الساجا .. وعز العرب .. حد يقولى المفيد

[black_hawk]

السلام عليكم
انا عضو جديد معاكم فى المنتدى
انا كنت بدور على عربيه كويسه زيرو من فتره كبيره وطبعا احتاست احلى حوسه
انا من مؤيدى البروتون بشده وشايف انها ماركه محترمه جدا
اخر قرار توصلتله ان انا يا هجيب هيونداى فيرنا وده بتأييد من ناس اصحابى بسبب ان قطع غيارها ارخص وعيوبها مقدور عليها

والحل التانى انى اجيب بروتون ساجا وده قرار انا بؤيده بشده بس طبعا قلقان جدااااااااا بسبب
قطع الغيار سمعت انها غاليه
مصاريف الصيانه فى التوكيل غاليه
عز العرب اسوأ توكيل ف مصر ( ده مش كلامى عشان محدش يضرب )

انا أهم بند عندى واللى يهمنى فى العربيه قطع الغيار وجوده التوكيل
انا مستفز عشان كاتب الموضوع فى منتدى بروتون بس انا قاصد عشان مالكين الساجا يقولولى رأيهم
محتاج منكم راى عملى ويستحسن ناس مجربه وعارفه
وبالمناسبه انا فى اسكندريه

وشكراااااااااا مقدما

[ahmad alshaaer]

حبيبي
اولا انا مش من مالكي الساجا ولكن من مالكي الجن 2 من سنتين ونصف وبتعامل مع عز العرب من يومها

انا هرد على الجزء اللي اعرفه

عز العرب مش سيء ولكن على الاقل افضل من منصور وغبور

ممكن قطع الغيار غاليه شويتين ولكن في بره وفي بدايل زي مثلا التيل للساجا هو الافيو ب 60 جنيه من بره

تحياتي وصلي استخاره وربنا يقدملك الخير

[black_hawk]

حبيبي
اولا انا مش من مالكي الساجا ولكن من مالكي الجن 2 من سنتين ونصف وبتعامل مع عز العرب من يومها

انا هرد على الجزء اللي اعرفه

عز العرب مش سيء ولكن على الاقل افضل من منصور وغبور

ممكن قطع الغيار غاليه شويتين ولكن في بره وفي بدايل زي مثلا التيل للساجا هو الافيو ب 60 جنيه من بره

تحياتي وصلي استخاره وربنا يقدملك الخير

شكرا لردك يا باشا
انا هجيب العربيه زيرو معنى كده انها هيبقى ليها ضمان ... انا لما اجى اغير تيل بره او اى حاجه تانيه مش ده يطلعها بره ضمانها؟
معلش انا خبرتى ضعيفه
وهل اسعار الفوانيس مثلا مقاربه لاسعار الفيرنا؟
اسف على اسألتى الكتيره
وشكرا ليك مره تانيه

[mememsaid]

شكرا لردك يا باشا
انا هجيب العربيه زيرو معنى كده انها هيبقى ليها ضمان ... انا لما اجى اغير تيل بره او اى حاجه تانيه مش ده يطلعها بره ضمانها؟
معلش انا خبرتى ضعيفه
وهل اسعار الفوانيس مثلا مقاربه لاسعار الفيرنا؟
اسف على اسألتى الكتيره
وشكرا ليك مره تانيه

انا بردو عندي نفس السؤال ده
بس لو بصتلها عامه هتلاقي ان الساجا احسن كتييييييييييييير من الفرينا في كل حاجه
وعايز ارد عليك في النقتطين بتوعك
اولا بالنسبه للتوكيل احسن من غبرو مليون مره علي الاقل لما بيكون في فعلا حاجه في العربيه بيقول اه فيها وهيغيرهالك بعد مده ولتكن اسبوعين لغايه لما اجبهالك من ماليزيا (دي لو ماكنتش عنده) الدور والباقي بقي علي اللي مابيعترفتش اساسا ان في حاجه في الفرينا بالرغم ان قطع العيرا اساسا عنده عشان بجمعها
اما بقي موضوع غلو اسعار قطع الغيار ماعتقدش ان في حد عضو في المنتدي ده ويشتكي من غلوها لانهم هنا فعلا بيتصرفوا وبيجبوها من بره وفي هنا ادمغه نار بتعرف تتصرف جدا
انا سعيد اني معايا الساجا وسعيد اكتير اني عضو في المنتدي ده

