صوت غريب فى الساجا

[dahy911]

السلام عليكم ورحمة الله وبركاته
فى صوت بسمعه بعد ما اكون جاى من مشوار طويل والعربيه سخنه اه المؤشر معاداش تلاته
المهم صوت تك وثانيه تك تك تك بسيط لازم تقف ادام الكبوت وتركز عشان تعرف تسمعه انا مش فاهم اصلا الصوت ده ايه بس هو قريب من الردايتير بس هو خمس دقايق مثلا وبروح خالص
ياريت الناس الخبر تقولى

وجزاكم الله خيراُ

[eng.m7md.ali]

لا اتطمن خالص يا فندم ده صوت الزيت في الكارتيرة اعتقد كدة

[spiderloking]

اعتقد صوت المروحه

[sayed911]

لا يا فندم اطئمن تمامااااااااااااااااااااااا الصوت ده في كل العربيات مش عربيتك وبس يا فندم ولكن بيختلف من عربية للتانية في حاجة في المعادن اسمها معامل التمدد الحراري يعني كل ما تسخن المعدن قد ايه يتمدد قد ايه الفكرة هنا في العربية انه في اجزاء بتكون استطالت بعد ما مشيت كتير بفعل الحرارة المتولدة من المحرك اثناء السير واقربها مثلا الكبوت او اي اجزاء داخلية فيها معادن فحضرتك لما بتركن العربية بتبدأ تبرد وتبدأ بالعودة لطولها الأصلية فنتيجة للروابط بين المعدن وبين جسمه اللي بيعمل نوع من انوع الـ bonds بيخلي المعدن بيرجع بصوت تسمعه على انه طقطقة وتكتكة وهكذا ... ودي بتكون نتيجة لسخونية المركبة وبيختلف من مركبة لأخرى عشان الصاج في كل عربية بيختلف نوعه والخامات اللي موجودة فيه :D :D يعني متقلقش نهائيا يا اخي .. وتحياتي لك ..

[dahy911]

ربنا يكرمكم ان شاء الله جزاكم الله خيراٌ

انا برده قولت كده هو زي حاجه بنتقط ما شاء الله :) انتوا ناس جامدين كفايه الاهتمام بتاعكم

وجزاكم الله خيرا