bafakkar fe Gen2

[zikos]

salamo 3aliko

2assef en ana bakteb 3arabi be 7erouf engeleezi bas ma3andeesh 3arabi fel computer

ana ba2ali kam youm bafakar fe 3arabeya gedeida.. fe 7edoud 85000

I've been thinking of, mainly Gen2 manual.. and maybe Yaris.. Yaris ofcourse becuase of Toyota..

When asking friends about Gen2, they said el tawkeel (in Cairo) mesh kowayes we beytawello we 7agat keda.. we nas tania 2alouli beye7sal feiha mashakel fel kahraba..

I am not much convinced of the Yaris because it being 1.3 and only half options, while the Gen2 is khorafa compared to its price

So, if you own a Gen2 or know someone who owns it.. Can you tell me:
- how long have you owned the car?
- did you face any problems with the tawkeel? are they good and finish stuff on time?
- what kind of problems have you faced in the car so far?

Thanks a lot :)

[fahd_628]

السلام عليكم

اولا اهلا بيك معانا فى المنتدى

بص يا باشا

اولا العربية ممتازة جدا و زى فل من ناحية الميكانيكا محدش اشتكى منها و دية حاجة مهمة جدا و كويسة جدا

فى موديلات 2005 و 2006 كان فية عيوب تقفيل تافهة زى مثلا ان الزجاج بيعلق او السنتر بيعلق او لمبة الصالون مش بتنور حاجات كدة بس الحمد لله فى موديلات 2007 و 2008 تم حل المشكلة و العربية مبقاش فيها مشاكل الحمد لله و دة بشهادة كل الى جابها موديل 2007

من ناحية التوكيل فا انا مش من ملاك العربية و لكن من المعجبين بها جدا و طبعا متعاملتش معاة بس هوة كويس مش ممتاز و مش وحش و هوة على فكرة توكيل جيب و ستروين

العربية ممتازة ما شاء الله من كل حاجة

صاج
ثبات
كماليات
محرك

كل حاجة تمام توكل على الله

و على فكرة الياريس مش وحشة برضة العربية ممتازة بس مش احلى من الجين 2 :) فى رأى طبعا و ممكن حد يختلف معايا :)

[tutankhamoun]

السلام عليكم
أولا أهلا بك في المنتدى عموما و قسم البروتون خصوصا
بالنسبة لأسئلة حضرتك
أولا الجين 2 إنتاج شركة بروتون ....... و التي بدورها ليست مشهورة في مصر و ناس كثيرين لا يعرفون ما هي بروتون أساسا
و لكن هل هذا يعيب السيارة ؟؟؟ بالطبع لا
هل لو كانت جين 2 من إنتاج تويوتا و ياريس من إنتاج بروتون كانت هاتبيع أكتر ؟؟؟
الإجابة نعم و مليون في المائة نظراً لثقة الناس العمياء في تويوتا في مصرنا الحبيبة

نرجع بقى للأسئلة

العربية مفيهاش الهوا من موديلا 2007
يعني مفيش أي مشاكل و الحمد لله خالص
و التوكيل كويس جدا ........... لم أقابل أي مشاكل معهم على وجه الخصوص و لكنهم يشتركون في نسبة مستوى الخدمة مع بقية التوكيلات في مصر و هذا بما إننا في مصر !
و طبعا هما أحسن من غبور و محدش أشتكى منهم
و نصيحة متسألش الناس على حاجة ......... كل واحد هايفتي و يطلعلك بكلمة
العربية مفيهاش مشاكل لا في الكهرباء و لا الميكانيكا من ساعة ما نزلت مصر
و كل مشاكلها كلنت بتنحصر في التقفيل و زي ما وضح أخونا فهد و قالك
كل المشاكل كانت بتنحصر في الآتي
زرار بيعلق ......... و بتتحل في التوكيل
زجاج كهرباء يعلق .... و برضه كانت بتتحل في التوكيل
و هذه كانت أشهر المشاكل في تقفيل الجين 2 موديلات 2005 و 2006

و انا ( العبد الفقير إلى الله ) عربيتي موديل 2007 و لم تواجهني أي مشاكل على الاطلاق .... و صديق لي سيارته موديل 2006 و عامل بيها عداد كيلومتر فوق 70 ألف و العربية لم يتم تغيير فيها غير تيل الفرامل و الزيوت فقط لا غير
و صاحبي ده قاسي جدا على العربية و ما شاء الله عليها حمالة قسية

