إعـــــــلان

Collapse

.

,
See more
See less

بالصور....معلومات هامة عن تيل الفرامل البديل للجين-2 و البيرسونا ..حصريا لنايل موتورز

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • بالصور....معلومات هامة عن تيل الفرامل البديل للجين-2 و البيرسونا ..حصريا لنايل موتورز


    السلام عليكم ورحمة الله وبركاته

    جايبلكم النهارده شوية معلومات هامة عن تيل الفرامل البديل للجين-2 و البيرسونا بعد بحث ولف على المحلات لمدة يومين متتاليين في محلات قطع الغيار بشارع دمشق وفي الحي السابع في مدينة نصر وفي محلات قطع الغيار في شارع جسر السويس أمام فودافون نادي الشمس وعلى الإنترنت في جميع المواقع الإلكترونية الخاصة بمصانع تيل الفرامل.......


    من كام يوم قابلت إسلام و أخدت منه فردة تيل أمامي و فردة تيل خلفي و صورت علبة التيل الأمامي البوش الأصلي علشان أدور على بديل ليهم و الحمد لله ربنا وفقني و لقيت بدائل كتير وماركات كتير و أسعار كتير لتيل الجين 2 الأمامي و بيانها كالتالي :


    أولا دي صورة علبة التيل الأمامي البوش الأصلي بتاع إسلام






























    زي ما هو واضح في الصورة مكتوب إنه خاص بالسيارة FIAT STILO


    دورت على النت على توكيل بوش في مصر ( شركه إسمها A-Part ) ......



    إتصلت بيهم أسأل على تيل الجين-2 قاللي إن ممنوع يستوردوه بناءا على إتفاقية بين بروتون و بوش تمنع بيع التيل الخاص بالجين في الأسواق قولتله طب عايز تيل فيات جراند بونتو أو برافو قالي خلص و مش عليه طلب كبير في السوق




    نزلت لفيت في شارع دمشق عند تجار قطع غيار الفيات ووجدت أن فردة التيل الأمامي الي اخدتها من إسلام مطابقة بالمللي لتيل فرامل سيارات الفيات المزودة بنظام فرامل من شركة BOSCH وهي كالتالي



    Fiat Grande Punto 2005

    Fiat Bravo 2007

    Fiat Linea 2007

    Fiat Stilo

    Fiat Petra

    Opel Corsa 2006


    ==========================

    أول نوع لقيته إسمه Meyle ...... ألماني ........ سعره 160 جنيه


    دي صورته











    وعن طريق الPart Number المكتوب على العلبة ( MEYLE-number: 025 237 0517/W ).. عملت بحث في الموقع الخاص بشركة MEYLE MEYLE - automotive spare parts for the independent aftermarket وتوصلت إن التيل الخاص بالجين-2 مطابق تماما للسيارات الموضحة بالصورة التالية





    ومالقيتش منه خلفي



    ===============================


    تاني نوع لقيته إسمه Bazer ........... تركي ............. سعره 90 جنيه

    للأسف نسيت أصوره

    ومالقيتش منه خلفي


    ===================================


    تالت نوع لقيته إسمه HI-TEC ............ صيني ..............


    الأمامي ب 70 جنيه

    ودي صورته










    و الخلفي ب 150 جنيه ( خاص ب الجين -2 فقط )



    ودي صورته




    أنا طبعا إستغليت التيل الخلفي و قلت للراجل إزاي يعني التيل الخلفي أغلى من الأمامي مع إنه أصغر من الأمامي و نفس الماركة رد وقالي ... أصله غالي يا بيه علشان ناقص في السوق ( قمة الطمع والجشع والإستغلال )

    بس أنا كلمت المستورد اللي لاقيت نمرته مكتوبة على العلبة في الصورة دي




    الراجل قالي إن التيل الأمامي و الخلفي خلصانين من عنده و حييجي كمان شهر بس سعرهم واحد


    ( ملحوظة : أنا إشتريت التيل الأمامي ب 70 جنيه و ركبته علشان أجربه و إن شاء الله أبقى أعملكم تقرير عنه لما يطبع )

    ==========================


    وطبعا لقيت اشهر نوع إنتم عارفينه وهو الريمسا Remsa ........ أسباني .............. الأمامي 170 جنيه


    ودي صورته











    وزي ما إنتم شايفين في الصور مكتوب على العلبة ماركات السيارات الخاص بها هذا التيل ومنهم الجين-2


    بس للأسف ما لقيتش منه خلفي خالص


    ياارريييييييييييييييت يا جماعة لو حد فيكم مركب تيل خلفي ريمسا ولسه محتفظ بالعلبة يصورهالنا او يقولنا مكتوب عليها خاص بسيارات ماركتها إيه علشان نعرف البديل المناسب للتيل الخلفي.........