[black_hawk]

انا بردو عندي نفس السؤال ده
بس لو بصتلها عامه هتلاقي ان الساجا احسن كتييييييييييييير من الفرينا في كل حاجه
وعايز ارد عليك في النقتطين بتوعك
اولا بالنسبه للتوكيل احسن من غبرو مليون مره علي الاقل لما بيكون في فعلا حاجه في العربيه بيقول اه فيها وهيغيرهالك بعد مده ولتكن اسبوعين لغايه لما اجبهالك من ماليزيا (دي لو ماكنتش عنده) الدور والباقي بقي علي اللي مابيعترفتش اساسا ان في حاجه في الفرينا بالرغم ان قطع العيرا اساسا عنده عشان بجمعها
اما بقي موضوع غلو اسعار قطع الغيار ماعتقدش ان في حد عضو في المنتدي ده ويشتكي من غلوها لانهم هنا فعلا بيتصرفوا وبيجبوها من بره وفي هنا ادمغه نار بتعرف تتصرف جدا
انا سعيد اني معايا الساجا وسعيد اكتير اني عضو في المنتدي ده

الف مبروك يا باشا وفعلا البروتون ماركه تستحق التقدير وانا من معجبين بروتون زى ما قولت
بس انا تعقيبى على حاجه انا عايز اجيب العربيه قطع غيارها متزعلنيش بس اانا لقيت ان فى اعضاء كتير وده بالاجماع قايلين مثلا ان فانوس امامى الساجا بيعمل 850 تقريبا ف ده يبقى حراااااااام فعلا يعنى ابقى جايب عربيه تمناها 63 الف جنيه وفانوس عامل 850 جنيه فى حين ان مثلا فانوس الرينو اللى هى قطع غيارها غاليه الى حد ما بيعمل 400 جنيه تقريبا وده سعر التوكيل والعربيه ف نفس رينج السعر للساجا
انا متكلمتش على الفيرنا واللانوس بالرغم انهم فى نفس الفئه السعريه تقريبا وقطع غيارهم فى الارض ده غير ان وكيل رينو بيبقى مصاريف صيانه الالف مجانا مبتدفعش ولا جنيه

بما انك من مالكين الساجا ارجو ردك على الاستفسارات دى و ايه رأيك فى الحكايه دى

وشكراااااااا

[sayed911]

انا مش ها احكي لحضرتك واتحاكا بالسيارة ولا بأي شئ ولكن مدام واثق من كلام حضرتك وشايف انك صح اقدم على الخطوة ومش ها تندم ولتوسع دائرة معارفك يا اخي خذلك جولة في القسم عشان تتعرف على عالم بروتون بالكامل بالتوكيل بالسيارة بمميزاتها بعيوبها عشان تبقى عارف كل صغيرة وكبيرة عن السيارة من غير ما حد يقولك اصل فيها ومفيهاش ... وتحياتي لك يا اخي وكل عام وانت بخير ..

[powerofhelll]

تم ارسال رساله علي الخاص

[SALAHHAKIM]

السلام عليكم
انا ارفض انك تكون بروتونى معنا ( الا لو )
البروتونى الاصيل بيتصرف ويعمل عفريت وفى الاخر بيركب عربيه بتحترمه عاوز ثبات موجود عاوز جرى موجود عاوز شكل موجود عاوز امان موجود عاوز معامله محترمه تليق بالبشر موجود بسم الله ماشاء الله ووكيل برغم مشاكله الا انه احسن وكيل فى مصر
عاوز تركب عربيات مفيهاش كل ده وموديلات اتلغت فى كل حتى فى الدنيا عدى العالم العاشر يبقى اشترى اى حاجه غير بروتون (بروتون السياره التى لاتقهر )
وبعدين رينو هى فين الرينو تقصد (((((((((((الداتشيا لوجان )))))))))
على العموم اشترى داتشيا لوجان عربيه كويسه وزى الفل بردو محدش يقدر يقول حاجه
وعلى فكره فى واحد صحبى ممكن يبعلك زيستافا بضمان عشر سنين وقطع غيرها ببلاش

[black_hawk]

