شباب مطلوب المشوره فى تسعير واجا

[fiatmomo]

السلام عليكم ورحمه الله وبركاته

كنت حابب اعرف رأيكم فى تسعير واجا 2005 مانيوال .. ماشية 70000 كيلو فابريقة بره وجوه مع بعض الخدوش البسيطة فى الجنبين وكام نغزه فى الكبوت :d محبة من الشارع المصرى + كاوتش جديد والاستبن لم يستخدم
والمالك هو اول يد من الزيرو والسيارة بكل الكتالوجات

ومشكورين جميعا على المشوره

[ahmed_gamal]

اعتقد 65 الف كويس اوي عليها

[fiatmomo]

شكرا يا احمد باشا على ردك

[Powert]

اعتقد 65 الف كويس اوي عليها

+11111111111

[fiatmomo]

شكرا يا باورت باشا على الرد

[abo3bdolrahman]

ما قولتش هيا مانيوال و لا أتوماتيك و برميوم و لا ستاندرد؟
عموما السعر ده مناسب بس إفحصها كويس و خصوصا المحرك.
و مبروك مقدما.

[fiatmomo]

2005 مانيوال .. استاندرد .. ماشية 70 الف

الله يبارك فيك يا ابو عبد الرحمن

بس انا لسة بوزن الموضوع فى دماغى .


المشكلة انها محتاجة تغيير سير الكاتينة لانة متغيرش من خالص ... وسألت عليه فى توكيل عز العرب .. لقيت السير بس ب 500 جنية بدون مصنعية .. ولما سألت المهندس الى جو قالى لو حتغير السير حتغير معاه البلية والبكر ... وقالى التكلفة الاجمالية 1500 جنية بالمصنعية .

انا شايف انه كتير ..

ولسة بفكر

[fiatmomo]

الحمد لله تم شراء البروتون واجا بمبلغ 64 الف

والسعر قل علاشان لسة العربية محتاجة تغير طقم الكاتينة وسالت فى التوكيل لقيتهم ب 1500 جنية

حاجتين معكنينينى جدا
1- الطارة مش مظبوطة ولفة ناحية الشمال وفية حدفة ( الزوايا مش مظبوطة خالص ) .
2- الفرش البيج الى فى الباب الامامى متوسخ ... وجبت سائل تنظيف خاص بالمفروشات ... وللاسف النتيجة كانت اسوأ من الاول ( ومخنووووووووووووووووووق جدا ) ومش عارف اعمل اية ولا اجيب انهى منظف . ولا اوديها فين تتنظف حتى !!!!!!!!!!!! و السائل الغبى ده نشف على الفرش ونشفة !!!. ( ياريت لو عندكو نصايح )

غير الحاجتين دول ... الحمد لله كل حاجة تمام ومبسوط جدا من العربية .

وانتظرو المزيد من التفاصيل .. لانة يادوبك لسة شاريها وملحقتش اجربها اوى .

[fahd_628]

الف الف مبرووووووووووك و ان شاء الله العربية تكون عجبتك و هية ممتازة جدا جدا

[fiatmomo]

الف الف مبرووووووووووك و ان شاء الله العربية تكون عجبتك و هية ممتازة جدا جدا

الله يبارك فيك يا فهد ...عقبال ماتجيب حببيبتك الجين تو بال CPS إن شاء الله :):)

[MEDO80]

السياره لونها اية ؟
و صاحبها اسمة احمد؟

[fiatmomo]

السياره لونها اية ؟
و صاحبها اسمة احمد؟

لا صاحبها ماسموش احمد الحقيقة
ولونها نبيتى

[Powert]

الف مبروك العربية

بنسبة للفرش فاظن تروح محطة بنزين وهما بيعملوها هناك

[fiatmomo]

الله يبارك فيك يا باورت ... انا شكلى حعمل كدة .. بس انا خايف اروح البنزينة ( يزودو الطينة بله ) زى مابيقولة . بس الاخوة هنا شكرو فى بنزينة شل ..وفى اماكن مخصوصه للغسيل فقط .. ححاول فى خلال يومين كدة استقر على مكان واروحلة ان شاء الله