موضوع خاص بالاستاذ alarabiya11

[amr1973]

بسم الله الرحمن الرحيم

اخى العزيز استاذ محمد خضر فى موضوع اتمنى ان نتشارك فية مع الاعضاء و معاك الا و هو انا عارف ان حضرتك فاتح مكتب استيراد وتصدير و ليك تعاملات ماليزيا اية رايك حضرتك تعمل موضوع و تحط فية قطع غيار و كماليات الغير متوفرة بمصر و يتم الطلب على اساسها و يتم حساب التكلفة و الشحن و الكلام دة كلة بلاضافة الى هامش ربح للشركة و يتم ابلاغ صاحب الطلب بالتكلفة الكلية حتى الاستلام داخل مصر و يتم التجميع مثلا لمده 15 يوم ويتم ارسال طلب الشراء مع طبعا اذا رغب احد بشراء قطعه معينة بعد علمة بالتكلفة الاجمالية يتم دفع جزء من ثمنها او ثمنها بالكامل وبكده يبقى فدنا الناس و بدانا فى الاعتماد على نفسنا برة التوكيل شوية و كمان يبقى فى شكل اجبار للتوكيل على تخفيض اسعار قطع الغيار طبعا اخى الكريم استاذ محمد الكل يقدر مساعدتك فى خدمة علامة بروتون و ملاكها

[Eng. Rafy Samy]

فكرة هايلة ... انا موافق واحب اشارك بالموضوع ده اللي فيه كل قط غيار بروتون في ماليزيا بالاكواد بتاعتها

http://www.nilemotors.net/Nile/187467-a.html

أ/ عمرو احييك على الفكرة الجميلة دي
وإن شاء الله تنجح والكل يستفيد

تقبل تحياتي

[alarabiya11]

اولا شكرا لثقتك

ثانيا الموضوع ده احنا كنا اتكلمنا فيه قبل كده ولن ابالغ لو قلت ان احنا وصلنا لابعد من كده والناس اتحمست وتم وضع دراسة ولكن لم يتم اتخاذ خطوات زائد ان ادارة المنتدى حولت تعرقل اشياء من هذا بايقافى عندما اتكلم فيه عن اتحاد مصالح والايقافات هذه كانت على راس الاشهاد وامام الجميع وحتى لو استاذ كريم منير او المشرف على القسم عاوز يتفضل بمدخله وبفسر لى ذلك لانه دائما يشرفنى و يقول هذا اعلان تجارى سيتم ايقافك شهر حتى ان مجموع ايقافتى اصبح اكثر من ابراهيم سعيد فى عصره

رغم انى اعيد واكرر انى لا اهدف للربح الحمد لله فلقد انعم الله على ان اكون واحد من عدة شركاء من كبار مستوردى الخامات البلاستيك وعاتق الاستيراد يقع على انا فقط فى الشركة مما لايعطينى الوقت الكبير لاستيراد اصناف اخرى

واذا كنت ان شاء الله سوف افعل ذلك هو من باب المساعده بالخبره والادوات وذلك لعلى افيدكم باشياء تسعدكم واسال الله بها المغفرة


اما بخصوص فكرة حضرتك اعتقد انها الاحسن تكون بانتخاب 3 افراد واكون واحد منهم اذا حبيتم على شكل لجنه تختار الموردين والاصناف وتسلم المبالغ فى حساب مشترك تضعه فى حساب الشركة المستورده بالعمولة لحسابكم

وتشرف على كل شىء وتكون المسئولية مشتركة وايضا فيها شفافية وحياد

[mido_soliman]

موافق جدااااااااااااااااااااااااااااااا واتمناها بصراحة

[alarabiya11]

اذا كان احد يتذكر كنا من فى رمضان الماضى اتكلمنا عن شركة مساهمة او توصية بالاسهم وتم توزيع دراسة خاصة بها فى مقابلة رمضان والناس كانت متحمسه جدا حتى من اقسام اخرى زى كيا وديهاتسو
ثم فقدوا الحماس فى غضون 10 ايام ويمكن اقل وتعبت من النداء بمطالبة باجتماع لوضع خطوط عريض لمشروع وبداية التنفيذ

ولقد فقدت الحماس كليا ليس لعدم اقتناعى بالفكرة ولكن لعدم وجود تيم عمل يتبرع بجهده فى البداية لكى يتم تنسيق العمل حيث لايمكن اخراج عمل فقط بموافقة المساهمين حتى لو كان العدد 50 الف

بل يجب ان يكون هناك فوق هذا العدد بضعة اشخاص يتولون الامر كفرض كفاية يسمى تيم او ورشة عمل لتنسيق الاعمال

عشان يتم تحقيق الهدف المرجو من اتحاد المساهمين فى المشروع

[amr1973]

استاذ محمد انا معال قلبا و قالبا و ان شاء الله يتم التفاعل مع الموضوع و على فكرة انا ساكن قريب منك باب الشعرية و على استعداد انى اكون واحد من الثلاثة اللى حضرتك عايزهم معاك

[amr1973]

و ان شاء الله هاعمل موضوع نشوف الناس طالبة اية و نحاول نرد عليهم بالتكلفة الاجمالية

[Ahmed.Ali]

انا شايف ان مضوع الشركه صعب جدا تنفيذه الاسهل هو الاتفاق علي سلعه معينه بعدد معين من الاشخاص و عمل طلب مجمع

[alarabiya11]

استاذ محمد انا معال قلبا و قالبا و ان شاء الله يتم التفاعل مع الموضوع و على فكرة انا ساكن قريب منك باب الشعرية و على استعداد انى اكون واحد من الثلاثة اللى حضرتك عايزهم معاك