و بالنسبة للعربيتين موضع المقارنة
الياريس كويسة علشان موتورها كويس و من إنتاج تويوتا .......... و بس
و سعرها مبالغ فيه جدا على عربية 1300 من غير كماليات
و كمان بتيجي و فيها عيب و هو اسطوانة دبرياج يجب تغييرها في التوكيل و يقوم التوكيل بالتغيير مجانا و خدمتهم ممتازة على حد كل من تعامل معهم . و العيب على ما أعتقد توقف منذ موديل 2008
و خلى بالك ........ عمرك سمعت حد قال إن الياريس فيها عيب اسطوانة دبرياج ؟؟؟!!!
طبعا لا ........ علشان ثقافة الناس ........ تعيب في اللي متعرفوش و تمجد اللي تعرفه حتى لو ميستهالش التمجيد

انا عايزك تبص على مواضيع قسم البروتون و تقرأ تجارب الاعضاء عن الجين 2 و برضه مش هاتتعب لأن التجارب موجودة في المواضيع المثبتة

و رجاء اخير لكل من يقرأ الموضوع من أصحاب التويوتا ياريس
هذه مناقشة عن السيارات فقط لا غير ........ و أرجوا أن لا يغضب أحد بسبب رأيي

[aboalm]

اقتباس ((طبعا لا ........ علشان ثقافة الناس ........ تعيب في اللي متعرفوش و تمجد اللي تعرفه حتى لو ميستهالش التمجيد )) و الله عندك حق يا اخ توت
لكن لى سؤال بسيط ليك ايه حصل و غيرت التوقيع بتاعك و بتدعى على بتوع الغرز؟ حصل حاجه لا قدر الله؟

[tutankhamoun]

اقتباس ((طبعا لا ........ علشان ثقافة الناس ........ تعيب في اللي متعرفوش و تمجد اللي تعرفه حتى لو ميستهالش التمجيد )) و الله عندك حق يا اخ توت
لكن لى سؤال بسيط ليك ايه حصل و غيرت التوقيع بتاعك و بتدعى على بتوع الغرز؟ حصل حاجه لا قدر الله؟

كذا مرة و في مواقف عديدة ألاقي نفسي هامعمل حادثة بسبب إنسان عديم الإحساس بيعمل غرزة
يعني من حوالي عشرة أيام ........... واحد راكب 504 و بعدين هو كان في الحارة الشمال .......... و أنا في النص ............. و جنبي عربية في الحارة اليمين
و أخينا ده لقى عربية نقل قدامة و مكنش فيه مسافة بيني و بين العربية النقل كافية إنه حتى يعمل فيها غرزة ........ المهم راح كاسر عليا يمين و لقيت نفسي يا إما أكسر على اللي على يميني أو أدوس بنزين و في الحالة دي كنت هاخبط فيه أو أفرمل و أفتحله طريق
و علشان مراتي كانت معايا مقدرتش أعمل معاه حاجة
............. و ببص لقيته بيتكلم في المحمول كمان !!!!!!!!!!!!!!!!
بس أرجع و أقول
حسبـــــــــــــــــي الله و نعم الوكيل في الشرطة التي لا تفعل شئ لإيقاف هذه المهازل على الطرق
و طبعا مواقف من دي كتير و يوميا
و طبعا لو مش عايز حد يكسر أقدامك لازم العربيات تكون لاصقة في بعض و ده خطر جدا فبضطر أفوت و اللي عايز يعدي يغور في داهية بعيد عني و مرة أخرى
حسبي الله و نعم الوكيل فيهم و في اللي خلاهم يسوقوا و في اللي ما بيعاقبهومش على مصايبهم

[AhmedGen2]

ايوة يا توت باشا تضايق منهم ماشى لكن تدعى عليهم بجهنم مرة واحدة يا قلبك يا اخى هههههه ^^ ، انا بقول المسامح كريم والاحسن انك تشيل التوقيع دة وادعى ان ربنا يصلح الحال =)

[SEATLOVER]

