تفاصيل صيانه 40 لف لجين 2 بالتكاليف

[ayman_83]

ازيكم ياشباب يارب تكونو بخير جميعا
المهم امبارح انا روحت عشان صيانه الاربعين الف
وتم الاتي ..
روحت الساعه 11.5 صباحا
استلم مني الربيه المهندس احمد حلمي وهو راجل ذوق بصراحه
المهم دخلت العربيه واترفعت وتم تغير الاتي
فلتر زيت _فلتر بنزين _فلتر هواء _ زيت باكم _زيت باور احمر _ زيت الماتور _مياه الرديتير _بوجيهات
تكلفه الحاجات دي 805 جنيه مصنعيه الحاجه دي 440 جنيه اتاوه علي الحاجات دي 100 جنيه
يعني اجمالي 1350 جنيه طبعا كتير
بس في حاجه انا عندي الزرار بتاع قفل الزجاج الخلفي بايظ فسالت المهندس بكام قالي في حدود 600 جنيه قلتله لا هو مش مهم اوي
المهم دفعت الفلوس وخلاص ماشي لاقيت المهندس بينده علي فوقفت فقالي انه كلم المدير وقاله ممكن اغير السويتش كله تبع الضمان بس حاليا مفيش في المخزن بصراحه راجل محترم جدا والله
بس انا خايف بقئ الا السويتش ده ميجيش المخزن ابدا

وفعلا شكر خاص للمهندس احمد حلمي توكيل الاسكندريه

[Nistelrooy]

الف مبروك ع الصيانة وعقبال الـ 500 الف :)

[ayman_83]

الله يبارك فيك ياجميل وعقبالك علي خير ان شاء الله

[أبومعاذ]

ألف مبروك وعقبال ما تقلب العداد
أنا كمان رايح قريب اعمل ال 40 الف باذن الله

[ahmad alshaaer]

لو جيت تعدي العربيه 60000 كم اللي هو ضمانك خلي معاك جوب اذكر فيه انك ليك حق تغيير مفتاح الزجاج ولكن غير متوفر عندهم

لازم مستند ومبروك عليك صيانة ال 40000 كم

تحياتي

[ayman_83]

الحمد لله ياشباب اتصلت بيهم وفعلا روحت وغيرولي سويتش الزجاج مجانا بس اصبح عندي مشكله وحده الرفع اللي عندي مبقتش شغاله غير والكونتكت مفتوح غير كده الزجاج اللي جنبي بس هو اللي بيرفع لما اقفل العربيه من الريموت ومش عارف اعمل ايه ومينفعش اوديها التوكيل عشان هما رافضين موضوع وحده الرفع دي محدش عنده حل ياشباب


ملحوظه
وحده الرفع كانت شغاله قبل مااغير السويتش تمام ودلوقتي لازم الكونتكت يكون مفتوح شغاله تمام