صوت عجيب مش مضر اوى بس عجيب مرفق فيديو اثبات حالة :]

[mido_soliman]

الصوت دة محدش يلاحظوا او انا عموما ملحظتوش غير من يومين وبالصدفة لانى غالبا بشغل الكاسيت بمجرد ما بحط رجلى فى العربية والصوت دة مش حتلاحظة الا لو انت واقف وبتكسر العجل عايز تركن مثلا علشان تقدر تحدد وطبعا من غير كاسيت
دة غير كمان اللى لاحظتة ان الصوت دة مبيظهرش الا بعد لما تمشى بالعربية شوية تسخن يعنى لان اول ما تنزل وتدور وتسخن وتتحرك بيها لو عملت اية الصوت دة مش حيظهر الا لو مشيت بالعربية شوية حلوين
عموما انا لسة راجع من صيانة ال 15 من كام يوم وطبعا مكنتش لاحظت الموضوع دة والا كنت قلتلهم علية
ياريت اللى يعرف اية دة يقولى وهل لية ضرر لو استنيت علية لحد ما اعمل صيانة ال 20 ولا اروح اليومين دول على طول
معلش طولت عليكوا وزى ما قلت غالبا محدش حيعرف اية دة الا اللى حصلة وعالجة قبل كدة
ملحوظة : زيت البور مظبوط بالمللى ومفيش خشونة ولا تقل فى الدريكسيون الصوت دة زى ما حتشوفوة عامل زى الزبزبة بتاعة كاسيت صينى لما توصلة من غير ارضى فبيطلع صوت دوسة الاكسيراتير بس فى الحالة دى التشابة فى الصوت فقط مش فى اى حاجة تانية
تحياتى للجميع



YouTube - ‫طµظˆطھ ط¯ط±ظٹظƒط³ظٹظˆظ†ظ‰ :]‬‎

[boyzoone]

هو طبعا صوت غريب أنا مش عارف أيه سببه بس أنا فى الحقيقة مجربتوش عندى بس أنا شايف أن حضرتك رافع الهاند بريك جرب تنزلها وجرب طبعا أنا بفتى بس ممكن .

[mido_soliman]

لا يباشا ملوش علاقة بالهاند خالص الصوت بان اساسا وانا بمشى انا بس وقفت وقلت اسجلة علشان الناس تسمعو لان مهما وصفت مش حيبقى زى الصوت والصورة
تحياتى

[Nistelrooy]

صــوت غريب فعلاً ..

[MEGAREKAB]

السلام عليكم

ده صوت إحتكاك أكس الدريكسيون فى حاجة ناعمة باينه من صوتها...

مطلوب منك إنك تنزل تحت التابلوه ( تحت الدريكسيون ) وتشوف فى أيه ملمس فى الأكس بتاع الدريكسيون ( الماسوره اللى واصله بين الدريكسيون والاسكاترا)

ممكن تلاقى كابل وممكن تلاقى دواسه الارضيه وممكن تكون الكرتونة اللى انت حاططها تحت رجلك دى ....

إنزل وجرب بنسفك وهتشوف بس لازم وانت تحت تلف الدريكسيون بإيدك يميم وشمال عشان تشوف مصدر الصوت

ياريت تطمنا بالنتيجة

محمد عبد المجيد

[Raul_7]

أبوحميد, Welcome to the club, أحب اقولك إن الصوت ده ظهرلي بعد صيانة ال 1000 و كان سبب إني كرهت التوكيل لانهم معرفش يعملوه في صيانة ال 5 ولا ال 10 وكنت دايما أقعد في التوكيل من أول اليوم لاخره وبرده مش لاقيين له حل.

آخر صيانة بتاعة ال 10 كتبت في التقيم كل حاجة صفر ومشيت داليا كلمتني قالتلي ايه المشكلة قلتلها قالتلي إنت تقريبا محتاج قطعة غيار, clock spring واللهِ أعلم هي ماقالتش بس ده توقعي و قالتلي هتأكد من المخزن وابقى اكلمك تاني وشكرا على كده.

عامةً هو صوت مستفز وخصوصا لو مش مشغل الكاسيت وعمال تعجن بالدركسيون في حتت ضيقة.

