالص علي العكس من العربيات التانيه اللي تلاقي علبة المناديل علي التابلون من فوق و شكلها مش حلو

والله معاك حق يا استاذ لبيد والي بيستفيد منها بشكل كامل هو الراكب اللي دائما بتلاقيه بيحط موبايله مثلا او الولاعة وتلاقيها رايحة جاية قدام السواق على التابلوه لكن كده انتا حبستها .. تسدق انا بنزل ادور على علبة مناديل وافضل داخل طالع من السوبر ماركت عشان اتأكد انو المقاس زابط على قد الفتحة ...

[spiderloking]

والله معاك حق يا استاذ لبيد والي بيستفيد منها بشكل كامل هو الراكب اللي دائما بتلاقيه بيحط موبايله مثلا او الولاعة وتلاقيها رايحة جاية قدام السواق على التابلوه لكن كده انتا حبستها .. تسدق انا بنزل ادور على علبة مناديل وافضل داخل طالع من السوبر ماركت عشان اتأكد انو المقاس زابط على قد الفتحة ...

ليه بس هات علبة مناديل زينه بتلاقيها لونها ابيض في موف كدا و مش بتبقي كارتون بتبقي في كيس بلاستيك كدا هتلاقيها قد الفتحه بتاعت التابلون بالظبط و هتنزل فيها مظبوط

[hantu]

Full Details :

Powered by the same 1,332 cc Campro engine with 94 hp and 120 Nm

The new exterior consists of new lamps front and rear, new grille, new bumpers on both ends and new design rims. Standard variants ride on 175/70 R13 wheels while Executive FLs use 185/60 R14 rubber

Dual airbags, steering audio buttons and USB/AUX ports for the Clarion MP3 stereo.

Side mirrors with LED signal lamps, rear power windows, rear LED tail lamps.

Driver’s seat height adjuster, powered wing mirrors, fog lamps and slim rear spoiler.

The Saga is available in Solid White, Tranquility Black, Genetic Silver, and two new flours – Cafe Latte and Blue Rock.

. Prices have gone up by about RM1,000 to RM1,300 across the board, which is not too bad a jump considering there’s an extra passenger airbag in the airbag-equipped models.

Rm 1,300 = EGP 2,389

الحفرة المحبوبة مقفولة عشان أيرباج الثاني يا جماعة


تحياتي

[vsaga]

هو فعلا متهايأليش انها هاتنزل السوق المصرى قريب لان هما لسة اكيد مخلصوش مخزون الشكل القديم على ما اعتقد ... بس لو كان بروتون مش عندها مخزون للشكل القديم يبقى هاتضطر مضطره انها تنزل الشكل القديم عشان تلبى احتاج السوق للساجا وهنا هاتبقى مصلحه للتوكيل لان اكيد اكيد اكيد هاتبقى سعرها بالامكانيات دى مش اقل من 75 الف
وبالنسبة للحفرة هى فعلا انسب حاجة ليها علبة المناديل بس من غيرها كل اما حد يركب جمبى لازم يتريق شوية ههههه بس هى لذيذة

[amr_haggag]

العربية فعلا مش نازلة مصر دلوقتي وده اللي بيحدده بروتون نفسهم مش التوكيل.
أما بالنسبة للحفرة اللي في التابلوه ده مكان الايرباج للراكب جنب السواق.
بس اكيد لما هتنزل مصر هتغلى عن دلوقتي لأنها هتكون عملت شغل في السوق ان شاء الله.
وانا عاجبني الشكل القديم جدا بس الشكل الجديد فوق الرائع، بالنسبة لفئتعا لا منازع في شكلها.

[kimo709]

ana kalmt al mohnds mohsn mn 2 days w sa2lth 3aleha 2aly mab2ash f mn al shakl al 2adem 7'als w al gdeda nazla f nos Jan 2011 w s3rha lsa msh aked bs hatzed mn 3000 2la 4000 L.E w lsa msh 3arfen ay tafsyl 3anha bzbt.
w aly 3ayz al 2adema 2010 f manual bs f al tawkel 3ala 65000 L.E lakn auto mafesh 7'als
kol sana w antw tayben
w aly gaya 27sn bkter
w al wa7d yb2a rakb 2011 ba2h w saba7 al fool badl al saga al 2adema ba2h
7'als hayt2al 3aleha 2adema
ay wa7d ma3h saga 2010 yl72 yby3 dlw2ty w yzwd w ygyb al gdeda w hwa dah aly al mafrwd y3mlh kol wa7d mna kol sana

[alarabiya11]

اعتبروها faclift لساجا لان الماتور هو هو والشاسيه

[SALAHHAKIM]

السلام عليكم
متابع

[ahmedalihomos]

جين 2 اتوماتيك2009

السلام عليكم اول امبارح عيني نزلت للجنط فوجد الغطاء الصغير اللي في النص مش موجود بصيت علي بقية العجل لاقيت واحد تاني طالع شوية كان هيقع برضة فرحت شايلة؟؟؟السؤال الغطيان دي موجودة وبكام وشكرا