صوت هيجنني

[prohossam]

انا شاكر جدا لكل الناس اللي ردت وحاولت تساعد
استاذ محمد عبد المجيد : للاسف انا بصراحة بقلق اودي عربيتي لأي عفشجي مش بحب حد يلعب
Nistelroy : اه هو دا نفس الصوت بالضبط وهتجنن واعرف ايه الصوت دا
das1328 : لا انا الصوت عندي بيظهر في العجلة اليمين الورانية وصوت مزعج وبشع

mangere90 : اولا انا شاكر جدا لحضرتك على افادتك بس المشكلة اني للاسف مش هقدر افك واربط بصراحة المفروض التوكيل يكون عنده حل ومش عارف معتقدش ان الموضوع نضافة الصوت فظيع واتمنى حضرتك متزعلش احنا بنتبادل اراء بس


ياريت يا جماعة الله يكرمكم حد يشوفلنا حل ..
لان بحس اني ساذج لما بروح التوكيل واقولهم على المشكلة دي .. يقولولي لا لا مش بيظهر فين الصوت دا ؟ وكاني مثلا بكدب عليهم او بحلم اني راكب جين تو

[RedBull_30]

انا كان عندي نفس الصوت اللي تقريبا انت بتحكي عليه بس انا مستبعد فكرة انه بيجي من الكنبة و كان الصوت بيبقى واضح اوي خصوصا لو مثلا في واحد قاعد ورا وبالصدفة انت اخدت مطب هوا او نزلت من على مطب بسرعه .. حصل معايا كذا مرة وشكيت في المساعد الخلفي يمين وقولت هياخد وقته وغيره.. وجه الوقت اللي غيرت فيه كاوتشات العربية وكانت العربية عندي محتاجة ضبط زوايا لانها كانت بتحدف يمين وبعد ما زبط الزوايا الصوت ده انتهى تماما .. لو بتشتكي من اي حدفة في زواية عربيتك حاول تراجعها ويا رب يكون ده السبب


بخصوص تليين جلب العفشة ليها اسبريهات مخصوصه غير سبراي wd-40 الخاص بالمعادن فقط

[shakshak2011]

يا جماعه هو عيب علبة الدركسيون بيظهر لما تمشى على طريق مش ممهد كويس .. و تسمع صوت شخاليل كده من ناحية الدركسيون لورا شمال .. تحسه من ورا الطابلوه الى ورا الدركسيون ؟؟؟
لو هو ده يا ريت تأكدولى عشان .. يبقى كده أنا محتاج أعمل التعديل ..

سؤال تانى التعديل ده بفلوس ولا ببلاش ؟؟

شكراً

[nedaloo]

انا عندي في الواجا نفس الصوت ده بس الفرق ان بيظهر من الطرف الخلفي اليسار وقت يكون الطريق ترابي او فيه حفر مع اني غيرت المساعدين الخلفيين وربطت العفشة ولسا المشكلة موجودة

[spiderloking]

يا جماعه هو عيب علبة الدركسيون بيظهر لما تمشى على طريق مش ممهد كويس .. و تسمع صوت شخاليل كده من ناحية الدركسيون لورا شمال .. تحسه من ورا الطابلوه الى ورا الدركسيون ؟؟؟
لو هو ده يا ريت تأكدولى عشان .. يبقى كده أنا محتاج أعمل التعديل ..

سؤال تانى التعديل ده بفلوس ولا ببلاش ؟؟

شكراً

لأ يا باشا التعديل منغير فلوس ببلاش و كلوا في الضمان علي فكره تمن العلبه لو انت مش في الضمان حوالي 4000 جنيه انا عملتها في الضمان و مدفعتش فلوس خالص

بالنسبه لصحاب الموضوع تأكد من ان مفيش اي حاجه في الشنطه بتخبط زي مفك الصليبه او الكوريك و الكلام ده
لو مش كدا يبقي الصوت من العفشه في المساعد

[mememsaid]

السلام عليكم
يارب يكون كل البروتوناوية بخير

ياجماعة انا عندي صوت هيجنني بجد والله او تقريبا اتجننت خلاص

الصوت دا بيظهر في الجنب الايمن الخلفي لما مثلا باجي على نقرة او جزء نازل في الارض لتحت
لو مثلا كنت ماشي بسرعة شوية الصوت دا بيظهر شديد
وهو عبارة عن خبطة كدة

سالت الغد كذا مرة ابلغوني ان السبب في الموضوع دا مسمار الكرسي الوراني لازم يتحط عليه شيكارتون وتم
ولكن بلا فائدة ، الصوت مازال موجود


ياريت الله يخليكم تفيدوني لانه مزعج جدا بالنسبة لي

شكرا

انا نفس الصوت ده هتقريبا لسه ظاهر عندي من يومين وفي نفس المكان وبنفس التوصيف

[mememsaid]

ممكن حضرتك تعدى على أى واحد بتاع عفشه وتخليه يبصلك على المساعد اللى ورا يمين من غير مايفك أى حاجة وممكن انت تجربها بنفسك إضغط على شنطة العربية ورا يمين جامد وسيب واضغط وسيب وشوف الصوت ده هيظهر ولا لاء ولو ظهر يبقى المساعد ياباشا ولو ماظهرش ممكن يكون فى سوسته فى العربية من تحت وده لازم يتشاف والعربية مرفوعه او على مجرى.

