تنظيف غرفة المحرك

[a_samy]

نفسى أنضف حجرة المحرك من التراب اللى ماليها ومش بيخلص بس خابف أغسلها بالمياه مع أنى شوفت عربيات فى البنزينه بيغسلوا الموتور وحجرة المحرك بالمياه والجاز...مش عارف أنضفه أزاى..أجيبله فوم وأخلى بتاع البنزينه يغسله بالفوم بس ولا أغسله كيماوى من غير نقطة مياه؟
لو حد جرب يغسله يقولى عمل ايه وفين.

[ramyar]

نا في عيد ميلاد برسونتي السنوي الاول جبت علبه فوم وعملت بيه الموتور وغرفه الموتور وكانت النتيجه ممتازه

[monarch]

شو يعني فوم ومن اي نوع افضل شي؟؟؟

[Boory]

بنزينة موبيل في وسط فيصل بيغسلوا بالفوم بـ 20 جنيه تحفة و مبيستخدموش نقطة مياه

[abdalah_hashem]

هو غسيل الفوم دة من غير استخدام مية خالص
ياريت لو فى صور او فيديو

[monarch]

الله يسامحك يا بوري عاوزني اسافر من سوريا لمصر واروح لكازية موبيل في وسط فيصل علشان اغسل سيارتي ، انا بسأل بس عن الفوم تركيبته تحتوي ايه وافضل نوع متوفر بالوطن العربي.

[Tarek Gen 2]

دى صورة لفوم كنت اشتريته و جااااااامد جدا

ادى هوا جامد لكل حاجة جوة الكابوت
امسح بقماشة كدة الماتور و رش الفوم و سيبه شوية هو بياخد التراب و ينزل لحد ما رغاويه تنتهى و امسح بالقماشة كويس هتلاقى كل حاجة بقت زى الفل ان شاء الله
سعره كان 20 جوند معرفش دلوقتى بكام

[A.Saad]

armor all
stp
abro
sonax
دى اشهر منتجات العناية بالسيارة وتستعمل منتجاتهم وانت مطمئن
اول ثلاثة امريكى - معرفش هتلاقيه عندك ولا لا - والاخير المانى
فيه منهم بينضف بعد الفوم بالمياة وفيه بالهوا لو الموتور غير قذر تماما

[Boory]

الله يسامحك يا بوري عاوزني اسافر من سوريا لمصر واروح لكازية موبيل في وسط فيصل علشان اغسل سيارتي ، انا بسأل بس عن الفوم تركيبته تحتوي ايه وافضل نوع متوفر بالوطن العربي.

مش واخد بالي خالص من موضوع سوريا ده :) طيب كنوع من التكفير عن الخطأ ممكن تسيلي المفتاح و أنا أوديهالك :)

بالنسبة لسؤالك عن كيفية استخدامه ... هو العامل بيرش الفوم على الموتور و يسيبه دقيقتين مثلا و بعدين يرشه بالهواء بالكمبريسور فيطير الفوم و معاه القذارة اللي على الموتور و بصراحة بيخلي العربية من جوه جديدة بدون خطورة من المياه على الكمبيوتر و الأجزاء الكهربية

[monarch]

مشكور جداً جداً لكن السؤال ماينفع أنا أنضف غرفة المحرك بنفسي يالفوم ولا لازم عند البنزبنة؟؟