مشكلة بعد تنظيف بوابة الهواء الخاصة بالمانفولد

[kareem_aljamal]

العربية جين 2 2010 اوتوماتيك
من فترة كده و في كركرة في العربية بيجي مع الضغط على دواسة البنزين بقوة "مش كيك داون " بس دوسة جامدة مفاجأة
فحد قاللي بوابة الهواء بتاعة المانفولد
قلت انظفها

عملت كده فعلا رحت لواحد فصل فلتر الهواء عن البوابة و كانت متسخة الى حد ما و قاللي اركب العربية و دوس بنزين جامد
و هو كان بيرش المنظف

بعدها بتحصل تعليقة غريبة كده بتيجي و تروح
الrpm بيعلق على 2 او 1500 و العربية واقفة على p او n ؟؟؟
و بعدين تنزل لوحدها
الحركة دي ماكانتش بتحصل قبل كده
و مازالت الكركرة شغالة بس هو قاللي اصبر عليها لبكرة و لو ماراحتش يبقى لسه عايز يتنظف كمان

معلومة : انا لسة عامل القصة دي انهارده بس يمكن تكون محتاجه شوية وقت ؟؟؟
هو ان لو ده استمر يبقى لسه عايز يتنظف كمان

[alarabiya11]

المشكله ده بتظهر فى بعض السيارات بسبب التنظيف عادى

والا انا عرفته ان المشى فى الحاله ده مش مضر فى حاجه

وان انها بتختفى من تلقاء نفسها

طيب بص افصل الكهرباء عن البطاريه وافصل فيشة الحساس الهواء الايدل الاول

بص غير نوع المنظف هات نوع احسن شويه

حوالى نص ساعة وارجع ركب تانى

وبعدين شغل الكونتكت على 1 من غير دواره واستنى شويه

وبعدين دور العربيه

وان شاء الله تختفى المشكله

واذا لم تختفى اعمل التنظيف للحاسين دول وعيد فصل الكهرباء وفيش الحساسات تانى وارجع ركب

اسم الحساسن المسئولين عن RPM



Idle Air حساس

Throttle Position Sensor حساس


ابقى طمنى عشان اشوف انا مذاكر كويس والا لا





وفى حساس تانى اسمه الثروتل سينسور ده برده لازم يتنظف

[alarabiya11]

وعندى دليل كمان على صدق كلامى المشكلة الا ظهرت عندك بسبب انك نظفت ايدل الهواء بدون داعى لانه هو غير مسئول عن ضخ البنزين ده مسئول عن ضخ الهواء وبيتحكم فى مؤشر rpm بالعالى والواطى

كان لازم تنظف حساس الثروتل الا بعده عشان كده المشكله ده ظهرت

بس هى مشاكلك فى الحساسين دول

[alarabiya11]

وده فيديو عن المشكله الا عندك الا بطلها حساس ا الايدل بوابة الهواء

YouTube - idle problem




والفيلم التانى المشكله الرئيسيه الا بطلها حساس tps الثروتل

YouTube - Throttle Position Sensor Lesson

[Osama.shihata]

ماشاء الله عليك يا بشمهندس
ايوا كدة متعنى كمان وكمان
احتمالك فى موضعه الصحيح ان شاء الله

[ahmed_h_g]

تمام يا هندسه الله ينور عليك
الحل هو عمل ريست للكنترول مع تغيير البوجيهات والمشكله هتروح

[Osama.shihata]

وكمان المهندس المحترم احمد كمان بيشارك
الله عليكم رجالة بروتون المحترمين
بتهيالى يا كريم كدة انتا عندك كل الحلول
توكل على الله وابتدى وبلغنا وصلت لايه
وربنا يوفقك الى ما فبه الخير

[ahmed_h_g]

الله يباركلك يا أستاذ أسامه باشا
أيوه كده ياريت الناس القديمه ترجع من تانى
فينك من زمان

[alarabiya11]

ماشاء الله عليك يا بشمهندس
ايوا كدة متعنى كمان وكمان
احتمالك فى موضعه الصحيح ان شاء الله

اشكرك على التشجيع بس الحقيقه انا مش مهندس يا اسامه بيه

انا فى الاصل محامى يعنى دراسة فى القانون

بس انا بحاول اقراء كتير فى الميكانيكا كهواية

[kareem_aljamal]

شكرا يا جماعة بجد

انهارده التعليقة راحت لوحدها و برضه فصلت الفيشة و رجعتها

و لاحظت ان الكركرة قلت شوية
قلت اما اخلص من الموضوع ده كله و احط 95
و في واحد صاحبي قاللي جرب تحط حاجه اسمها محفز اوكتان
و بالفعل رحت بنزينة و دخلت لقيت منتج امريكي اسمه octan booster
ثمنة 15 جنيه
اخدته و حطيته و فولت 95

العربية فاقت جددددددددددا
و السحب بقى احسن كتير خصوصا على الاول و التاني
و الكركرة قلت ..... بس مراحتش نهائيا لكن اتوقع مع الوقت هتروح لأن مكتوب على العلبة بتاعت octan booster ده مكتوب عليها " better performance , no more knocks "
يعني انه بيشيل التخبيط و الكركرة و يحسن اداء المكنة بشكل عام

بس سؤال هي الكركرة دي سببها ايه و علاجها الصح ايه ؟؟

[RedBull_30]

انا برضه محتاج اعرف ايه هو سببها وايه هو علاجها الصحيح ؟؟

[kareem_aljamal]

انا برضه محتاج اعرف ايه هو سببها وايه هو علاجها الصحيح ؟؟

هي عندك برضه ؟؟

[RedBull_30]

عندي المشكلة دي بتورح وبتيجي بس انا عربيتي مش اوتوماتيك

[ahmed_h_g]

سببها حرق مش مظبوط لو مش من البنزين يبقى الفلاتر
لو مبتكملش 3 ثوانى وأختفى بعد كل غيار يبقى الموضوع طبيعى وحساس التسقيف بيعالج المشكله بنجاح

[alarabiya11]

استمر على بنزين 95 ونشوف