ياريت تطمنا عملت ايه

اخوك
محمد عبد المجيد

انا عملت الاختبار ده ماسمعتش الصوت
يارب تكون حاجه بسيطه

[mememsaid]

أنا عندي صوت زي ده تقريبا بس بيظهر من قدام بس ملوش معاد معين
قصدي يعني إن مش لازم آخد نقرة علشان يظهر الصوت ده ممكن وأنا ماشي عادي من غير أي حاجة يظهر بس صوت النقرة ده خفيييف قوي

اعتقد ان الصون ده صوت زلطه او اي حاجه من الارض بتخبط في الصاج

[mememsaid]

السلام عليكم ورحمة الله وبركاته

حققو عليا انا اسف اني افيد حد تاني , ياعني انا اسيت من نفس الموضوع فكرك حضارتكم
انني بعد ماروحت التوكيل 7 : 10 مرات بسبب الموضوع ده وروحت وغسلت كذا مره ومافيش
فايده وبعدين ازاي w40 هينشف الجلب وهو عليه زيت اصلا ,

علي العموم انا كنت كتبت التجربه ديه قبل مايقف الموقع اخر مره و المواضيع القديمه تروح
وكانت اعضاء زي حضراتكم كده كانو هبيعيو العربيه بسبب المشكله دي من غير مبالغه
ولما جربو راحت والحمدلله ,

علي العموم انا اسف جدا اننا شاركت في الموضوع اصلا

اولا الف الف شكر علي نقل التجربه
ثانيا اتمني مش منك انت بس من كل الاخوه انهم يكون صدرهم رحب اكتر من كدا والواحد ياخد راي اي حد باستيعاب اكتر من كدا
الفكره بصراحه ان انت ممكن تكون تجربتك مظبوطه ميه في الميه وممكن يكون اللي بيعلق عليها عنده حق ميه في الميه ودي بقي فايده الحوار اللي بينا ان كل واحد ينقل تجربته عشان نستفيد كلنا ولو اي حد عنده تعليق يقوله ولو فيه اختلاف في الراي يبقي راي تاني اللي ياكد مين الصح ومين الغلط
واشكرك مره اخري لتجربتك ومشاركتك فيها

[mememsaid]

يا جماعه هو عيب علبة الدركسيون بيظهر لما تمشى على طريق مش ممهد كويس .. و تسمع صوت شخاليل كده من ناحية الدركسيون لورا شمال .. تحسه من ورا الطابلوه الى ورا الدركسيون ؟؟؟
لو هو ده يا ريت تأكدولى عشان .. يبقى كده أنا محتاج أعمل التعديل ..

سؤال تانى التعديل ده بفلوس ولا ببلاش ؟؟

شكراً

عشان تتاكد من موضوع علبه الدركسيون ده تابع مستوي الزيت بتاع علبه الدركسيون
لو نزل عن الmax يبقي العيب موجود

[amir]

اعضاء المنتدي اعذروني

برجاء قراءه الموضوع ده ضروري و بسرعه

المصابين يتألمون و مساعدتكم الطبيه هتنقذ ارواح

(ساهمو في مساعدات طبيه, قافله طبيه اخري هتتحرك للشعب الليبي)http://www.nilemotors.net/Nile/202971-a.html

[prohossam]

انا كان عندي نفس الصوت اللي تقريبا انت بتحكي عليه بس انا مستبعد فكرة انه بيجي من الكنبة و كان الصوت بيبقى واضح اوي خصوصا لو مثلا في واحد قاعد ورا وبالصدفة انت اخدت مطب هوا او نزلت من على مطب بسرعه .. حصل معايا كذا مرة وشكيت في المساعد الخلفي يمين وقولت هياخد وقته وغيره.. وجه الوقت اللي غيرت فيه كاوتشات العربية وكانت العربية عندي محتاجة ضبط زوايا لانها كانت بتحدف يمين وبعد ما زبط الزوايا الصوت ده انتهى تماما .. لو بتشتكي من اي حدفة في زواية عربيتك حاول تراجعها ويا رب يكون ده السبب


بخصوص تليين جلب العفشة ليها اسبريهات مخصوصه غير سبراي wd-40 الخاص بالمعادن فقط

انا فعلا العربية بتحدف عندي يمين شوية ؟
بس ايه يربط الحدفة اليمين بالصوت دا مش عارف صراحة
ولو كدة تعرف حد ضبط زوايا في المنصورة كويس؟

[shakshak2011]

عشان تتاكد من موضوع علبه الدركسيون ده تابع مستوي الزيت بتاع علبه الدركسيون
لو نزل عن الmax يبقي العيب موجود

ألف شكر على إهتمامك يا غالى ..
أنا لسه باصص على مستوى الزيت .. و لقيته أقل من ال Max بتقريباً مللى الى 2 مللى على الأكثر..
أنا لسه كنت عامل صيانه ال 20000 من تقريباً شهر
سألت فى بنزينه .. لو الزيت أقل من Max فيه خطورة .. قالى طالما بين ال min و ال max ماتقلقش
تفتكر كده العيب موجود .. و هل المفترض يكون فوق علامة ال max

شكراً جزيلاً