وعليكم السلام

اهلاً بيك معانا يا zikos فى المنتدى

الحقيقة ان العربية اثبتت كفاءة خلال العامين الماضيين فقط رغم ارتفاع استهلاك الوقود داخل المدينة ومدى تفاعل العفشة مع الطرق الحالية ومستوى الخامات مع عنصر التوكيل بشكل عام , إلا انة اذا تغاضيت عن فروق السعة اللترية الطفيفة وعدد الاحصنة الغير فعالة و بعض الكماليات سهلة الاضافة فامامك العديد من الاختيارات المتعارف عليها و الجديرة بالتفكير مثل :
التويوتا يارس -الهوندا سيتى - كيا سيراتو- نيسان صنى
فالتوكيل والانتشار وسعر اعادة البيع وقلة المعروض من المستعمل تدل على مدى جودة هذة السيارات .



تمنياتى بالتوفيق

[mohamed ibiza]

العربية لا يحكم عليها ب 70 الف كيلو يا توت خصوصا العربيات الجديدة العربية عشان تقول انها عربية ممتازة مش اقل من 200 الف انما 70 الف ده رقم صغير اصلا حتي مع سوء الاستعمال دي عربية جديدة و كمان عيوب التقفيل برضه تقلل من جوده العربية و من التقدير اللي ممكن الواحد يحكم بيه عليها العربية الصح المفروض ميبقاش فيها اي عيوب تقفيل زراير و ازاز يعلق حاجات تحرق الدم كده لما تبقي عربية جديدة الجين 2 لا يجوز الحكم عليها الان لكن انا معجب بشكلها و ثباتها و اداءها غير كده الحكم علي العفشة و الموتور مش دلوقتي خاااااااااااااااااااااااااااالص ده رأيي و الياريس عيبها ثباتها بعد 140 لان وزنها خفيف و 92 حصان فبتجري جامد و ثباتها مش اللي هو انا رأيي صني مع وجود عيوب تقفيل و تجميع مصري طبعا......................














Ibiiiiiiiiiiiiiiiiiiiiiiiiiiiiiiiiiiiiizzzzzzzzzzz zzzzzzzzzzzaaaaaaaaaaaaaaaaaa For Ever

[tutankhamoun]

ايوة يا توت باشا تضايق منهم ماشى لكن تدعى عليهم بجهنم مرة واحدة يا قلبك يا اخى هههههه ^^ ، انا بقول المسامح كريم والاحسن انك تشيل التوقيع دة وادعى ان ربنا يصلح الحال =)

المسامح كريم طبعا ........ بس لما دمك يتحرق كل يوم و تحس إن حياتك معرضة للخطر بسبب فعل غبي و يتم فعله بالقصد التام ......... يبقى يستاهلوا الدعاء عليهم ........ ماداموا لم يحترموا حياة الناس على الطريق و لا ممتلكاتهم

و شكرا على التفاعل يا باشا

[tutankhamoun]

وعليكم السلام

اهلاً بيك معانا يا zikos فى المنتدى

الحقيقة ان العربية اثبتت كفاءة خلال العامين الماضيين فقط رغم ارتفاع استهلاك الوقود داخل المدينة ومدى تفاعل العفشة مع الطرق الحالية ومستوى الخامات مع عنصر التوكيل بشكل عام , إلا انة اذا تغاضيت عن فروق السعة اللترية الطفيفة وعدد الاحصنة الغير فعالة و بعض الكماليات سهلة الاضافة فامامك العديد من الاختيارات المتعارف عليها و الجديرة بالتفكير مثل :
التويوتا يارس -الهوندا سيتى - كيا سيراتو- نيسان صنى
فالتوكيل والانتشار وسعر اعادة البيع وقلة المعروض من المستعمل تدل على مدى جودة هذة السيارات .



تمنياتى بالتوفيق

العربية لا يحكم عليها ب 70 الف كيلو يا توت خصوصا العربيات الجديدة العربية عشان تقول انها عربية ممتازة مش اقل من 200 الف انما 70 الف ده رقم صغير اصلا حتي مع سوء الاستعمال دي عربية جديدة و كمان عيوب التقفيل برضه تقلل من جوده العربية و من التقدير اللي ممكن الواحد يحكم بيه عليها العربية الصح المفروض ميبقاش فيها اي عيوب تقفيل زراير و ازاز يعلق حاجات تحرق الدم كده لما تبقي عربية جديدة الجين 2 لا يجوز الحكم عليها الان لكن انا معجب بشكلها و ثباتها و اداءها غير كده الحكم علي العفشة و الموتور مش دلوقتي خاااااااااااااااااااااااااااالص ده رأيي و الياريس عيبها ثباتها بعد 140 لان وزنها خفيف و 92 حصان فبتجري جامد و ثباتها مش اللي هو انا رأيي صني مع وجود عيوب تقفيل و تجميع مصري طبعا......................

