جينا بتصوصو و فضحاني و شكلها كده الناس هتطلع تشتمني

[AmatoALLAH]

صباح الخير

يا جماعه جينا الانذار بتاعها معلق و كل 5 دقايق يشتغل لوحده

الاول افتكرت ان قطه خبطت في العربية و لا حاجه

و لما اتكرر قلت دا فيه حد بيفتحها

اخويا نزل و دخلها الجراج للاحتياط

فضل بردوا جهاز الانذار كل 5 دقايق بيشتغل و صوته مزعج جدا

افصل البطارية و لا اعمل ايه

[spiderloking]

اخي العزيز هتلاقي زرار في في نقطه كدا مدوره صغيره جمب زرار الانتظار اضغط عليه لما تكون بتزمر كدا و بتعمل صوت هتلاقي الصوت فصل معاك ان شاء الله شوف كدا ممكن يكون معلق لو لسه بتزمر بردوا بعد الحركه ديه قولي و انا اقولك تعمل ايه

[AmatoALLAH]

انا اخت مش اخ :)

لا خلاص فصلت البطارية

الناس فعلا كانت هتشتمني :(

بس للمعرفة لبعد كده هو ايه الزرار ده :)

[spiderloking]

اسف جدا اختي العزيزه مأخدتش بالي انو حضرتك بنت مش ولد

معلش الحمد لله ان محدش طلع و شتم و لحقتي نفسك

بصي حضرتك الزرار ده عباره عن زرار الانزار ده لو الانزار علق كدا معاكي زي ما علق مع حضرتك بتدوسي عليه الصوت بيسكت بتاع الانزار و كمان بتستخدميه لما مفتاح العربيه يفقد الشفره و تحتاجي تشفريه من الاول يعني ساعات المفاتيح بتعلق او تهنج بمعني اصح هيه كمان فالزرار ده بنستخدموا لما نكون عاوزين نكود المفتاح من تاني او نعملوا الشفره من اول و جديد علشان يفتح العربيه و يقفلها عادي لو عاوزه تعرفي خطوات تكويد او تشفير المفتاح من تاني هنا http://www.nilemotors.net/Nile/193986-a.html

و اي استفسار تاني انا تحت امرك

[AmatoALLAH]

شكرا ليك سبايدر

قريت الموضوع بس انا الريموت عندي بيفتح و يقفل عادي

يعني بيشتغل و يستجيب لما بضفط عليه

هل اتبع الخطوات اللي مكتوبه في الموضوع؟

[Tarek Gen 2]

لا مش لازم
شوفى بس ممكن يكون فى كبوت او الشنطة حاجة فيهم مفتوحة

[spiderloking]

لأ انتي جربي تحطي اوشاط البطاريه تاني يعني ركبي الكابل تاني بالبطاريه لو لسه معلق الانزار جربي الطريقه ديه لو خلاص مش بيعمل صوت يبقي كدا تمام مفيش مشكله

[AmatoALLAH]

لا مش لازم
شوفى بس ممكن يكون فى كبوت او الشنطة حاجة فيهم مفتوحة

لا انا اتاكدت قبل ما نفصل البكارية

شكرا ليك يا طارق

لأ انتي جربي تحطي اوشاط البطاريه تاني يعني ركبي الكابل تاني بالبطاريه لو لسه معلق الانزار جربي الطريقه ديه لو خلاص مش بيعمل صوت يبقي كدا تمام مفيش مشكله

ان شاء الله الصبح اجرب لان اخويا نام و صعب انزل دلوئتي

شكرا ليك سبايدر

[Osama.shihata]

عموما لو فى اى حاجة معلقة حترجع تانى لطبيعتها طالما فصلتى البطارية
وحدة التحكم الالكترونى بيتعملها اوتوماتيك ريست وبيرجع كل شى لطبيعته بمجرد التوصيل مرة اخرى

[tutankhamoun]

لما تعمل كدا تاني (و مش هاتعمل كدا تاني إن شاء الله ) دي مجرد تعليقة أو ممكن تكون حاجة حصلت أجبرت الأنذار يشتغل و بعدين وحدة التحكم نسيت تقول الأنذار......... قف عندك و توقف عن أزعاج السكان النائمين
فيه زرار موجود فوق الكاسيت مسئول عن اعادة ضبط جهاز الانذار و المُجمد

و دي صورة توضيحية لمكان الزر

[AmatoALLAH]

عموما لو فى اى حاجة معلقة حترجع تانى لطبيعتها طالما فصلتى البطارية
وحدة التحكم الالكترونى بيتعملها اوتوماتيك ريست وبيرجع كل شى لطبيعته بمجرد التوصيل مرة اخرى

فعلا دا اللي حصل انهاردة , بعد ما وصلت البطارية بقيت زي الفل الحمد لله
شكرا ليك جدا

لما تعمل كدا تاني (و مش هاتعمل كدا تاني إن شاء الله ) دي مجرد تعليقة أو ممكن تكون حاجة حصلت أجبرت الأنذار يشتغل و بعدين وحدة التحكم نسيت تقول الأنذار......... قف عندك و توقف عن أزعاج السكان النائمين
فيه زرار موجود فوق الكاسيت مسئول عن اعادة ضبط جهاز الانذار و المُجمد

و دي صورة توضيحية لمكان الزر

اهلا بحضرتك

بس اللي عايزه اعرفه هو ممكن يكون فيه حد كان بيحاول بعد الشر يعني يسرق جينا و لا دا كان عادي!

شكرا ليك جدا

[spiderloking]

لأ ده عادي و طبيعي بتحصل في كل العربيات محدش حب يسرقها ولا حاجه اطمني

[Tarek Gen 2]

فعلا دا اللي حصل انهاردة , بعد ما وصلت البطارية بقيت زي الفل الحمد لله
شكرا ليك جدا



اهلا بحضرتك

بس اللي عايزه اعرفه هو ممكن يكون فيه حد كان بيحاول بعد الشر يعني يسرق جينا و لا دا كان عادي!

شكرا ليك جدا

الانذار اللى فى جيجي مش للسرقة مش بحساس ضد الخبط و كدة
ده بيبقى لما تنسى حاجة مفتوحة و تقفلى العربية او اما مفتاح يتحط غلط فيها او كدة لكن مش ضد السرقة عن طريق الخبط
دى تلاقيها كانت تهييسة بس

[tutankhamoun]

اهلا بحضرتك

أهلا يا فندم و أحنا تحت أمرك

بس اللي عايزه اعرفه هو ممكن يكون فيه حد كان بيحاول بعد الشر يعني يسرق جينا و لا دا كان عادي!

شكرا ليك جدا

الاجابة عن هذا السؤال صعبة شوية .... طيب أقولك هاعترف على نفسي و خلاص

أنا اللي كنت بحاول أفتحها علشان أضمها لأسطول الجين 2 عندي

[tutankhamoun]

طبعا يا فندم إن شاء الله مفيش أي حد كان بيحاول يسرقها و لا حاجة .... أحم أحم (أوعي تبلغي البوليس عني !! )

هو تلاقيها كانت تهيسسه زي ما الأخوة وضحوا قبلي