التوكيل و صيانة ال 60 الف

[eng_Amr]

كنت بعمل صيانة ال60 امبارح فى التوكيل عربيتى موديل 2009 بس مشاويرى كتير
دخلت التوكيل الساعة 10 الا تلت وتقريبا الساعة 10 و10 كدة واحد جالى
هتعمل ايه -- صيانة ال 60 و كمان فى شوية حاجات صغيرة .

امر الشغل اتكتب فيه
1- صيانة ال60 الف بدون بوجيهات (قولت احط بوجيهات 60 الف)
2-مراجعة عمل حزام السائق (الحزام لما بلبسه فترة طويلة ساعتيين مثلا مابيرجعش مكانه بسيبه فترة مش مهمة اوى)
3- مراجعة دخول هوا من الباب اليميين (مع انى جربت كل الحلول)
4- صوت عالى مع الغيار ( من غير الغيار صوت الموتور عادى لكن مع اى غيار صوته بيعلى كتير قالو زيت الفتيس)


كلام جمييل العربية هتبات ولا هستلمها -- لا ان شاء الله هتستلمهاعلى 4 او 5 كدة وكام كلمة هزار بعديها

شغلى فى القرية الذكية قريب من التوكيل رحت على هناك ورجعت التوكيل على الساعة 4 ونص رحت للمهندس ايه الاخبار لسة قولت ماشى
10 دقايق العربية خرجت وكانت بتتغسل عملنا ايه ياباشا قاللى بالنسبة للهوا الباب اليميين فى عيب سمكرة

تقريبا فى اول السنة اللى فاتا العربية اتحكت حكة رخمة كانت شكلها مدايقنى
قلت انا كدة كدة مامن اعملها عملتها فى التوكييل الحكة دى نص مصر بتمشى بالعربية بيها وكل اصحابى قالولى حرام تعملها مش باينة اصلا. مسمعتش الكلام انا بحب العربية نضيفة.
يقولولى عييب سمكرة دمى اتحرق اوى بس قولت مش مهم انا برده عايز احلها --- يبقى تجيلى فى يوم كدة ونظبطها احنا مابنديش ضمان على السمكرة والدهان. -- نا مش عايز ضمان انا عملتها فى التوكيل عشان تطلع نضيفة. وهى ماكنتش باينة فعلا حتى لما تدقق فيها وتمشى بايدك عليها. -- خلاص هبقى اعدى يوم تانى عليكم

رحت دفعت الفلوووووووووووووووووووس و لسة بشغل العربية لقيت صوت تكتكة عالية --- باشا تعالى اسمع الصوت دة-- يافلان تعالى ظبط الصوت دة.

العربية دخلت تانى وانا واقف متدايق. 10 دقايق طلعت من غييييييييييييير الصوت ماشى مش هعلق !!!!

استلمت العربية وانا ماشى بيها لقييييت الصوت اللى مع الغيار لسة موجود زى ماهو مع انه كاتب جامبه Ok ودة معناه انة اتحل

فعلا حرام الساعة بقت 5 وانا ورايا شغل وكمان متفق مع ناس اقابلهم عشان نروح فورميلا الاهرام

ان شاء الله هارووح تانى يووم الاحد وربنا يسهل

لو حد حصل معاه موضووع الصوت اللى مع الغيار وانت ماشى يقوللى حاللو ايييه او يعرف المشكلة منيين عشان اقولهم بتتحل ازاى يمكن مش عارفييييين !!!!!

[eng_Amr]

كنت عايز اضييف ان نفس المشكلة قولتلهم عليها فى صيانة ال55 ومتحلتش

[sayed911]

طيب ومشكلة الحزام هل تم حلها ؟

[eng_Amr]

طيب ومشكلة الحزام هل تم حلها ؟

لا طبعا كتب جمبها الحزام يعمل بشكل طبيعى على اساس انى كنت بستهبل. بس دى امرها سهل عشان الحزام شغال كويس على الطريق وده اهم حاجة.

[sayed911]

طيب مدام حضرتك عمل السمكرة في التوكيل هات ورقة الشغل وانك عملتها في التوكيل وقدمهالهم وقولهم انا مش طالب ضمان انا الشغل مكنش عاجبني ومبنش غير دلوقتي ده مش تابع للضمان الشغل اصلا متعملش صح ... يعني انا من وجهة نظري خدمهم باللين وكلو بيتعمل والله في الآخر ... طيب حضرتك عملت السمكرة امتى وليه مظهرش العيب ده من ساعتها ...

[eng_Amr]

طيب مدام حضرتك عمل السمكرة في التوكيل هات ورقة الشغل وانك عملتها في التوكيل وقدمهالهم وقولهم انا مش طالب ضمان انا الشغل مكنش عاجبني ومبنش غير دلوقتي ده مش تابع للضمان الشغل اصلا متعملش صح ... يعني انا من وجهة نظري خدمهم باللين وكلو بيتعمل والله في الآخر ... طيب حضرتك عملت السمكرة امتى وليه مظهرش العيب ده من ساعتها ...