السلام عليكم
انا ارفض انك تكون بروتونى معنا ( الا لو )
البروتونى الاصيل بيتصرف ويعمل عفريت وفى الاخر بيركب عربيه بتحترمه عاوز ثبات موجود عاوز جرى موجود عاوز شكل موجود عاوز امان موجود عاوز معامله محترمه تليق بالبشر موجود بسم الله ماشاء الله ووكيل برغم مشاكله الا انه احسن وكيل فى مصر
عاوز تركب عربيات مفيهاش كل ده وموديلات اتلغت فى كل حتى فى الدنيا عدى العالم العاشر يبقى اشترى اى حاجه غير بروتون (بروتون السياره التى لاتقهر )
وبعدين رينو هى فين الرينو تقصد (((((((((((الداتشيا لوجان )))))))))
على العموم اشترى داتشيا لوجان عربيه كويسه وزى الفل بردو محدش يقدر يقول حاجه
وعلى فكره فى واحد صحبى ممكن يبعلك زيستافا بضمان عشر سنين وقطع غيرها ببلاش

انت من حقك ترفض ان انا اكون بروتوناوى معاكم

انا مش بروتوناوى اساسا بس انا بحترم ماركه بروتون وللعلم انا ميولى فى السيارات للفيات والبروتون
كلامك صحيح ان البروتون فيها كل حاجه بس انا بختلف معاك ف حكايه التوكيل وانا نظريتى محدوده فى ظروفى انا ممكن ظروفى متكونش معاك انت او متتفقش مع رأى اى حد تانى بس الله غالب كل واحد بيحسبها على حسب مقدرته
انا كل اللى بتكلم فيه ان قطع ىالغيار سعرها خرافى وبالنسبه لموضوع يتصرف ويعمل عفريت انا مش هروح اجيب عربيه زيرو عشان اغيرلها تيل فرامل سواء كورى او بنجلاديشى بره التوكيل واطلع العربيه من ضمانها عشان اوفر فى قطع الغيار
لان التوكيلات عموما ( مقصدش بروتون بالذات ) بتتلكك لصاحب العربيه على مسمار حاطه خارج التوكيل عشان تخلع من ضمانها
وانا يا سيدى الفاضل زى ما قولت خبرتى ضعيفه شويه فى عالم السيارات وبحاول اجيب عربيه زيررررررو وطبعا بالنسبالى انا طالع عين اهلى فى فلوس العربيه ف مش عايز الاقى نفسى لابس فى الحيط سواء من قطع غيار او توكيل او غيره


انا مجرد دخولى هنا عشان اعرف أراء الناس فى عربيه معينه وهتلاقينى ف اقسام تانيه بسأل عن عربيات تانيه زى الرينو ودى صرفت عنها نظر والفيرنا وتقريبا حصلت الرينو معايا وصرفت عنها نظر وباقى معايا فى المقارنه الساجا والبونتو

وبالنسبه لموضوع الزيستافا ممكن ابقى افكر فيه بس هو ميرجعش ف كلامه
وزى ما قولت كل واحد بيتكلم على حسب امكانياته ورحم الله أمرىء عرف قدر نفسه

شكراااااا ليك على الافاده

[spiderloking]

بص هقول لحضرتك علي حاجه التوكيل زمان كان واخد سمعه مش حلوه انا معاك انو توكيل سيأ و كدا بس بجد والله العظيم تلاته انا هقولك علي حاجه خلتني احترم التوكيل ده جدااااا انا كنت بعمل صيانة ال 5000 من شهرين كدا بعد ما خلصوا الصيانه جم قالولي في تسريب في علبة الدركسيون عندك و الزيت بتاع الباور بينقص العلبه مكنتش عندهم حجزوهالي و جت من ماليزيا و ركبتها بعديها ب 15 يوم و العربيه دلوقتي زي الفل و كل ده في الضمان العلبه ديه واقفه عليهم ب 4800 جنيه مدفعتش جنيه واحد في توكيلات تانيه كتير بدون زكر اسامي ممكن متقولكش علي الموضوع ده طالما مش مأثر علي العربيه بجد التوكيل كل يوم احسن من اليوم اللي قبلوا و فعلا هوه احسن من غبور و منصور و عن تجارب كمان مش كلام و خلاص .