    =================================


    إستنتاجات من البحث :


    هناك إحتمال بنسبة 75% ان يكون نظام الفرامل الأمامي الخاص بالجين -2 ( طنابير + كاليبرات + تيل والمصنوع من قبل Bosch ) إحتمال ان يكون مطابق لنظام الفرامل الأمامي الخاص بالفيات جراند بونتو أو فيات برافو أو فيات لينيا )..............


    محتاج للتأكد من ذلك إن يكون في واحد من الأعضاء هنا عنده طنابير أمامية مستعملة قديمة يديهالي علشان أقارنها بطنابير الفيات او أبحث عن أي طنابير مطابقة لها



    تحياتي لكم

    مهندس معماري : عبد الرحمن حسن



    [aldl]http://a7.sphotos.ak.fbcdn.net/hphotos-ak-snc6/168147_1550165198896_1378080268_31320378_1917853_n.jpg[/aldl]

  • #2
    ما شاء الله عليك يا يا بشمهندس
    مجهود رائع
    وبالتوفيق
    [SIZE=5][COLOR=#665454][SIZE=4][COLOR=#429e99]mansoura faculty of medicine [/COLOR][/SIZE]
    [/COLOR][/SIZE]

    Comment


    • #3
      الله ينور عليك يا عبد الرحمن بجد شغال عالى جدا جدا
      بالنسبة للتيل الخلفى ال FBK ممتاز جدا جدا بالنسبة للخلفى فقط وليس الامامى
      التيل ال Meyle شكله وسعرة كويس وبصراحة مستريح له نفسيا عن البوش عشان الفرق فى السعر 200 ج بين الاتنين
      وفى نفس الوقت المانى بردوا كويس اكيد مش هيبقا اقل من الايطالى فى الاداء
      المهم التيل ال Meyle دة منين بالظبط يا عبد الرحمن او رقم موبيل المحل
      [CENTER]http://img844.imageshack.us/i/dscf0140c.jpg/[/CENTER]

      Comment


      • #4
        تسلم ايديك
        [COLOR="Indigo"][CENTER]مكنة ماليزى.......[/CENTER][/COLOR]

        [CENTER][img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2][/CENTER]

        Comment


        • #5
          الله ينور عليك يا عبدالرحمن
          [CENTER][B][FONT=Arial][SIZE=3][COLOR=magenta][SIGPIC][/SIGPIC][/COLOR][/SIZE][/FONT][/B][/CENTER]
          [CENTER][B][FONT=Arial][SIZE=3][COLOR=#ff00ff]الحمدالله اني لسه عايش[/COLOR][/SIZE][/FONT][/B][/CENTER]
          [CENTER][B][FONT=Arial][SIZE=3][COLOR=magenta]محمد أنور المعداوي[/COLOR][/SIZE][/FONT][/B][/CENTER]
          [CENTER][B][FONT=Arial][SIZE=3][COLOR=#ff00ff]عضو نادي بروتون برقم : 7[/COLOR][/SIZE][/FONT][/B][/CENTER]

          Comment


          • #6
            السلام عليكم
            الله ينور يا هندسة دايما سادد في أي معلومة ونفسنا نردلك حاجة من جميلك دي
            بالنسبة للتيل الــ Hi-Tech السعر اللي حضرتك قولتوا دا هيخلي الناس اللي بتقول أن أ/ماجد اللي في المنصورة قطع غياره رخيصة هيغيروا رأيهم لأني جبت منوا التيل دا غالي مش رخيص و أشتريت منوا كذا حاجة وكان التيل الأمامي نفس الماركة دي هاي تك بــ 125 جنية واللي خالني أخدوا منوا هو أنوا كان جايب حجات تانية ولما أتصدمت بالسعر معرفتش أردوا بيه تاني وكان هوا أعلى قيمة سعرية في الحجات اللي أشتريتها بس أهو بقى بس رأي أن الـــ FBK أنضف منوا بس أهو اللي حصل والواحد بيتعلم
            [marq="3;right;3;scroll"]
            كثرة المفترسات وضع طبيعي لكثرة الفرائس
            [/marq]