العيب بتاع صوت الهوا من فترة طويلة لكن قاللى ان دة سمكرة امبارح بس يعنى قبل كدة كان بيقولى ان دة جلد لازم يتلزق وادفع 50 جنيه اقول لا خليها. لحد ما فى مرة قريب ظبطت كل الجلد ولسة فى هوا قلتلهم يعملوه هم وامرى لله دفعت ال50 ولسة بردة فى هوا قلتلهم على موضووع الجلداللى على الازاز قاللى لا هنظبطهالك ونقولك . بعدها ظهر موضوع السمكرة كانهم بيلبسوها لاى حاجة بس انا معاهم لحد لما اشووف هنوصل لاييه

وطبعا معايا امر الشغل وكل حاجة بتاعة السمكرة وهما فاكرنى كويس وخصوصا الحسابات مع ان التاميين اللى دفع. و الحكاية بقالها سنة تقريبا قديمة اوى عشان كدة نفسى اعرف ازاى ماعرفوووش الا النهاردة انها سمكرة. ممكن لما كانو بيلزقو الجلد ماتاكدوش ان الصوت بتاع الهوا اتشال.

وانا لما بمشى برووح فى الصيانة اللى بعدها. مابنزلش مخصوص. طالما حاجة مش هاتأثر فى العربية. مابجريش وراها لكن المرة دى صوت وانا على غيار الموضوع يقلق.

صوت الهوا انا كنت بعديه عشان كنت فاكره من الجلد اللى على الباب ولقييت اكتر من واحد اشتكى منه و مش حاجة تقلق لكن لما قاللى عيب سمكرة اتشليييييييييت لان كل الناس اتهمتنى بالغباء انى اسمكر وادهن حاجة مش مستاهلة وانا لما قال كدة حسيت انهم على حق.

[toreador]

البلية والشداد اتغيرو فى الصيانة؟

[eng_Amr]

البلية والشداد اتغيرو فى الصيانة؟

ايوة بيغيروهم

مافيش حد خااااااااااااالص يعرف الصوت العالى اللى مع الغيار دة اييه او لو حد حصلت معاه حلها ازاى ؟؟؟؟؟؟؟؟

[jisso82]

عمرو باشا ازيك يا معلم واحشنى من أيام معرض الأهرام ما تقلقش من اللى حصل فى الصيانة و زى ما قلتلك غير العتبة و طبعا انت فاهم كلامى.

[eng_Amr]

عمرو باشا ازيك يا معلم واحشنى من أيام معرض الأهرام ما تقلقش من اللى حصل فى الصيانة و زى ما قلتلك غير العتبة و طبعا انت فاهم كلامى.

ازيك ياباشا اخبارك ايه انا بس روحت لواحد خوفنى شوية من موضوع الصوت دة هروحلهم تانى و امرى لله و هغير العتبةاوح هنام ان شاء الله

[toreador]

انا عندى صوت الهوا اللى بيدخل العربية دة من يوم ما شتريتها وحاولت كتير بصراحة فى التوكيلل وغيرة محدش حل المشكلة... وعلى الرغم من انى عملت حادثة وغيرت باب كامل و سمكرة فى كل الابواب واتغير الجلد معاهم بس بردو صوت الهوا بيدخل للعربية وواضح خالص انة من الابواب

[jollyboy]

انشاء الله كل حاجه تتضبط . بس ياترى كلفتك كام صيانة ال60000 وايه الى اتغير بالظبط

[eng_Amr]

انا عندى صوت الهوا اللى بيدخل العربية دة من يوم ما شتريتها وحاولت كتير بصراحة فى التوكيلل وغيرة محدش حل المشكلة... وعلى الرغم من انى عملت حادثة وغيرت باب كامل و سمكرة فى كل الابواب واتغير الجلد معاهم بس بردو صوت الهوا بيدخل للعربية وواضح خالص انة من الابواب

أنا عايز اقولك انهم بيقولو عيب سمكرة فى الباب اللى قدام والصوت بييجى من الباب اللى ورا
هما اصلا مجربوووش حاجة بس قالولى عيب سمكرة والسلام

بس فى واحد صاحبى معاه جين2 مافيش صوت هوا بيدخل عشان كدة اكيد ليها حل وفى ناس كتيير قالو العيب بيبقى من الجلد اللى على الازاز مش جلد الباب بس فى التوكيل قالو هنظبطها ومعمالوش حاجة

ان شاء الله كل حاجه تتضبط . بس ياترى كلفتك كام صيانة ال60000 وايه الى اتغير بالظبط

هم قالو فى الاول 2300
انا عملتها من غير بوجيهات يعنى الزيت وفلتر الزيت وفلتر البنزين والسيوور
مافيش حاجة اتعملت فى التكييف كان زمان بيعملو التكييف شحن وتنضيف الفلاتر

لما رحت فى الاخر دفعت 1800

[jisso82]

عمرو باشا سألتلك على الفوجات فى المنصورة زى ما قلتلك لكن برده للأسف ما طلعتش عنده عموما لسه قدامنا الأسبوع الجاى كمان إن شاء الله هسألك تانى

[jollyboy]

تسلم يا باشا وعقبال صيانة ال 1000000