عاشق السيات و محمد ابيزا داخلين يخبطوا في الحلل :D :D
عاشق السيات ........
العربية أثبتت كفاءة في أول ثلاثة سنوات إنتاج و هي 2005 و 2006 و 2007 و داخلين على 2008
و ده طبعا شئ يحسب للعربية 100 % و خصوصا أن إنتاج بروتون من السيارات الأخرى و أقصد الويرا ........ أثبت كفاءته و جودته و طول عمره
حضرتك بتقول عدد الأحصنة الغير فعالة !!!!!!!!
ازاي غير فعالة ........ جربت تسوق عربية 1600 و عدد احصنتها عالي و ايضا العزم عالي و هي محملة ناس ؟؟؟؟؟؟؟؟ و شوف فرق الأحصنة و العزم هاينفع و لا لاءة !
و الكماليات سهلة الإضافة دي عارف تكلفتها كام ؟؟
تكيف مثل تكييف الجين 2 لا يقل عن 3 ألاف جنيه
مشغل اسطوانات لا يقل عن 700 جنيه
زجاج كهرباء لا يقل عن 800 جنيه
فرامل abs و ebd >>>
طقم جنوط لا يقل عن 3 الاف جنيه
بالاضافة إلى الثبات الرهيب و قوة الصاج الغير متوفرة إلا في النيسان صني
و طبعا الشكل الجميل .......... و الثمن المعقول

و يا جماعة خامات أيه بس اللي أنتوا بتتكلموا عليها ؟؟؟؟؟؟؟؟؟؟
كل القصة إن بلاستيك تغليف الأبواب من نوع رخيص و غير كدا ......... إنسى .........كراسي ممتازة ....... تابلوه روعة في التصميم و الخامات ....... دواسات جميلة مصنوعة من الموكيت و ملحقة بالسيارة مجانا .

و معلش اللي ممكن يتقارن من السيارات المرشحة من حضرتك مع الجين 2
هو الصني و السيراتوا فقط .......... العربيتين 1600 زي الجين 2

و بالنسبة للحكم على السيارة ........ 70 ألف كيلومتر بالفعل غير كافيين للحكم على سيارة
و لكن ............ 70 ألف كيلومتر و العربية متغيرش غير زيوت و فرامل يبقى محركها محترم
لما العربية تكون جديدة في السوق و تعمل 70 الف كيلو متر مع سواق بيحرت فيها أكنها جرار زراعي ......... تبقى عربية محترمة
و الأهم ........ لما تركب العربية و تحس أن ادائها زي الجديد ............ تبقى عربية محترمة بمحرك محترم كخامات و كجودة
و بالنسبة للتوكيل
فهو جيد .........
سعر اعادة البيع ........ اقل من التويوتا و النيسان و متساوى مع السيراتو و الهوندا
الانتشار في السوق ......... اقل من التويوتا و النيسان و اعلى من الهوندا و السيراتو
و لما تشتري عربية بالإمكانيات دي ........ و الجودة دي .......... و السعر ده ....
يبقى انت الكسبان
و نصيحة .......... اللي نفسه في حاجة يشتريها مادامت حلوة ادام هايدفع كل الفلوس دي
معلش أحنا مش هانشتري عربية للهايركب بعدي
انا أمتع نفسي ........ مادام العربية أثبتت نفسها و كويسة و قطع غيارها موجودة و بسعر مناسب جدا

و بالنسبة لعيوب التقفيل .......... انتهت منذ الموديل 2007

و بالنسبة برضه لعيوب التقفيل نتكلم بصراحة
مش عيب شركة محترمة زي تويوتا تنزل الياريس بعيب في الموتور !!!!!! يعني حتى مش عيب تقفيل ........ ده عيب في الموتور ........ اسطوانة دبرياج
و مش عيب شركة محترمة زي فولكس فاجن تنزل عيب في الموتور بتاع الإبيزا سنة 1994
و الموتور يكون بيسخن و يولع كمان .......... و من مين ........ فولكس فاجن
يعني حتى مش عيب تقفيل .......... ده عيب تصميم في الموتور