[mazen234]

انا عندي نفس الصوت هو غالبا كده في 2010 كله ولا ايه صوت تزييق كده وساعات برضه بلف الدركسيو اسمع صوت تزييق بقي بس من ورا ورا فين الله اعلم بس متشغلش بالك بيه

[ahmad alshaaer]

طيب بص انا اعتقد ان ده صوت احتكاك بلاستيك ببعضه

عاوزك تبص مكان مالدريكسيون بيلف والغطاء اللي وراه شوفهم بيحكوا ببعض ولا لأ بس ركز شويه

ولو مش كده شوف الدواسه لتكون واصله بالعمود اللي بيلف تحت اخر الدريكسيون

واخيرا اعتقد انه الكلوك اسبرينج مع انه لما كان بايظ عندي ماكانش بيعمل الصوت ده ولكن يمكن يكون منتهي عندك


تحياتي

[mido_soliman]

شاكر لكل اللى ردوا دلوقتى انا محتاج اعرف اية هوة الكلوك سبرينج واية وظيفتة واية الضرر لو مشيت بالعربية كدة فى حالة ان التوكيل عاملنى زى حودة كدة ودة مؤكد وان شاء الله حنزل اشوف مكان الاحتكاك منين ولو انى اشك جدا انة يكون ظاهرى

[Raul_7]

شاكر لكل اللى ردوا دلوقتى انا محتاج اعرف اية هوة الكلوك سبرينج واية وظيفتة واية الضرر لو مشيت بالعربية كدة فى حالة ان التوكيل عاملنى زى حودة كدة ودة مؤكد وان شاء الله حنزل اشوف مكان الاحتكاك منين ولو انى اشك جدا انة يكون ظاهرى

أحب اقولك كمان إنهم جربوا حاجات كتير, منها إنهم رفعه العربية وقعدوا يشحمو حاجة من تحت مش فاكر ايه هي, وحطوا زي سبراي كده مابين الدركسيون والحتة اللي وراه على أساس إن فيه حاجة بتحك فيبلسموا الدنيا.
طبعا ولا الهـوا.

عامة لو وصلت للحل ويبقى حل جذري مش مؤقت يا ريت تبقى تقولي يابو حميد.

على فكرة عندي والعربية لسة دايرة وبارده واحرك الدركسيون بيبقى فيه صوت خرفشه خفيف, لما العربية بتسخن بيقلب تزييق!

[mido_soliman]

أحب اقولك كمان إنهم جربوا حاجات كتير, منها إنهم رفعه العربية وقعدوا يشحمو حاجة من تحت مش فاكر ايه هي, وحطوا زي سبراي كده مابين الدركسيون والحتة اللي وراه على أساس إن فيه حاجة بتحك فيبلسموا الدنيا.
طبعا ولا الهـوا.

عامة لو وصلت للحل ويبقى حل جذري مش مؤقت يا ريت تبقى تقولي يابو حميد.

على فكرة عندي والعربية لسة دايرة وبارده واحرك الدركسيون بيبقى فيه صوت خرفشه خفيف, لما العربية بتسخن بيقلب تزييق!

غالبا العيب فى اللون مش غريبة يكون العيب عندى وعندك وعند مازن

[Raul_7]

غالبا العيب فى اللون مش غريبة يكون العيب عندى وعندك وعند مازن

ههههههههههههههه, تصدق صحيح...هههههههههههههههههه.

[mazen234]

غالبا العيب فى اللون مش غريبة يكون العيب عندى وعندك وعند مازن

ههههههههههههههههه انا قلت برضه اللون ده فقر من البدايه

[mado_9999]

السلام عكليم

هااااااااااااااى يا شباب انا عندى الصوت دى جين تو2007 مانيول وكونت فى التوكيل والمنهدس محمد عبد الهادى قالى ان العربيه الا فيها عيب الكلوك سبرينج هى اتو مش المانيول اما الصوت انا متوقع ان دى صوت فى الطاره وهى بتلف او فى العمود الا موصل الدركسيون والله اعلم

[mohamedfighter]

يا باشا الموضوع دة كان عندى فى لانسر كريستالة روحت للعفشجى فكلى الدركسيون وحاطلى شحم كدة بين الدركسيون عشان قالى الحتة اللى بين الدركسيون والعمود قالى كانت ناشفة عشان كدة بتزيق خصوصا اثناء الملفات وانا واقف او ماشى بالعربية والعمود اللى بيركب علية وراح على طول بس بما ان عربيتى قديمة اساسا وعربية حضرتك جديدة من المصنع مش عارف الموضوع زى بتاعى ولا اية؟؟؟؟