تشرفت بمعرفتك استاذ عمرو ومنور منطقة وسط كلها ويكون شرف ليه
اخدم معاك

انا شايف ان مضوع الشركه صعب جدا تنفيذه الاسهل هو الاتفاق علي سلعه معينه بعدد معين من الاشخاص و عمل طلب مجمع

اى كان التعاون لخدمة اعضاء المنتدى او ملاك بروتون ان معاكم فى اى شكل ترونه يؤدى الغرض المقصود وهو حماية مصالحنا مع الوكيل او ضد الصانع الاجنبى فانا اكره الاحتكار جدا ولا احب قلة الحيلة

ممكن نحدد مكان مقابلة مفتوحة اقترح نادى المدرعات فى صلاح سالم

يوم الجمعة القادمه الساعة 7 :8 ساعة تاخير كفاية عشان زحمة الطريق
عشان يتم مناقشة اسلوب العمل والتعارف

برجاء ارسال ارقام التليفون لمتابعة على الخاص لمن يود الحضور

[أبومعاذ]

متابع ومعاكم باذن الله

[A. Ibrahim]

كلام جميل و فعلا الاساس من المنتدي ان الناس تفيد بعضها

و انا شغال و موافق

[Karim_Monir]

اولا شكرا لثقتك
زائد ان ادارة المنتدى حولت تعرقل اشياء من هذا بايقافى عندما اتكلم فيه عن اتحاد مصالح والايقافات هذه كانت على راس الاشهاد وامام الجميع وحتى لو استاذ كريم منير او المشرف على القسم عاوز يتفضل بمدخله وبفسر لى ذلك لانه دائما يشرفنى و يقول هذا اعلان تجارى سيتم ايقافك شهر حتى ان مجموع ايقافتى اصبح اكثر من ابراهيم سعيد فى عصره

اهلا وسهلا بحضرتك
انا اسلوبي واضح للجميع ولما بتدخل في موضوع بتدخل فيه بشخصي او صفتي بمشاركة رسمية
وكل الناس عارفة ايملي او مراسلتي الشخصية وتليفوني في ملفي كمان

عايز رايي من خبرة 4 سنين واحتكاك بمعظم الاعضاء
سواء هنا او ياي مكان على النت
محدش هايكون حاجة ومحدش هايتصرف
ومحدش هايشيل الخطر الا انت
وطالما انت تاجر من الاصل
عارف المبدء التجاري
على قد نسبة الخطورةى بتكون نسبة الربح

الاعضاء عايزين قطع غيار اصلية ومضمونة ومن ماليزيا وبهامش ربح معقول
خلاص شوف اكبر الاحتيجات واكثر المستهلكات على سبيل المثال لا الحصر التيل
واستورد شحنه
وحط هامش الربح المعقول بعد التخليص والجمارك والضرائب
والموضوع يمشي رسمي
وتكون ليك عضوية تجارية رسميه
وده اللي هايكون من اول السنة ان شاء الله
في ناس هاتقدر تاخد لقب عضوية تجارية بمقابل شهري محدود
لكن تعمل موضوع اعلاني ومش عايز تتعرض لقواعد المنتدى اكيد غير منطقي
ومعتقدش ابدا ان في عضو هايكون عنده استعداد يقول لاء لجنيه او اثنان يضافو كثمن الاعلان فوق ثمن القطعة المباعة لانهم عارفين انهم لولا استمرار المنتدى ماكنوش اخدو الخدمة دي ولا اتعرفو بيك وببقية الناس من الاصل

تحياتي
كريم منير

[spiderloking]

كلام الاستاذ كريم منير صح يعني علي سبيل المثال لو هنستورد مثلا بوجيهات او تيل او فلاتر او سيور و هكذا لو قولنا مثلا التيل الشركه هتستوردوا ب 200 جنيه مثلا هتضيف حاجات بسيطه علي ال 200 جنيه رسوم جمارك و ضرايب و هامش ربح و المنتدي كمان ليه مقابل شهري و اعتقد مش هيبقي جامد اوي و الكل يستفيد و ده ولا هوه عيب ولا هوه حرام صح ولا لأ و انا معاكم في الفكره ديه و من اكثر المؤيدين ليها كمان

[amr1973]

اخوانى الاعزاء الموضوع مش زى ما مانتم متصورين الموضوع و كل ما فية ان بعض الاعضاء عايزيين شوية حاجات و سعرها عالى جدا فى التوكيل او مش موجودة من الاساس مثلا الكونسول بتاع الساجا او جراب النضارة بتاع الجين بيتباع فى التوكيل برقم كبير تقريبا 70 جنية او مثلا مفاتيح برو ات اوتون كل اللى مقصود فى المرحلة الاولى هى الاكسسوار او قطع الغيار الغير مؤثرة و اذا نجحت التجربة اوعدكم انى اسافر لمالزيا و نتفق على قطع غيار اصلية استهلاكية زى التيل او الطنابير بس نشوف الدنيا عاملة اية و الموضوع كلة مش تجارى و لا حاجة الموضوع فى البداية نشوف الناس اللى محتاجة حاجة تيجى مجمعه و السعر يكون ارخص وتكون تجربة لما بعد ذلك و ان شاء الله انا معاكو فى المقابلة و نشوف لان بجد كلنا بنعانى من نقص الاكسسورات الاساسية للعربية البروتون

[alarabiya11]

كنت اقترحت مقابله عاجله غدا الجمعه قريبا بدار المدرعات صلاح سالم من الساعة 7 الى الساعة 8 مساء على اى حال سوف اكون موجود فى التوقيت ده ان شاء الله
امام الباب الرئيسى لدار تليفونى 0101455165

تحباتى
محمد خضر