كل الشركات بتنزل منتجات فيها عيوب و تتراوح هذه العيوب من عيوب خطيرة إلى عيوب في التقفيل .......... لأن من يدير هذه الشركات بشر و البشر يخطئون
و الحمد لله إن عيوب البروتون طلعت في تقفيل زرار أو لمبة و مطلعتش في الموتور و إلا الناس كانت قالت عليها كلام ...........................................
و الناس مش بتحب تشوف أخطاء الكبار مثل تويوتا أو فولكس فاجن
إنما شركة محترمة و صغيرة مثل بروتون يقعدولها على الواحدة ...........
لا تنسوا أن هذه الشركة اول شركة إسلامية تقوم بصناعة السيارات و تصدرها للعالم و اعتقد انها تستحق بعض التشجيع مادامت شركة محترمة ذات منتجات عالية الجودة
و كل الكلام اللي فات ده ........... نقاش سيارات ليس أكثر فأرجوا ان لا يثير ضغينة أحد و أرجوا أن يتفهم الأخوة الزملاء مقصد كلامي و شكرا
و الله الموفق

[mohamed ibiza]

و مش عيب شركة محترمة زي فولكس فاجن تنزل عيب في الموتور بتاع الإبيزا سنة 1994
و الموتور يكون بيسخن و يولع كمان .......... و من مين ........ فولكس فاجن
يعني حتى مش عيب تقفيل .......... ده عيب تصميم في الموتور



كده يا توت انت اللي خبطت في الحلل ههههه معلش عندك و اقف و اوعي تكمل ايه فولكس منزلة الابيزا بعيب في الموتور انه بيسخن معلش بقي اقف و اربط انا خبير الابيزا ولا فخر مع الابيزا 15 سنة و اللي انت بتقول عليه ده لا اساس له من الصحة بالمرة نهائي تماما المرة الوحيدة اللي حصلت معانا مشكلة سخونة طلع خرطوم المياه كان مخروم و المرة التانية اتضح انه كان غلطنا اننا سبنا العربية شهووووووووووووووووووووور لحد ما المياه نشفت فيها تماما انما تقولي الموتور بيسخن و يولع ايه الكلام ده الكلام ده ملوش اي اساس من الصحة ازاي انا اللي اعرفه انك كنت من ملاك الابيزا زمان ازاي تقول كده و لو العربية بتولع فعلا زي ما انت بتقول ابويا خلاها ليه 15 سنة انا خليتها ليه الواحد يصبر علي الموضوع ده شهر شهرين 3 شهور سنة مش 15 سنة!!!!!!!!!!!!!!!!!! الكلام ده غير صحيح بالمرة و متقولش اني بكدبك بس بالفعل الكلام غير صحيح يمكن اللي كانت معاك كان فيها حاجة محتاجة تغيير و الميكانيكي معرفش يعملها انما بتسخن و تولع كلام عجيب بجد ارجو انك ترد و تكلمني في الحوار ده لان دي اساسا اشاعة طالعة عليها علي الفاضي زي اشاعة غلاء قطع غيارها......








Ibiiiiiiiiiiiiiiiiiiiiiiiiiiiiiiizzzzzzzzzzzzzzzzz zzaaaaaaaaaaaaaaaaaaa For Ever

[tutankhamoun]

و مش عيب شركة محترمة زي فولكس فاجن تنزل عيب في الموتور بتاع الإبيزا سنة 1994
و الموتور يكون بيسخن و يولع كمان .......... و من مين ........ فولكس فاجن
يعني حتى مش عيب تقفيل .......... ده عيب تصميم في الموتور



