العربية أتخربشت

[ayman_83]

امبارح غسلت العربيه وكانت مجيره شويه علي الكبوت جه واحد ابن حلال حب يعمل معايا واجب راح حب يمسحها بالجرانان عبال اما لحقته ومسكت ايده كان خربشلي حته في الكبوت بس مش كبيره يدوب علي قد لفه ايده وبعد اما ركنتها ....................* بقئ حد منهم خربشهالي في الرفرف خرابيش بسيطه بس تعكنن والحمد لله علي كل حال
المهم بقئ دلوقتي في عبوه كده اسمها t-cut easy color بحطه علي العربيه هو لونها كده بس بيلمعها بصراحه ده كتره غلط او في مشاكل ولا عادي هو مكتوب عليه انه بيحافظ ويلمع ويشمع
is the easy way to clean,restore and wax your car
لو حد يعرف عنه اي حاجه رجاء يفدني انا جبت غطاء واتر بروف بس ناوي ارجعه لانه ضعيف جدا ب 135 جنيه لو حد يعرف غطا انضف ياريت يقولي
وياريت لو في حل لحمايتها انا بفكر اني افضل واقف جنبها طول الليل او اجيبلها 5 كلاب يدورو حواليها واللي يقرب بس او يبصلها يهبشوه ع طول


تم تغيير عنوان الموضوع
الرجاء أنتقاء ما تكتبه من كلمات
مشرف عام 2

[sayed911]

افضل غطاء كان فعلا بالحدود دي حوالي 165 جنيه وانا كان جي مع العربية التانية من سمير ريان غطاء بقالوا من 2008 ولسة زي الفل بصراحة تحففة هوة انا مش عارفلوا اسم ولكن هة اهم حاجة تكون خامتو من جوة ناعمة جدا عشان متخربش العربية ومتطفيش لونها يعني تنبه الى انه يكون مثلا قماش ناعم قوي ..

[mohamed1992]

سؤال هو لو نشفت العربية بالجرنان الي هيحصل ؟

[kamalsalem]

ايه صحيح موضوع الجرنال ده

[spiderloking]

هوه الجرنان كان في امواس ولا ايه ههههههههههههه انا بردوا مش فاهم

[ayman_83]

لا الجرنان شكله كان الحوادث عشان كده كان خشن فجرح العربيه
ياجماعه العربيه عايزه فوطه ناعمه عشان تحافظ علي البويه وفي فوط انعم واحلي من الفوط الصفرا للعربيات فالجرنان يعتبر فعلا اكنه موس علي العربيه وخشن اوي وده غلط علي دهان العربيه وفعلا عملي دواير والله لولا اني طرت من اول الكبوت واتشعلقت في ايده وقلتله مشكرين يارايق ياجميل وبس خلاص قلتله فداك وكنت زعلان من جوايا والحمد لله علي كل شئ

[tutankhamoun]

برضه و أنا بغسل العربية في البنزين
العامل حب يشتغل بضمر علشان البقشيش ........ عملي جرح في الصاج ( آه يا صاجي أه )

نعيش و نأخد غيرها يا أيمن باشا
لو الخربوش جرح البويه فعلا مش هانفع أي ملمع و هتحتاج بويه فعلية و بأفكر أشوف اعمل لوني و أمشي عليها بقطنة

أي منتج تاني ........ انسى و ما ضيعش فلوسك عليه

[ramyar]

استاذ\ ايمن
خربشه الجزنال بتكون سطحيه ومش بتاثر غير في طبقه الورنيش الخارجيه
حضرتك ممكن تجيب واكس ارموراول وتلمع بيه المنطقه الي فيها الخربوش وكمان في كامباوند خشن من عند الناس الي بتبيع البوهيات والحدايد ده ممكن يشيل الخرابيش دي هتلاقيه ب 7 جنيه ولون الكامباوند ابيض مش اصفر ولون العلبه ذهبي وبعد الكامباوند اعمل الواكس
ويستحسن عمل طبقه الواكس كل 6 شهور لان كتر المواد الملمعه والورنيش والواكس بققل من كثافه طبقه الورنيش
اما بي النسبه للغطاء الواتربروف كويس جدا
وسعره 110 في التوفيقيه
بلاش الغطاء القماش لان الشمس بتنشف القمش وبعد فتره بخربش

[hossamkoshy]

استاذ\ ايمن
خربشه الجزنال بتكون سطحيه ومش بتاثر غير في طبقه الورنيش الخارجيه
حضرتك ممكن تجيب واكس ارموراول وتلمع بيه المنطقه الي فيها الخربوش وكمان في كامباوند خشن من عند الناس الي بتبيع البوهيات والحدايد ده ممكن يشيل الخرابيش دي هتلاقيه ب 7 جنيه ولون الكامباوند ابيض مش اصفر ولون العلبه ذهبي وبعد الكامباوند اعمل الواكس
ويستحسن عمل طبقه الواكس كل 6 شهور لان كتر المواد الملمعه والورنيش والواكس بققل من كثافه طبقه الورنيش
اما بي النسبه للغطاء الواتربروف كويس جدا
وسعره 110 في التوفيقيه
بلاش الغطاء القماش لان الشمس بتنشف القمش وبعد فتره بخربش

+111111111