أرجــو الإفــادة فى ظهــور عضه فى الفتيــس المانيــوال للجيـــن 2

[total_n76]

السلام عليكم
انا اشتريت عربية جين 2 من حوالى شهر موديل 2007 وكانت عاملة 10000 كيلو
وسيبتها مع زوجتى وسافرت برة مصر
ووصلت ل17000 كلم دلوقتى .بس ظهر لها عضة خفيفة فى الفتيس المانيوال وراحت لواحد وقالها كمان ان تيل الفرامل عايز يتغير وصوت الموتور عالى ؟.
انا عارف ان ده صوتها وقولتلها كدة بس قلقت من موضوع تيل الفرامل والعضة اللى فى الفتيس ( يعنى تيجى مثلا تنقل على التالت يحجر شوية وبعدين ينقل عادى )
وفى صوت طقة فى الدركسيون لما يوصل لاخر لفة
مش عارف ده عادى والا نستنى صيانة العشرين الف والا ايه
وشكرا ليكم كلكم
عماد الحبشى
شركة الكان - السنغال

[Ahmed Hassan]

العربيه في الضمان. لازم تروح التوكيل و متخليش اي ميكانيكي بره يمد ايده في العربيه

[mazagnge]

يا عم توتال طالما ان العربية فى الضمـــان .... يبقي اية المشكلة

روح شوف اية عندك و اكشف علي العربية ككل و علي الاقل الناس عارفة هي بتعمل اية من غير فتاوي .... و عموماً دي وجهات نظر

اما لو العربية مش فى الضمان .... فروح اكشف عليها بس و شوف اية المشاكل اللي فيها

و الله لو لقيت التكلفة معقولة .... خير و بركة اعملها
لقيت ان الموضوع عالي ما تعملهاش فى التوكيل و شوف حد برة

و برضة دى وجهات نظر الامر ليك يا صاحب الامر

[total_n76]

متشكر جدا هى فعلا فى الضمان بس هو انا لازم اروح على معاد الصيانة بتاع العشرين والا ممكن قبلها
وشكرا اوى لردودكم السريعة

[Ahmed Hassan]

لو المشوار مش مشكله روح دلوقت. لو المشوار صعب و مفيش مشكله في الفرامل محسوسه... استنى و خلي الملاحظات دي مع صيانه ال، 20000

[total_n76]

شكرا يا شباب على الافادة بس كنت عايز اعرف موضوع الطقة اللى فى الدركسيون دى عادى عند اخر لفة

[fahd_628]

برضة فى الضمان اسألهم و سمعهم الطقة دية و لو قالك عادى يبقى عادى علشان انا على حسب ما اتذكر ان دية موجودة فى الجين 2 والله اعلم او ظهرت مع حد قبل كدة مش فاكر بالظبط

و عادى جدا ممكن تروح فى اى وقت مش لازم فى الصيانة

[tutankhamoun]

السلام عليكم
انا اشتريت عربية جين 2 من حوالى شهر موديل 2007 وكانت عاملة 10000 كيلو
وسيبتها مع زوجتى وسافرت برة مصر
ووصلت ل17000 كلم دلوقتى .بس ظهر لها عضة خفيفة فى الفتيس المانيوال وراحت لواحد وقالها كمان ان تيل الفرامل عايز يتغير وصوت الموتور عالى ؟.
انا عارف ان ده صوتها وقولتلها كدة بس قلقت من موضوع تيل الفرامل والعضة اللى فى الفتيس ( يعنى تيجى مثلا تنقل على التالت يحجر شوية وبعدين ينقل عادى )
وفى صوت طقة فى الدركسيون لما يوصل لاخر لفة
مش عارف ده عادى والا نستنى صيانة العشرين الف والا ايه
وشكرا ليكم كلكم
عماد الحبشى
شركة الكان - السنغال

السلام عليكم يا رجاله

بص ياباشا ......... أولا ربنا يحللك مشكلتك إن شاء الله
بالنسبة للعضة بتاعة الفتيس ( يجب الكشف عليها في التوكيل و خصوصا إن ضمان الفتيس 5 سنوات أو 100 ألف كيلومتر )
بس ممكن مراتك تكون مش بتدوس أخر مشوار الدبرياج
و في حاجة تانية ممكن تعملها و ممكن تحل المشكلة
أنت تطلع بالعربية ........... مشوار لوحد على الدائري أو على طريق سريع
و بعدين لما تيجي تغير على التالت ........ دوس دبرياج و حاول تجيب الثالث و إن حست بالعضة ........ رجع الفتيس في المور ........... و دوس دبرياج من تاني و شوف إيه اللي هايحصل

و بالنسبة للصوت بتاع الدريكسيون ( موجود في كل الجين 2 )
و لكن قل لهم عليه ......... يمكن يكون له حل
و بالنسبة للفرامل ......... فرامل الجين 2 من نوعية ABS EBD
و لذلك مكتوب في الكتالوج يجب استخدام قوة المحرك في الفرملة
يعني لما تيجي تقف متمورش إلا لما العربية تقف خالص
و تنزل من الرابع للثالث لما تكون السرعة مناسبة و بعدين للثاني و بعدين تقف خالص و تمور ( ده برضه كان كلام مدرسة السواقة في انجلترا )

و جرب و شوف
و برضه لما تروح التوكيل لازم تكشف على الفرامل و تيل الفرامل لأن الأمان و السلامة أهم شئ ...........
و ربنا معاك
بس متنساش تسلملنا على الحاج ضيوف :p :p

[total_n76]

متشكر جدا على الاجابات الموستوفية لكل شىء
وشكرا ليك يا اخ توت انا كنت عارف انك هاترد مش عارف ليه بس احساس
ولو حد عايز حاجة من داكار يقولى وما يتكسفش

[sindbadffff]

لو المشوار مش مشكله روح دلوقت. لو المشوار صعب و مفيش مشكله في الفرامل محسوسه... استنى و خلي الملاحظات دي مع صيانه ال، 20000

الصيانة فى اى وقت و لا علاقة لها بالـــ 20000 , وممكن تتصل بالصحراوى و تستفهم