يا جماعة عايز اغسل العربية!

[Raul_7]

السلام عليكم يا أجمد بروتناوية,

أنا عايز اغسل العربية لإن كده بقالها بتاع 3 اسابيع متغسلتش وشكلها بقى مش ظريف خالص.

الفكرة إن مفيش أي بنزينة جمبي قريبة فيها غسيل دلوقتي وما عنديش شامبو غسيل للعربية.

فيه أي بديل تاني ولا ايه النظام؟...لإن برده معرفتش أجيبه من أي بنزينة قريبة هنا ولا من هايبر (لإنه ولع) ولا من كارفور لإنه قافل.

مستني ردودكم,

تحياتي.

[ramyar]

السلام عليكم ورحمه الله وبركاته
استاذي العزيز حضرتك ممكن تستخد شامبو الاطفال ويفضل نوع جونسون الي مش بيسبب الدموع لان المواد الكيميائيه فيه قليله جدا

[Raul_7]

السلام عليكم ورحمه الله وبركاته
استاذي العزيز حضرتك ممكن تستخد شامبو الاطفال ويفضل نوع جونسون الي مش بيسبب الدموع لان المواد الكيميائيه فيه قليله جدا

باشمهندس رامي ألف شكر لردك, أنا هرُوح أجيبه من أي صيدلية.

ألف شكر.

[ramyar]

تحت امرك يا فندم وفي الخدمه دائما
بس ياريت تخلي بالك ان هتضيف مقدار فنجان من القهوه لكل 10 لتر ماء

[Raul_7]

تحت امرك يا فندم وفي الخدمه دائما
بس ياريت تخلي بالك ان هتضيف مقدار فنجان من القهوه لكل 10 لتر ماء

طيب بالنسبة لأني كنت ناوي اغسل العربية الأول بالخرطوم بعد كده اقوم حاطت الشامبو عالعربية يبقى ايه الوضع؟

أنا كنت بفكر اوزعه العربية بكميات معقولة..ايه رأيك؟

[sayed911]

3 اسابيع يا راجل وزعلان :d :d :d والله العظيم انا لسة غاسل العربية النهاردة بعد 4 شهور من ما نقطة مية مقربتش منها خالـــــــــــــــــــــــــــــــــــص :d ههههههههههه بص انا ها اقول لحضرتك على حاجة انا لسة غاسل العربية في وطنية الناس بصراحة اكتر من ممتاااااااااااازيييييييييين انا كنت واخد الشامبو بتاعي معايا وهوة حطه في جهاز صانع الرغوة والمسدس الضاغط درجته معقولة مش عالي جدا ولكن صدقني الغسيل اكتر من ممتاز من وجهة نظري افضل من الكثير من الكار كير الموجودين في المنطقة واحسن من موبيل 1 كمان ..

[Raul_7]

3 اسابيع يا راجل وزعلان :d :d :d والله العظيم انا لسة غاسل العربية النهاردة بعد 4 شهور من ما نقطة مية مقربتش منها خالـــــــــــــــــــــــــــــــــــص :d ههههههههههه بص انا ها اقول لحضرتك على حاجة انا لسة غاسل العربية في وطنية الناس بصراحة اكتر من ممتاااااااااااازيييييييييين انا كنت واخد الشامبو بتاعي معايا وهوة حطه في جهاز صانع الرغوة والمسدس الضاغط درجته معقولة مش عالي جدا ولكن صدقني الغسيل اكتر من ممتاز من وجهة نظري افضل من الكثير من الكار كير الموجودين في المنطقة واحسن من موبيل 1 كمان ..

طيب ألف مبروك واللهِ.

المشكلة إن مفيش ولا بنزينة قريبة دلوقتي فيها غسيل فـهغسل أنا بقى و خلاص.

[sayed911]

مش متخيل بقى العربية بقالها 4 شهور مشافتش شكل المية النهاردة والله نزلت اتصورت معاها :d العربيات لما بتتغسل بيبان معدنها والله :d :d والله انا شايف اهم حاجة يكون فيه مكنسة في عملية الغسيل قوية كفاية انها تسحب الأتربة زي اللي في البنزينة عشان كده انا بقولك عليك وعلى البنزينة .. ولكن برضوا لا يمنع من المتعة الشخصية في الإستمتاع بغسيلها بنفسك ..

[Raul_7]

غسلتها الحمد لله وطلعت عيني بس مش خسارة فيها أكيد. :)

المشكلة إني كنت محتاج مكنسة فعلا عشان اكنس التراب الكتير اللي في الأرض بس معرفتش.

[ramyar]

ياتري اخبار الشامبو ايه
ريحه جميله
لمعه
نعونه

[sayed911]

مهية المشكلة اني عندي المكنسة بتاعت العربية ولكن هي لا تغني من الجوع يعني هيا تلم ورق اجسام صلبة كبيرة ولكن محركها ليس بالقوة الكافية انه يسحب الرملة من الدواسات عشان كده بتطر تستعمل مكنسة بجهد مرتفع عشان تحس بالفرق :d الواحد بعد ما بيغسلها بيبقى هاين عليه يطلعها معاه البيت :d :d

[Raul_7]

ياتري اخبار الشامبو ايه
ريحه جميله
لمعه
نعونه

آه بصراحة فرق كبيييير يا بشمهندس, اللمعة باينة عليها قوي أكتر من غسيل موبيل بكتير.

الواحد بعد ما بيغسلها بيبقى هاين عليه يطلعها معاه البيت :d :d

هههههههههههههههههه

[samirsaid1]

مبروك على الدش بالشامبو

طيب والموتور غسلته ولا لأ لان عاوز أغسلة بس خايف من المية والكهرباء

وعندى برضة السقف من جوة مترب وعاوز انظفة

وياترى وطنية بتغسل بكام

برجاء الافادة

وشكرا

[Nistelrooy]

حمام الهنا للعربية :)

-------

انا برضوا رايح اديها شاور بكرا ... ان شاء الله