هام جدا جدا

[eslam_wega]

السلام عليكم
يا جماعة انا جبت منتج اسمة رامول وهو منظف وملمع للاثاث والباركيه
قولت اجرب المع بية التبلوة والنتيجة كانت وهم بجد بسم الله ماشاء الله التبلوة رجع كانى مستلم العربية امبارح
والمفاجاة انى كان عندى بقع سوداء على الكاسيت من الاستخدام لان العربية بقالها اكتر من سنة البقع ماشاء الله اختفت ولا كانها كانت موجودة
والتبلوة بيلمع ومازل محتفط بنفس اللمعة
المهم طبعا خصلت العبوة قولت اجيب واحدة تانى عشان لو حبيت استحدمة بعد كدا
نزلت جابت واحدة تانية تمنها 8 جنية المهم ببص على فرش الكنبة الى وراء لقيت تراب كتير واللمعة بتاعت الجلد الى كانت فى الفرش مش موجودة
قولت فيها اية لو جربت وجربت فعلا وكانت النتيجة ممتازة الجلد رجعتلة لمعتة تانى زى الاول طبعا خلصت العبوة نزلت جابت واحدة تالتة قولت تنفعى بعد كدا
نزلت فى نفس اليوم عملت كل حاجة بلاستك فى العربية الابواب الاربعة والشنطة وغطاء السماعات الى وراء وفتحت الكابوت عملت الحاجات البلاستك كلها
ماشاء الله العربية رجعت كانها جديدة وطبعا العبوة خلصث راحت جابت واحدة رابعة ودى مكنتش بفكر استدخدمها لانى تقربيا عملت كل حاجة فى العربية الحمدلله
بس وانا قاعد فى البيت خطر فى دماغى الجلد بتاع الابواب قولته دة من يوم ما استلمت العربية مفكرتش اعملة بى اى حاجة
ونزلت فعلا وعملت الجلد بتاع الابواب الى فى العربية
والى فى الباب
ونزلت الشبابيك وعملت الجلد بتاع الاربع شبابيك
طبعا ارج العبوة قبل كل رشة وارش وامسح بفوطة نظيفة خلصت العبوة الرابعة وقولت كدا تمام مش هشترى تانى لانى كدا خلاص مش محتاجة تانى حاليا
المفاجاة بقا
اولا حاجة لحظتها صوت قفل الابواب بقا اقل بكتر عن الاول حتى لو رزعت الباب الجلد بيمص الصدمة تقريبا المنتج دة خالى الجلد مرن زى الاول
الباب بيتقفل بقا صوتة اقل قولت تمام جدا
نزلت بقا اروح الشغل ونازل من طريق العبور الطبيعى بتاعى بعد المنزل بكسر 160 وطبعا المنزل بيسعدنى على كدا عشان منزل جامد
لحظت حاجة غريبة مكنتش متوقعة صوت الهواء قل خالص وفرق كبير مش سامع بس غير صوت الكامبرو الجبار
لاكن مفيش صوت هواء مع العلم انى كان عندى صوت هواء بسيط من الابواب الخلفية بعد 140
بجد بقيت مبسوط جدا وقولت لازم اقولكم بصراحة احترمت المنتج دة جدا
المشكلة الوحيدة الى عندى دلوقتى السقف مش عارف انظفة ازى
فيريت لو حد يعرف منتج بردوا كويس يقولى خصوصا ان السقف قمش
يارب يكون الموضوع عجبكم

[eng.m7md.ali]

الله ينور يا عم اسلام
ربنا يباركلك فيها ان شاء الله هو البتاع دي صناعة ايه؟

[Tarek Gen 2]

انا عملت كل ده بحاجة اسمها ارموراول (Armorall) مشهورة اوى ب20 جنيه العبوة و امريكية
بس كبيرة شوية مش صغيرة
يعنى انا عملت ب عبوة و نص كل العربية الجلد و الفرس و التابلوه و الكاوتش و كله

[ayman_83]

الف شكر ومجهود جامد بس مكنتش خايف الا يلم تراب بسرعه
وبيتجاب من عند بتوع العربيات ولا منين

[Tarek Gen 2]

لا متخفش مبيلمش و لو لم فوطة او منديل تنجز لانه بيبقى ناعم اوى و سهل التنضيف
و بيتجاب من محلات الاكسسورات او البنزينات

[elmadawy]

ممكن صور للمنتج وشكرا

[kar!m]

وأنا بقرا الموضوع كنت متوقع انك تقول "وصحيت تانى يوم الصبح جبت عبوة سابعة شربتها على الريق و رحت الشغل حسيت انى مركز و ان أدائى أحسن"

بهزر معاك طبعا .. شكرا يا باشا على الموضوع و فعلا منتجات ارمور ال كلها محترمة.

[مصطفى_صديق]

انا جربت منظف التابلوه ده.....فعلا ممتاز اوى....

هاجربه بقى على الابواب زى مانت قولت

شكرا يا اسلام على التجربة....والف مبروك

[jisso82]

1000 شكر يا إسلام على نقل التجربة

[amr1973]

بالنسبة لموضوع السقف فبص اخى الكريم فى مقابلة رمضان اللى كانت فى العبور كان معانا استاذ احمد صاحب محل جينز كار و قال بالحرف الواحد انه عامل اوفر لبروتون انك ممكن تروح تنظف السقف كامل باحدث الاجهزة مجانا مدى الحياة حبا منه فى بروتون و انا عارف ان العرض سارى

[khpopo]

مشكوووووور والله يعطيك الف عافيه

[ayman_83]

طب محدش يعرف ياجماعه ايه اللي ممكن يحافظ علي كاوتش الباب عشان انا حاسس انه ناشف وبيهبد الباب في واحد قالي بودره التلج بس مش عارف ده صح ولا لا وايه احسن

[pataricoo]

طيب انت مش خايف ليكون بيشقق التابلوه لا سمح الله
وبقالك قد ايه حاطة

ارجو الافادة

[Tarek Gen 2]

طب محدش يعرف ياجماعه ايه اللي ممكن يحافظ علي كاوتش الباب عشان انا حاسس انه ناشف وبيهبد الباب في واحد قالي بودره التلج بس مش عارف ده صح ولا لا وايه احسن

طبعا صح موضوع البودرة
بس ممكن تجيب اسبراى اللى انا كاتبه او اللى اسلام كتبه ينفع اللى انا كاتبه ده انا مجربه كتير و عارف انو كويس اوى

طيب انت مش خايف ليكون بيشقق التابلوه لا سمح الله
وبقالك قد ايه حاطة

ارجو الافادة

بص يا باشا اللى بيشقق التابلوه هو اى ملمع فيه معطر عشان المعطر بيتفاعل مع الشمس و بيبوظ بعد كدة
انما الملمع بس ده مبيأثرش خالص غير بالايجاب بس سواء النعومة او اللمعة
طول ماهو مفيهوش معطر
اللى انا بقول عليه امريكى و مشهور اوى اشهر حاجة تقريبا اللى اسلام بيقول عليه انا عارفه بس مستخدمتوش قبل كدة بس طالما استخدمه هو يبقى تمام

[Deshahcoka]

ممكن صورة للعلبة عشان نهرشها لما اروح البنزينة :) و يا مسهل :) انا كنت بستخدم السفنجة الي في كيس اصفر ديه ام 5 جنيه و بتعمل احلى شغل بس كل اسبوع عاوزلك واحة عشان التراب فكبرت دماغي :)