لمبة abs نورت بعد غسيل العربية !!!!

[mark_milad_95]

وحوش بروتون .. ايه الاخبار ؟!
يا رب كلو كويس ..


و انا بغسل العربية , الراجل فى البنزينة فتح الكابوت و عمل الموتور بالهوا , بعدها لمبة ال abs نورت , معرفش هو دا السبب ولا لأ ! , ممكن يكون صدفة . او الهوا يكون عمل حاجة معرفش .

اللمبة مش دايما منورة , ساعات بتنور و ساعات لأ , و لما بتنور ال abs مش بيشتغل .

يا ريت لو حد عنده اقتراح او حل للمشكلة !!

و شكرا مقدما .

[أبومعاذ]

مبدئياً افتح الكابوت هتلاقي علبة الفيوزات على اليمين اتاكد ان كل الفيوز راكبة في مكانها كويس

[ecybrarian]

معلش اعذروا تدخلي في موضوع برتون..اصل ABS في كل العربيات واحد..ABS عبارة عن جهاز (بيقولوا عليه الكمبيوتر) واربع حساسات على العجل..الحساسات دي ممكن تقرا غلط لو بلي العجل تعبان..او تيل الفرامل متأكل. او كوبلن تعبان.. يعني اي تأثير على دوران العجل فيخللي عجلة منهم (او اكتر) تخلف في السرعة عن الباقيين وبالتالي لمبة التحذير تنور احيانا مش دائما....او الحساسات نفسها تعبانه او طالها وساخة مثلا..الكمبيوتر نفسه لا يعطل إلا لو حد لعب فيه او في ضفيرته..وفي حالة تعب الحساسات او الكمنيوبر هاتلاقي لمبة التحذير منورة على طول من اول الـcheck بتاع الدوارة...

انا ليه باقول الكلام دا..دا علشان ماتخشش في اشتغالات وتلاقي نفسك عمال تعمل شغل في العربية والمشكلة لسة موجودة..وبرضه في الآخر الاخوة في برتون هايفيدوك اكتر مني

[ahmad alshaaer]

طيب لو انت في الضمان

روح التوكيل


تحياتي

[RedBull_30]

اتعودت دايما ان مغسلش الموتور ولا اي حاجة قريبة منه.. يعني لو جالي العامل اللي بيغسل العربية ويطلب ان افتح الكابوت عشان يغسله بقوله شكرا وابعد عن الشر وغنيله.. اصل ايه التطور الايجابي اللي هيحصل لو انا غسلت الموتور.. انا ممكن لو حسيت ان المنظر بقى مش قد كده بمسك فوطه مبلولة وامسك قطعه قطعه وانضفها بالراحة بعيد بقى عن قوة ضغط المياه او الهوا المضغوط ده .

[mark_milad_95]

اتعودت دايما ان مغسلش الموتور ولا اي حاجة قريبة منه.. يعني لو جالي العامل اللي بيغسل العربية ويطلب ان افتح الكابوت عشان يغسله بقوله شكرا وابعد عن الشر وغنيله.. اصل ايه التطور الايجابي اللي هيحصل لو انا غسلت الموتور.. انا ممكن لو حسيت ان المنظر بقى مش قد كده بمسك فوطه مبلولة وامسك قطعه قطعه وانضفها بالراحة بعيد بقى عن قوة ضغط المياه او الهوا المضغوط ده .

انا ماغساتش الموتور ولا حاجة .. دا هو نفضه كدة بشوية هواء

[RedBull_30]

ان شاء الله المشكلة دي تبقى بسيطة وتتحل