هل اللى متعود على اليابانى ينفع يركب ماليزى ؟

[walidhosnykhater]

شكرا ليك يا أستاذ أسامة على ذوق حضرتك وشكرا للأستاذ أيمن على إضافته وكمان الأستاذ asas2 انت اللى فاهمنى كويس يعنى نقدر نقول ان الجين تو شبة الألمانى كدة فى صوت الماتور العالى ومتانة صاجه مش كدة ؟

[khpopo]

+1

عجبتنى جدا كلمه مدرسـه دى , فعـلا بروتون ليهـا طعم مختلف ... زى الفيات , الفاروميو , أوبل ...

عربيه ليها اسلوب وشكل مختلف , بيعجب ناس ومش بيعجب ناس تانيه

بس فى الاخر بروتون ليها طعم مختلف بيعرفه فقط ملاكهــا

+11111111111111

ربنا يوفق

[alarabiya11]

شكرا ليك يا أستاذ أسامة على ذوق حضرتك وشكرا للأستاذ أيمن على إضافته وكمان الأستاذ asas2 انت اللى فاهمنى كويس يعنى نقدر نقول ان الجين تو شبة الألمانى كدة فى صوت الماتور العالى ومتانة صاجه مش كدة ؟

بعد كل ده لا اتمسك برايك

[أبومعاذ]

السلام عليكم
الاخ الفاضل صاحب الاستفسار

اولا فعلا السلاريو هى سيارة هندية نتيجة بالتعاون بين ماروتى وسوزوكى

انا معايا نيسان صنى ومعايا بروتون ساجا

وبالنسبة للمقارنة الى هقولها من واقع تجربتى والمعلومات الفنية المرفقة بكتلوجات السيارتين

1-بالنسبة للسعر الماليزى اقل من اليابانى فى السعر مع تساوى الامكانيات
2-العزم الصنى 118حصان و1600سى سى والساجا 94 حصان و1332 سى سى
3-وزن السيارة الصنى اوتو 1120و الساجا 1065 يعنى لا فرق يذكر
4-المساحة الداخلية الساجا اوسع من الصنى داخليا مع انها اضغر من برة
5-التسارع الساجا من 0 الى 100كم فى 15 ثانية الصنى تجميعها بطيء
6 الكماليات الساجا زجاج كهرباء امامى -فوانيس شبورة-سى دى-سنترلوك بالريموت-جنوط الومنيوم-وسادة هوائية سائق-مرايات كهرباء واهم حاجة مش موجودة فى الصنى هى حساس ركن
اما الصنى لايوجد جنوط -شبورة -حساس ركن بيها

ملحوظة انا عن نفسى مبركبش غير الساجا ومريحانى عن الصنى
وكمان انتا لو دخلت على مواقع مقارنات السيارات وحطييت الساجا الحمد لله تمسح اى عربية تانية بسعرها وامكانياتها واخيرا الحكم الاول والاخير ليك

على فكرة الساجا دى اقل عربية فى الماليزى
وبعدين عندى سبب تانى عنصرى شوية الماليزين مسلمون -الياباني فلا

بروتون ساجا 2010 صنى 2008

السلام عليكم ورحمة الله

بص يا اخى علشان الصورة توضح بالنسبة لك شوية حقولك احساسى عن باقى العربيات

انا فى البروتون بحس انى راكب عربية ناشفة .. وبتاعة رجالة

يعني عربية حتحس فيها بالمطبات مقابل انك تاخد ثبات على سرعات عالية

كمان حتحس ان صاجها تقيل وده حقيقى علشان كدة هي جابت معاك علي احساس قفلة باب اللادا دى .. علشان طبعا اللادا القديمة كان عضمها ناشف جدا ( علي فكرة اللادا دلوقتى مش كدة خالص) فانا بحس ان باب البرسونا عندى مثلا كدة .. بس طبعا مع فرق الشياكة فى الأصوات
كمان العربية خشنة وخشنة دى يعني مقارنة بالماتركس مثلا فصوت ماتور البروتون اعلى كتير .. بس صوت قوى .. على عكس صوت الكورى وطبعا اليابانى اللى معروف انه مبيطلعلوش صوت وهو داير اصلا .. بس ده من وجهة نظرى مش عيب دى مدارس فى الصناعة .. يعني حتلاقى الباور اتقل شوية من اليابانى .. الفتيس نفس الحكاية .. اعتقد انك حتحس انك راكب عربية مختلفة كتير لو كنت راكب يابانى .. هى عكس الياباني فى كل ما يشتري علشانه الياباني ( النعومية وصوت الماتور والهدوء )

بس هى عربية اعتمادية و نضيفة ومتكلفة وقوية وخشنة وشكلها حلو وكمالياتها بالهبل وثابتة جدا على الأرض وارخص فى السعر عن اليابانى المنافس ليها حوالي ٢٥٠٠٠ جنيه لأنى مبعتبرش الصنى المصرى دى يابانى الصراحة من غير زعل ..