كده يا توت انت اللي خبطت في الحلل ههههه معلش عندك و اقف و اوعي تكمل ايه فولكس منزلة الابيزا بعيب في الموتور انه بيسخن معلش بقي اقف و اربط انا خبير الابيزا ولا فخر مع الابيزا 15 سنة و اللي انت بتقول عليه ده لا اساس له من الصحة بالمرة نهائي تماما المرة الوحيدة اللي حصلت معانا مشكلة سخونة طلع خرطوم المياه كان مخروم و المرة التانية اتضح انه كان غلطنا اننا سبنا العربية شهووووووووووووووووووووور لحد ما المياه نشفت فيها تماما انما تقولي الموتور بيسخن و يولع ايه الكلام ده الكلام ده ملوش اي اساس من الصحة ازاي انا اللي اعرفه انك كنت من ملاك الابيزا زمان ازاي تقول كده و لو العربية بتولع فعلا زي ما انت بتقول ابويا خلاها ليه 15 سنة انا خليتها ليه الواحد يصبر علي الموضوع ده شهر شهرين 3 شهور سنة مش 15 سنة!!!!!!!!!!!!!!!!!! الكلام ده غير صحيح بالمرة و متقولش اني بكدبك بس بالفعل الكلام غير صحيح يمكن اللي كانت معاك كان فيها حاجة محتاجة تغيير و الميكانيكي معرفش يعملها انما بتسخن و تولع كلام عجيب بجد ارجو انك ترد و تكلمني في الحوار ده لان دي اساسا اشاعة طالعة عليها علي الفاضي زي اشاعة غلاء قطع غيارها......








Ibiiiiiiiiiiiiiiiiiiiiiiiiiiiiiiizzzzzzzzzzzzzzzzz zzaaaaaaaaaaaaaaaaaaa For Ever

محمد باشا .......... العربيات الإبيزا دي عربيات محترمة جدا و أنا بأعشقها عشق خاص
ثانيا موضوع عيب السخونة ده أنا ذكرته بالتجربة في سيارتين ( سيارتي و سيارة ابن عمي ) ........... يعني أنا من ملاك الإبيزا القدامى
و العربية مقصدتش أنها تولع يالنار أنا قصدت أنها في أيام الحر كانت بتسخن جدا ......... و ابن عمي ما أستحملش العيب ده و باعها
ثالثا أنا ذكرت العيب مش علشان أعيب في العربية اللي هي أصلا حلوة و لكن
لأذكر الناس إن كل العربيات بتطلع من المصنع و فيها عيب و ده شئ طبيعي
و ذكري لمثال فولكس فاجن و تويوتا لأنهما شركتين كبيرتين و لهما سمعة كبيرة و مع كل ذلك بيغلطوا ............ يعني هما مش ملايكة ..... صح و لا أنا غلطان ؟
أما بروتون و لأنها شركة مش مشهورة كشهرة تويوتا و فولكس فالناس قاعدلها على الواحدة ............ و شكرا لحسن الحوار

[FLYINGPEUGEOT]

اسمع كلام عمك توت..الراجل الكوممال ده :D

...وعليك وعلى الجين2

وحظك...ياباش ان الفلوس الى معاه...متجبش حاجه بيجو :D

[tutankhamoun]

اسمع كلام عمك توت..الراجل الكوممال ده :D

...وعليك وعلى الجين2

وحظك...ياباش ان الفلوس الى معاه...متجبش حاجه بيجو :D

نورت الموضوع يا جميل ............ أيه ده طيار البيجو بحالوا في منتدى البروتون
و أنا بقول بروتون نورت ليه
و كويس إن أحنا غلابة و موصلناش لسعر الأسد الفرنسي الرهيب
و أحنا ماشيين جنب الحيطة لغاية ما الشبل الماليزي يكبر و يأكل الأسد الفرنسي :D :D ;) ;) :D :p :p :p
و شكرا يا عسل على المرور و تكريمنا في البروتون برأيك

[Powert]

خليك مع عمك توت وانزل اشترى جين 2 حالاً

بنسبة لموضوع عيوب التقفيل احب اقول حاجة

1- واحد صحبي اشترى بي ام 316 سنة 2006 وكان الازاز اللي جنب السواق مش بيطلع ولا بينزل

2- اوبل استرى موديل 2000 مع واحد قريبي مشاكل في زراير الازاز مش عايز يطلع برضه ولا ينزل

3- واحد صحبي ابوه اشترى مرسيدس e 200 سنة 2002 وكانت عنده مشاكل سخونة زيادة وحالوها في التوكيل لانها كانت عيب صناعة

او ممكن تكون عيب تجميع محلي

العربيات دي كلها الماني وصناعة محلى