اما بالنسبه للعربيه انا مش هتكلم كتير بس والله العظيم انا مش عارف لو مكنتش جبتها كنت هجيب ايه بدالها لأنها احسن مليون مره من الفيرنا واللانوس و اللوجان و البيكانتو والاسبرانزا مليييييييييون مره انا ركبت كل العربيات ديه لا تقارن بالساجا و زي ما قالولك فوق عاوز امان ثبات سرعه قوه شكل رياضي و شبابيه يبقي الساجا

بالنسبه لقطع الغيار انت مش قبل 5 سنين علشان تحط فيها مسمار كل حاجه تانيه في الضمان و أمن علي عربيتك بس كدا

[SALAHHAKIM]

انت من حقك ترفض ان انا اكون بروتوناوى معاكم

انا مش بروتوناوى اساسا بس انا بحترم ماركه بروتون وللعلم انا ميولى فى السيارات للفيات والبروتون
كلامك صحيح ان البروتون فيها كل حاجه بس انا بختلف معاك ف حكايه التوكيل وانا نظريتى محدوده فى ظروفى انا ممكن ظروفى متكونش معاك انت او متتفقش مع رأى اى حد تانى بس الله غالب كل واحد بيحسبها على حسب مقدرته
انا كل اللى بتكلم فيه ان قطع ىالغيار سعرها خرافى وبالنسبه لموضوع يتصرف ويعمل عفريت انا مش هروح اجيب عربيه زيرو عشان اغيرلها تيل فرامل سواء كورى او بنجلاديشى بره التوكيل واطلع العربيه من ضمانها عشان اوفر فى قطع الغيار
لان التوكيلات عموما ( مقصدش بروتون بالذات ) بتتلكك لصاحب العربيه على مسمار حاطه خارج التوكيل عشان تخلع من ضمانها
وانا يا سيدى الفاضل زى ما قولت خبرتى ضعيفه شويه فى عالم السيارات وبحاول اجيب عربيه زيررررررو وطبعا بالنسبالى انا طالع عين اهلى فى فلوس العربيه ف مش عايز الاقى نفسى لابس فى الحيط سواء من قطع غيار او توكيل او غيره


انا مجرد دخولى هنا عشان اعرف أراء الناس فى عربيه معينه وهتلاقينى ف اقسام تانيه بسأل عن عربيات تانيه زى الرينو ودى صرفت عنها نظر والفيرنا وتقريبا حصلت الرينو معايا وصرفت عنها نظر وباقى معايا فى المقارنه الساجا والبونتو

وبالنسبه لموضوع الزيستافا ممكن ابقى افكر فيه بس هو ميرجعش ف كلامه
وزى ما قولت كل واحد بيتكلم على حسب امكانياته ورحم الله أمرىء عرف قدر نفسه