بس والله مش عايز اقلك .. غير انى محستش اني ندمت ابدا في اختياري ليها لأى لحظة لغاية دلوقتى فلو مستعد تتعود على المدرسة دي فى العربيات ومعندكش معاها مشاكل فتوكل على الله ...

اتنين حاجة ساقعة هنا

[asas2]

شكرا ليك يا أستاذ أسامة على ذوق حضرتك وشكرا للأستاذ أيمن على إضافته وكمان الأستاذ asas2 انت اللى فاهمنى كويس يعنى نقدر نقول ان الجين تو شبة الألمانى كدة فى صوت الماتور العالى ومتانة صاجه مش كدة ؟

بص انا بصراحة مش عايز افتى فى حكاية الألمانى دى علشان انا مركبتش المانى قوى قبل كدة :)))))) يعنى اسكودا وفيات شغال .. انما المانى معرفش قوى .. انما لو بنتكلم فى صوت ماتور عالى بس قوى وصاج تقيل وعفشة ناشفة بس ثبات على شكل حلو يببقى دى عربية بروتون

[eslamkasem]

انا كان معيا يباني قديم شوية موديل 94 كورولا تيرسيل كانت عربية تحفه وكنت محولها فتيس اوتوماتيك وبردوا اخواتي الاتنين معاهم كورلا 2006 و2002 وانا معيا برتون واجا 2009 اوتماتيك

اليباني متعه طبعا تقدر تتمكتع بباور رائع جدا ومفيش اي صوت وانت بتلف الباور للأخر بعكس الواجا في صوت طقه في اهر لفة الدرسيكون وفي التوكيل بيقولو دا شئ طبيعي ومفيش مشكله

النعومه في اليباني طبعا بلدنا مليانه نقر ومطبات وبلاوي سوده بجد مفيش احساس بالمطبات والحاجات دي

الصاج في اليباني اصعف من الواجا لكن الدهان اقوي من الواجا شوية

الفرامل لصالح الواجا طبعا

التسارع لصالح الواجا طبعا

صوت الماتور بتاع الواجا عالي بس مش مزعج خالص صوت قوي ويرهب الي قدامك

اليباني غالبا واطي فأي مطب وانت محمل 3 اوزان طبيعي هتحك من تحت لكن الواجا مستحيل لو حتي مركب 4 افرا اوزان تقيله

الثبات الكورولا اعلي من الواجا دا بسبب العلو المبالغ فيه للعربيه بس بما ان العربيه مختلفه عن الجين تو شويه لان استخدمتها عائليه فدي نقطه عاديه

خامات الكورولا طبعا من جوا انضف بكتير جدا من الواجا طبعا دا لفرق السعر بين الاتنين

عوامال الامان الواجا abs واير باجز وقطبان حديد علي الابواب الكورولا مفيش غير قطبان حديد وتقريبا فئة وحيده في موديل 2006 الي فيها فرامل ebs

الخلاصه ان اليباني نعومه في كل حاجه وفرق خامات في التابلوه غير كدا الواجا عموما تكسب

[walidhosnykhater]

شكرا لموضوعيتك يا أستاذ إسلام بس بجد قالقنى موضوع الخامات بتاعة التابلوه وبجد خايف اندم على الخطوة واقول ماكنت زودت 20000 او 30000 وريحت دماغى ولا اقعد افتش فى العربية لما اجى استلمها ولا حاجة كأنى بشترى مستعمل مش عارف متردد انا شوفت قبل كدة جين تو من جوة كان زراير الكاسيت كتابتها ممسوحة وازاى تكون كتابة المفروض يكون حفر عالزراير مش عارف متردد

[eng.m7md.ali]

لو في ايدك تزود ال 30 الف وتجيب عربية احسن من كدة يبقى اتكل على الله واهم حاجة انك ترتاح للعربية علشان مترجعش تندم

[eslamkasem]

شكرا لموضوعيتك يا أستاذ إسلام بس بجد قالقنى موضوع الخامات بتاعة التابلوه وبجد خايف اندم على الخطوة واقول ماكنت زودت 20000 او 30000 وريحت دماغى ولا اقعد افتش فى العربية لما اجى استلمها ولا حاجة كأنى بشترى مستعمل مش عارف متردد انا شوفت قبل كدة جين تو من جوة كان زراير الكاسيت كتابتها ممسوحة وازاى تكون كتابة المفروض يكون حفر عالزراير مش عارف متردد

يا باشا هيا مش خامات بشعه يعني لا متوسطه يعني مثلا هيا من وجهة نظري بحسها انضف من بتاعة السيراتو واحد صحبي معاه سيراتو استغربت من خامات التبلوه بتعها واكر الباب حستها ضعيفه اوي عن الواجا

انا لو منك اوفر ال20الف الزياده واجيب جين تو او واجا او برسونا وصدقني هتتمتع بيها بردو لانها عربيات تحترم بمعني الكلمه ياراجل دا كفايه انها نجحت من غير اي دعاية تسندها