بروتون

[rolly2080]

السلام عليكم انا ان شاء الله ناوى اشترى بروتون جين 2 وكنت عايز اسأل عن الصيانة بتعتها علشان انا مش هينفع
اعمل الصيانة فى التوكيل لانى من سكان الصعيد فا المشوار بعيد عليا , انا مع عمى لانسر 1600سى سى ومرتاح
خالص فى الصيانة بتعتها ومعمل ولا صيانة فى التوكيل والعربية الحمد الله تمام معاه فهل البروتون هتريحنى زى كده ولا اية وخاصة انى العربية مش منتشرة عندينا اوى وياريت برضوا اشوف رأيكم فى العربية وشكرا

[mido_soliman]

لازم تعمل الصيانات فى مركز معتمد على الاقل للتوكيل علشان الضمان بتاعك ميروحش عليك

[rolly2080]

انا معاك وان ان شاء الله هحاول بس انا بتكلم هل هى عربية عملية زى الانسر مثلا علشان انا خايف من موضوه الصيانة دة

[spiderloking]

الجين 2 عربيه كويسه جدا و هتريحك لأن مشاكلها قليله مش كتير بس الصيانات زي ما قالك ميدو علي الاقل تعملها في مركز معتمد علشان الضمان و الموضوع انا شايفوا مش صعب لو مره كل شهرين بتنزل القاهره ممكن تعمل الصيانه في اي مكان

[mido_soliman]

الجين 2 عربيه كويسه جدا و هتريحك لأن مشاكلها قليله مش كتير بس الصيانات زي ما قالك ميدو علي الاقل تعملها في مركز معتمد علشان الضمان و الموضوع انا شايفوا مش صعب لو مره كل شهرين بتنزل القاهره ممكن تعمل الصيانه في اي مكان

+11111111111111111
الجين2 اعتمادية جدا انت مقرتش التوقيع بتاعى ولا اية :))))

[rolly2080]

متشكر ليكم ياشباب على سرعة الرد وياريت لو اى حد عندة معلومات او اى نصيحة لية يقولى
وانا سمعت انى خامات الطبلون مش اد كدة وبرد دهان العربية صح الكلام ده ولو فى اى عيوب
تانية ياريت توضحولى انا الصراحة العربية شكلها جامد وداخلة دماغى بس انا مشكلتى الوحيدة
انى بمنزلش القاهرة غير كل فترة كبيرة مرة بس بأزن الله هحاول علشان كدة انا عايز عربية
تريحنى وشكرا ليكم على تفاعلكم

[spiderloking]

بالنسبه لخامات التابلوه انا شايف انها كويسه و لحد دلوقتي مشفناش حد اشتكي مثلا ان في زرار من الزراير باظ ولا بيعلق ولا حتي الكتابه اللي علي الزراير اتمسحت طبعا التابلوه مش بالفخامه بتاعت العربيات التانيه زي الكيا سيراتو بس انا شايف ان كل ديه حاجات ترفيهيه مش اساسيه انما طالما هتجيب بروتون يبقي انت جبت اساسيات ( ثبات - موتور قوي - صاج قوي - شكل رياضي رائع - توكيل كويس بالنسبه لتوكيلات اخري كتير ) و بالنسبه لقطع غيار الجين 2 دلوقتي الحمد لله منتشره كويس و في بدائل كتير اما بالنسبه للدهان كويس جدا و محدش بردوا اشتكي منوا خالص بالعكس سيارات بروتون تمتاز بدهان ممتاز و غير كدا سيارات بروتون معالجه ضد الصدأ كان في موضوع من فتره عن الموضوع الدهان و الكلام ده بس للأسف اتحذف لما حصلت مشكله في المنتدي و راح مواضيع كتير من القسم بس ان شاء الله احاول اجبهولك تاني

[Mohamed.Kader]

السلام عليكم
والله ياأستاذ مش عارف أقولك أية بس أظن أنك مش هتبقى مطمن لو أنت عارف أن مكان إقامتك بينة وبين أقرب مكان قطع غيار 300 كم (دا لو أنت من المنيا) وباردوا الموضوع راجع ليك لو مش فارق معاك أتكل على الله وهاتها عن نفسي لما بكون مسافر مجرد زيارة لهناك لازم يكزن معايا شوية حجات على مؤسم (طقم سيور+طلمبة بنزين+تيل أمامي وخلفي) دا لأني بكون قلقان لأقف على حاجة من الحجات دي والحمد لله محصلتش لغاية دلوقتي حاجة كدا لأني بتابع صيانتها هنا أول بــ أول

[alarabiya11]

شوف يا اخى السيارة البروتون كويسه بس مادام لايتوفر مركز صيانة فى قريب منك ليها او قطع غيار

يبقى خليك فى الانسر

وده مشكله فى بروتون براند انها لسه ملهاش مراكز صيانه فى جميع انحاء مصر

ليه ظلمين الصعيد كده