شكراااااا ليك على الافاده

السلام عليكم
انت شكلك من النوع الى بيزعل انا مقصدش ازعلك خالص
الفكره انا احنا اتعودنا على حافظ مش فاهم او بصوره اخرى (استثمار القطيع ) كل المعانى دى تلخص 75 % من حاله الشعب الغريب العجيب (المصرى) ... الحق محمدين فتح سنترال للمحمول وبيكسب كويس تلاقى البلد كلها سنترالات .. الحق حسنين فتح بتاع نت وبيكسب كويس تلاقى البلد كلها سايبر والخ الخ .
محدش فى الناس دى كسب حاجه انما كلهم للحفاظ على ماء الوجه بيقولو مشروع كويس ومحدش فكر يدرس حاجه بنفسه .
مثال غريب جدا ( دايو لانوس موديل 98 احد اهم اسباب بيع مصنع دايو لجى ام بسبب غلطه التصميم القاتله فى قاعده العجلات الاصغر حجما من حجم الجسم ) عادى جدا ان عربيه يبقى فيها اخطاء وارد انما الى مش عادى ان ابو الفتوح يفضل ينتج الدايو لانوس الى تم ايقاف انتجها فى 2002 (العالم كله )اما فى مصر حتى 2009
وكان اشكال الدايو لانوس نزلت بالفعل فى السوق تحت علامه افيو = الانوس سبارك =ماتيز نوبيرا= اوبترا او لاسيتى وعادى جدا هو حد فاهم حاجه مزيد من الضحك على البشر مش ابو الفتوح يستكفى من 10 سنوات انتاج عربيه منيله بستين نيله لا يبيع المكن لمنصور عشان يضحك شويه على الباقى وعادى جدا .كل ده طبعا بموافقه المصانع الام على السى دى كيه وهما مستغربين من الشعب الى بيشترى الموديل الفاشل وقيس على ذالك .
تويوتا كرولا طوال السنه الى فاتت كل الكلام على ان العربيه الجباره 142 حصان وبعد المشاكل تحولت الى 122 حصان هو هو نفس الموتور بس الكدبه اتكشفت
نفس الكلام على هوندا 140 حصان
نفس الكلام على داتشيا لوجان فى مصر اسمها رينو لا وكمان 90 حصان بره ياسيدى اسمها ( داتشيا . ولادا .)و87 حصان عادى ولا حد فاهم حاجه
متسوبيشى لانسر 1600 يقال 122 حصان نفس الموتور فى كل حته فى الدنيا =98 حصان
القنبله ان الكروز = نوبيرا او لاسيتى او اوبترا .... الكلام ده عشان تعرفه مش لازم تكون خبير ده حتشوف فى الحرفيين العربيات بأسماء تانيه وعلامه تانيه وتدور على اصلها وفصلها على النت او فى مجله قديمه
اسف للاطاله على سعادتك الخلاصه من الكلام ده لما تكون راكب ماركه ماليزى تنافس الالمان والامريكان
وتتفوق على اليابان وقمت بأختيار احسن عربيه بأحسن سعر لا وكمان بتتباع فى انجلترا اغلى من الكورى (هيونداى . دايو شيفى )
بروتون ساجا بيقولو 1332 سم مكعب بتخرج 70 كيلو وات =قوه 94 حصان على 6000 دوره بعزم 120 نيوتن
متستغربش لما تلاقى الساجا بتطلع من لانسر 1600 ولا سيراتو ولانيو اكسينت اتو ولا فيرنا بالعافيه
ده ليه معنى واحد الناس دى مبتكدبش الناس دى بتحترم ادميتك وعقليتك
بعد كل ده من حق اى حد راكب بروتون انه يختار مين يكون بروتوى ولا لا
ملحوظه
قطعه الغيار الاصليه التى لا تضر السياره يمكن الشراء من خارج التوكيل وتركيبها داخل التوكيل
محدش فى عز العرب ماسك خرازانه ولا حد يقدر
استخير ربنا حتلاقى مفيش قدامك غير بروتون
ارجو ان محدش يزعل من كلامى على الانواع الاخرى من السيارات

[alarabiya11]

السلام عليكم
انا عضو جديد معاكم فى المنتدى
انا كنت بدور على عربيه كويسه زيرو من فتره كبيره وطبعا احتاست احلى حوسه
انا من مؤيدى البروتون بشده وشايف انها ماركه محترمه جدا
اخر قرار توصلتله ان انا يا هجيب هيونداى فيرنا وده بتأييد من ناس اصحابى بسبب ان قطع غيارها ارخص وعيوبها مقدور عليها

والحل التانى انى اجيب بروتون ساجا وده قرار انا بؤيده بشده بس طبعا قلقان جدااااااااا بسبب
قطع الغيار سمعت انها غاليه
مصاريف الصيانه فى التوكيل غاليه
عز العرب اسوأ توكيل ف مصر ( ده مش كلامى عشان محدش يضرب )

انا أهم بند عندى واللى يهمنى فى العربيه قطع الغيار وجوده التوكيل
انا مستفز عشان كاتب الموضوع فى منتدى بروتون بس انا قاصد عشان مالكين الساجا يقولولى رأيهم
محتاج منكم راى عملى ويستحسن ناس مجربه وعارفه
وبالمناسبه انا فى اسكندريه

وشكراااااااااا مقدما

شوف حضرتك لو انت من النوع الا بيروح التوكيل ويعقد فى الحجرة الاستراحة ويستنى لما اسمه يتنده عليه عشان يستلم السيارة
وهو مش فاهم فيها ايه واتصلح فيها ايه يبقى فعلا سوف يكون التوكيل وحش

لكنلو من النوع الاجتماعى الا بيتعرف على المهندسين وبيسال ويبقى عارف ايه السبب والعيب فين

يبقى سوف يكون توكيل جيدوده الا بيحصل معايا الحمدلله 70% من العاملين اعرفهم وفى ود لذلك ابدا ما حسيت
ان معاملة التوكيل لى سيئه