            Comment


            • #7
              جميل جدا استاذ عبد الرحمن و سوف يتم الاضافة فى موضوع البدائل حالا
              [SIZE=3]توفى الى رحمة الله والدى ارجو الدعاء وقراءة الفاتحة [/SIZE]

              Comment


              • #8
                انا كنت على منتدى ماليزى لقيت واحد شارى التيل ده والناس بتشكر فيه جامد
                بيقولوا سيراميك وادائه عالى والبودر اللى بينزل منه قليل مش بيوسخ الجنوط مقارنة بالتيل الاصلى
                انا قولت اقولكو ا يمكن حد يعرف الماركة دى او يعرف يجيبها من بره
                السعر بالماليزى 63 ار ام
                ودى الصور


                [COLOR="Indigo"][CENTER]مكنة ماليزى.......[/CENTER][/COLOR]

                [CENTER][img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2][/CENTER]

                Comment


                • #9
                  م/ عبد الرحمن اسمح لي ابدي اعجابي الشديد بموضوعك الرائع ده واسلوبك السلس والمفصل في طرح الموضوع

                  أرجو من مشرف القسم تثبيت الموضوع لأهميتة القصوي..

                  الله ينور عليك والف شكر على تعبك ومجهودك ومشاركتك لينا المعلومات القيمة دي ...

                  فعلاُ اعضاء بروتن قمة في التمييز والتألق.. إلى الأمام بروتون

                  مفيش اي اخبار ن تيل الواجا..!! :)

                  تقبل مني كل احترام وتقدير وتحية
                  لكم تحياتي واحترامي

                  Comment


                  • #10
                    الله ينور ياهندسة
                    ايه الشغل العالي ده
                    كده انت كده هتخلي بتوع فيات يطمعو في التيل بتاع الجين ويخلصوه من السوق
                    [CENTER][B][FONT=Arial][SIZE=4][COLOR=darkred]الكنيسة أدامها جامع في قلب شارع متقابلين .. [/COLOR][/SIZE][/FONT][/B][B][SIZE=4][FONT=Arial][COLOR=darkred]و اللي راحوا ولاد بلدنا مش مسيحيين ومسلمين .. [/COLOR][/FONT][/SIZE][/B][B][SIZE=4][FONT=Arial][COLOR=darkred]بيقولوا فتنة و خلاص صابتنا .. بس صوت العقل فين؟ .. [/COLOR][/FONT][/SIZE][/B][/CENTER]
                    [CENTER][B][SIZE=4][FONT=Arial][COLOR=darkred]يا ولاد بلدنا دي مصيبتنا و الضحايا من الطرفين .. [/COLOR][/FONT][/SIZE][/B][B][SIZE=4][FONT=Arial][COLOR=darkred]زعلان مينا على ولده حنا .. ماهو برده أحمد راحله حسين !![/COLOR][/FONT][/SIZE][/B][/CENTER]

                    Comment


                    • #11
                      باشا الله ينور و 100 100
                      [CENTER][SIZE=4][COLOR=darkorange]الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه[/COLOR][/SIZE][/CENTER]


                      [CENTER][img2]http://img246.imageshack.us/img246/9382/tawkee3c.jpg[/img2][/CENTER]

                      Comment


                      • #12
                        السلام عليكم
                        مجهود اكثر من رائع يا أخ عبدالرحمن
                        بالنسبة للتيل الخلفى انا لمل جيت اغيره عندى و جبت الماليزى كان مكتوب عليه تويوتا كورولا

                        أرجو ان تفيد هذه المعلومة

                        Comment


                        • #13
                          الله ينور عليك ويجعلك دايما مساعدا للاخوة في المنتدي
                          مجهود اكثر من رائع بالتوفيق دائما

                          Comment


                          • #14
                            حد يثبت الموضوع ده حالا...!!

                            ايه يا عبد الرحمن الجمال ده...على طول باهرنا واللهِ بمواضيعك دي.
                            [sor2]http://img833.imageshack.us/img833/8875/protonsig.jpg[/sor2]

                            [IMG]http://i668.photobucket.com/albums/vv44/baskoty/_resize-67.jpg[/IMG]

                            Comment


                            • #15
                              جامد أوي أوي يا عوبد ربنا يباركلك ويجازيك خير على تعبك ده
                              بالنسبة للتيل الهاي تيك الخلفي كان موجود عند الدولية اللي في مدينة نصر ب 80ج
                              [COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]

                              Comment

                              Working...
                              X