سياره مسروقه ج2

[abobido]

بسم الله الرحمن الرحيم
يا جماعه انا هاحكيلكوا اتسرقت ازاى:
انا ركنت عربيتى جنب كشك على رصيف بشارع فيصل الرئيسى ونزلت من العربيه علشان اشترى حاجه وكنت سايب المفتاح لأنى كنت جنب الكشك بالضبط والموضوع هياخد اقل من دقيقه وفجأه جيت ارجع للعربيه مالقتهاش بصيت على الطريق لقيتها بتجرى من بعيد. حد يقدر يتخيل المنظر.أنا فضلت واقف مش مصدق. هوا احنا عايشين فين
الغريب ان الموضوع ده اتكرر اكير من مره بنفس الطريقه حول نفس المكان تقريبا وده اللى انا عرفته من الناس اصحاب المحلات. الأغرب ان مباحث قسم الهرم ومباحث مكافحة سرقة السيارات فى المديريه عارفين الكلام ده كله لكن بيعمل اى حاجه.
ياريت تساعدونى وتخلى بالكم من مواصفات العربيه
العربيه لسه عليها سنتين اقساط والتأمين رفض التعويض علشان المحضر مكتوب فيه ان المفتاح كان فى العربيه لما اتسرقت

ماركة :- بروتون جين 2 – اتوماتيك – موديل 2009

اللون :- أسود

رقم السيارة :- س ل – 5284

يوجد على الكابوت الأمامى أثار معجون دوكو أبيض كما يوجد على الشنطة الخلفية استيكر أبيض مكتوب عليه (Al Tarek)

من يجد السيارة أو يتوصل اليها يرجى الإتصال ب : 0196527722 /0165517598

[Osama.shihata]

ربنا يعوض عليك ويصبرك فى مصيبتك
وان شاء الله تلقيها بفضل من الله ورحمة
يارب

[Nistelrooy]

السلام عليكم ..

معلش وان شاء الله تلاقيها .. وانا سجلت نمرتك ع اساس اني ساكن في الهرم ولو شوفتها في اي حتة هاكلمك ان شاء الله ..

وان شاء الله هتلاقيها ..

هي اتسرقت منك فين في فيصل بالظبط

[Mohamed.Kader]

السلام عليكم
قدر الله ما شاء فعل وربنا يعينك وتلاقيها هنحاول ندور معاك أنا كمان من الهرم وإن شاء الله نلاقيها
بس بردوا متسبش مكان فيه قطع غيار لينا غير لما تكلم أصحابوا وتوصيهم على الموضوع خاصة رقم الشاسية والموتور والون الأسود مبينزلش في محلات الإستيراد غير عربيات التأمين الخردة والمسروقة

[asas2]

يا رب يرجعها ليك ويصبرك على ابتلاءوه

[memo_p910]

ان شاء الله هاترجعلك بس خليك صبور

[khpopo]

سبحانك اللهم وبحمدك ، أشهد أن لا إله إلا أنت أستغفرك وأتوب إليك
ربنا يجيرك فى مصيبتك
ربنا يرحمنا ويسترها

[Abo.Mayyam]

لاحول ولا قوة إلا بالله

قل: اللهم أجرنى فى مصيبتى وإخلفنى خير منها

وإن شاء الله ترجعلك بالسلامة يارب

[mohraga2y]

لا حول لله يا رب يعنى اتسرقت وانت كمان بتدفع اقساطها ليه بس البلد وصلت لكده ربنا يصبرك انا من بنى سويف وان شاء الله هدورلك عليها .

[dolly13]

ربنا يصبرك وباذن الله ترجعلك قريب

[alarabiya11]

ان شاء الله تليقيها هو ممكن الجزمه الحرامى لسه بيلف بيها ممكن تدور فى هضبة الاهرام او 6 اكتوبر ان شاء الله تليقيها مركونه هناك لانه ميقدرش يقطعها لانه نوع سهل التعرف عليه متقلقش بس اسال الناس الا قلت للك ان الموضوع ده حصل اقبل كده هل وجده العربيه وفين

ومعلش شوية رش او وعد بمكافاءة فى على الامناء والمخبرين فى الاقسام المحيطه بيك

[jisso82]

ربنا يعوض عليك فى مصيبتك و يخلفك خير منها إن شاء الله و لو إن مش وقت الكلام ده و مع إيماننا الكامل بالقدر و النصيب و إرادة الله سبحانه و تعالى إلا إنى مافيش مرة الحمد لله بنزل من عربيتى إلا و أنا شايل المفتاح و قافلها مهما كانت المسافة بينى و بينها و الله حتى لو كنت ساند عليها. طبعا ربنا هو الحافظ بس إحنا بناخد بالأسباب مش أكتر و آسف إنى بنوه عن كلام مش وقته بالنسبة لك خالص و لكن مع تمنياتى و دعواتى ليك إن ربنا ينعم عليك برجوعها بإذنه تعالى كان لازم نستغل الظرف لتحذير باقى الناس و حضرتك فى المستقبل إن شاء الله من نفس التصرف و اعذرنى و سامحنى أخى الكريم إذا كان كلامى ضايقك بس أنا ما أقصدش و الله.

[M.Nasr]

لا حول ولا قوة الا بالله بدعى لك يارب تلاقيها وترجع لك ان شاء الله هو قادر على كل شىء وربنا يصبرك

[shady_hamdy]

ربنا يصبرك

[ahmed_h_g]

أنا يوميا" فالحرفيين هدورلك عليها
ان شاء الله هتلاقيها
ياريت تنزل سوق الجمعه دور عليها يمكن تدخل فى حوار بيع بورق مضروب