هل من حل لهبد الباب

[ayman_83]

ياجماعه انا خلاص شويه وهكتب ورقه واعلقها جوه العربيه علي كل باب
( برجاء غلق الباب برفق )
بجد اتخنقت قلبي بيتهبد مع هبدت الباب بتاع جيجي مش عارف بجد بحس الناس كلها بتهبد اكنها ركبه ميكروباص مفيش اي حاجه تطري كاوتش الباب او اي حاجه تمنع الهبد عشان شكل الباب تخين ويوحي انه لازم يترزع لو حد عنده الحل ينجدني الا مش هركب حد تاني عشان انا بقيت شبه الحضري اللي جنبي ينزل ويرزع الباب اروح انا طاير ومخفف الهبده بس مش عارف اقلب علي الابوب الخلفيه واديني بتدرب عليه

[eslam_wega]

http://www.nilemotors.net/Nile/197573-a.html

[a_samy]

نفس المشكله الأزليه معايا
والأكتر من كده بقى اللى بيفتح الباب عشان ينزل قبل ما أفتح السنتر،كل واحد عاوز يفتح الباب ويجرى كأنى خطفته....حاجه تجنن بجد.المفروض بقى كل واحد يركب معاك العربيه تديله محاضره وتفهمه أنه مايفتحش الباب إلا لما تفتحله السنتر الأول ولما حضرته ينزل يقفل الباب برفق وحنيه.

[mido_soliman]

يا جماعة انتوا جيتوا على الجرح بجد
الموضوع دة عاملى مشكلة نفسية انا خلاص شوية وحنزل افتح الباب لللى بيركبوا معايا وانزلهم كمان
انا بتخانق يوميا تقريبا سواء مع مراتى او حد من اصحابى او والدتى لما يجو ينزلوا قبل ما افتح السنتر مش مصدقين ان الاكرة حتتخلع مرة فى ايديهم
للاسف الموضوع دة ملوش حل غير انك متركبش حد معاك وانا تقريبا حاجر توكتوك للعيلة تحت البيت يوديهم ويجيبهم مطرح ما هما عايزين

[eslamkasem]

دي حقيقه يا جدعان ولدي مشاء الله عليه قفلة بابا بحس انو هيخده جوا العربية علي حجره ومراتي تفتح الباب وتخش وترزع يا بنتي استغلي صحتك في ترويق الشقه مش ترويق العربيه والاهم من كل دا حمااااتي مشاء الله عليها صحة وبردو ترزع الباب بحس ان الباب هيعيط مني ويقولي ارحمني وكمان لازم تفتح السنتر قبل مافتحه ودي اكتر حركة بتقفلني لحد السنه الجايه بس هنمعمل ايه

[mido51eg]

برضه والدي ربنا يديله الصحة بيرزع الباب جامد كده. مؤخرا بقى لما ينزل من جنبي الحق اميل ناحية اليمين واستلم منه الباب في اخر مشوار القفل علشان الحقه قبل مايتهبد. اول امبارح نزل ولحقت الباب قبل مايهبده وقفلته لقيته فتح الباب الوراني ياخد شنطة من على الكنبة وراح هابد الباب هبدة يعوض بيها هبدة الباب القدماني اللي مالحقش يهبده. اعمل ايه يعني فداه العربية طبعا.

[Tayer]

يا جماعة انتوا جيتوا على الجرح بجد
الموضوع دة عاملى مشكلة نفسية انا خلاص شوية وحنزل افتح الباب لللى بيركبوا معايا وانزلهم كمان
انا بتخانق يوميا تقريبا سواء مع مراتى او حد من اصحابى او والدتى لما يجو ينزلوا قبل ما افتح السنتر مش مصدقين ان الاكرة حتتخلع مرة فى ايديهم
للاسف الموضوع دة ملوش حل غير انك متركبش حد معاك وانا تقريبا حاجر توكتوك للعيلة تحت البيت يوديهم ويجيبهم مطرح ما هما عايزين

أنت بتحكى قصه حياتى

[ayman_83]

ههههههههههههههه الظاهر ان مش انا بس الي بقيت الحضري الجون ده كده كلكم نفس الحكايه عايزين بقئ حل جماعي انا بقول نجيب استيكر اغلق الباب برفق ولا بلاش تركب

[Nistelrooy]

ياه الموضوع ده عملي مشكلة وبوظلي الاكرة قبل كدا وعلمتها في التوكيل ..


1- الناس لما تنزل بتهبد الباب وياما اتخانقت والحمدلله دلوقتي الي بيركبوا معايا فهموا الوضع

2- ودي الي بتنرفزني لما اجي اغير من الـ d الي الـ n علشان اقف وافتح السنتر الاقيهم بيفتحوا الباب وانا بفتح السنتر بالتالي الباب مش هيفتح <<< اخر ما زهقت الي بيعمل كدا بقولة والله مانا فتحة افتحة من عندك بقي :)

جه واحد صاحبي بقي يدوس علي فتح اللوك لوحدة :)

[waleedfesal]

دي حقيقه يا جدعان ولدي مشاء الله عليه قفلة بابا بحس انو هيخده جوا العربية علي حجره ومراتي تفتح الباب وتخش وترزع يا بنتي استغلي صحتك في ترويق الشقه مش ترويق العربيه والاهم من كل دا حمااااتي مشاء الله عليها صحة وبردو ترزع الباب بحس ان الباب هيعيط مني ويقولي ارحمني وكمان لازم تفتح السنتر قبل مافتحه ودي اكتر حركة بتقفلني لحد السنه الجايه بس هنمعمل ايه

زى ما يكونوا متفقين مع بعض علينا

[khaled_Saga]

مشكلة فى كل العربيات وملهاش حل أعتقد اللى يقدر مدى الضيق اللى بنحس بيه لما الباب يترزع اللى عندهم عربيات بس يعنى باختصار متركبش حد معاك ميكونش عنده عربية

[م.محمد مختار]

واضح إن جيجي بتغري الناس لرزع الأبواب...
الناس الكبيرة معذورة لأنهم من جيل الفيات و اللادا والأبواب اللي بتنضرب بالشبشب...
بس الشباب بقى دول اللي ينرفزوا...

الحمد لله .. زوجتي بطلت الموضوع ده... بس فعلاً معظم اللي بيركبوا معايا بيرزعوا الباب...
علشان كده مبركبش حد :)

[ayman_83]

يبقئ كده احنا متفقين علي ان احنا منركبش حد
او نقول للنازل ثواني وتنزل انت تفتحله الباب من بره وتقفله بعد اما ينزل او يركب اكنك سواق هو هيحس اكنه حاجه مهمه واحنا هنحافظ علي جيجي
انا عن نفسي قبل ما اللي جنبي ينزل بربع ساعه بفضل اشرحله اخطاء البهايم اللي بيرزعو الباب.فاما يقفله بشويش ياما بعد اما يهبده اقوله البهايم زادو واحد ومستنين حلول اخري

[mosho1985]

نفس المشكله عندى خطيبتى معقدانى بتحسسنى انها بتقفل باب شقتهم يبنتى يهديكى يرضيكى ولا الهوا لما خلاص فقدت الامل