نصيحه لوجه الله

[popman330]

انا يا جماعه انا معايا بوروتون واجا 2005 بصراحه كرهت العربيات كلها والمشي علي رجلي بقي ارحملي
انا بنصح اي واحد يفكر يجيب بروتون ما يجبهاش خالص لان بجد تعبتني

اول اعطالها قطعت ميه ونور اقعدت ادور انا والميكانيكي علي العطل لحد ما دوخنا في الاخر لقيت ان مفيش بنزين واصل للموتور قلت يبقي طرمبه جبت طرمبه برضه مشتغلتش
المهم ان كان العطل من الفيشه اللي داخله علي الطرمبه سايحه في بعضها
وطبعا دا حصل معايا في فيش كتير اوي دا ليه بقي علشان يرخصوا ثمن العربيه باي طريقه
وعلي فكرة العربيه مواصفات خليجي يعني المفروض الحاجات ديه معمول حساب الحرارات الشديده
تاني عطل كان الفتيس اول ما العربيه تدور تقعد تنط لوحدها ومعرفش ليه التوكيل خدها اسبوع عنده وبعدين عملها
تالت عطل لوحه العدادات فصلت كلها وروحت غيرتها
رابع عطل الدينامو
خامس عطل الكاست بيزن مع دواسه البنزين
سادس عطل تسريب زيت الفرامل من الاربه نفسها
وعلي فكرة العربيه من يوم ما جت بتصقف واكن بحطلها سولار
وكفايه كدا
ومش عايز ابيعها لان هخسر فيها جامد
رميتها وجبت عربيه تانيه جولف 2 بصراحه تحفه التحف

[shooter123]

ما كان من الاول يا باشا
انا برده كنت عايز اجيبها بس انا مكنتش ببص في الماركة والشكل انا كنت بعتمد علي الدولة المصنعه للسيارة وفي النهاية استقريت علي اللانسر
وطبعا ركوبك للالماني لا يقارن باي تلاجة ايديال كنت راكبها قبل كدا
ربنا يديك خيرها ويكفيك شرها

[mangere90]

السلام عليكم ورحمة الله وبركاته

يمكن تكون حضرتك حاله فرديه , لأني كل مقابل حد معاه الموديل ده بيشكر فيه جدا
عمتا انا مش بقول كده دفاعا عن العربيه بس الله يكون في عون حضرتك

[ramyar]

السلام عليكم ورحمه الله وبركاته
الاخ العزيز بوبمان
شكرا جدا علي النصيحه
وجاري العمل بنصيحتكم
وفي الوقت الحالي انا بدور علي مكان فاضي عشان ارمي العربيه فيه وبمجرد ما الاقي مكان هرهيها علطول واشتري بيتلز موديل 1965

[mangere90]

السلام عليكم ورحمه الله وبركاته
الاخ العزيز بوبمان
شكرا جدا علي النصيحه
وجاري العمل بنصيحتكم
وفي الوقت الحالي انا بدور علي مكان فاضي عشان ارمي العربيه فيه وبمجرد ما الاقي مكان هرهيها علطول واشتري بيتلز موديل 1965

ليه كدا بس ياباش مهندس ؟

[م.محمد مختار]

والله أنا كرهت كل العربيات...

أنا معايا عربية أخويا الباسات الفولكس الألماني المحترمة و مطلعة عين اللي خلفوني و خلفوه "لأنهم نفس الناس طبعاً :) "

العربيات لما تقرر تقرف صاحبها بيكون أمه داعية عليه!!

[ramyar]

محدش يعرف ان المكان الي هرمي فيه العربيه ده مكان سري جدا مكون من اربع حجرات
اذين ايمن وايسر وبطيا ايمن وايسر
يعني من الاخر كده العربيه جوه قلبي وكمان تمليك مش ايجار جديد والي مش عاجبه العربيه يروح يشتكي للقوات المسلحه او يروح محكمه الاسره
ماعتقدش ان في حد بيشتري عربيه كده عمياني
لا ده لازم يكون سال عنها كويس وعرف عنها كتير شراء سياره تمام زي الجواز لازم الاحد بيسال كويس ..

[eng.m7md.ali]

انا يا جماعه انا معايا بوروتون واجا 2005 بصراحه كرهت العربيات كلها والمشي علي رجلي بقي ارحملي
انا بنصح اي واحد يفكر يجيب بروتون ما يجبهاش خالص لان بجد تعبتني

اول اعطالها قطعت ميه ونور اقعدت ادور انا والميكانيكي علي العطل لحد ما دوخنا في الاخر لقيت ان مفيش بنزين واصل للموتور قلت يبقي طرمبه جبت طرمبه برضه مشتغلتش
المهم ان كان العطل من الفيشه اللي داخله علي الطرمبه سايحه في بعضها
وطبعا دا حصل معايا في فيش كتير اوي دا ليه بقي علشان يرخصوا ثمن العربيه باي طريقه
وعلي فكرة العربيه مواصفات خليجي يعني المفروض الحاجات ديه معمول حساب الحرارات الشديده
تاني عطل كان الفتيس اول ما العربيه تدور تقعد تنط لوحدها ومعرفش ليه التوكيل خدها اسبوع عنده وبعدين عملها
تالت عطل لوحه العدادات فصلت كلها وروحت غيرتها
رابع عطل الدينامو
خامس عطل الكاست بيزن مع دواسه البنزين
سادس عطل تسريب زيت الفرامل من الاربه نفسها
وعلي فكرة العربيه من يوم ما جت بتصقف واكن بحطلها سولار
وكفايه كدا
ومش عايز ابيعها لان هخسر فيها جامد
رميتها وجبت عربيه تانيه جولف 2 بصراحه تحفه التحف

ربنا يعينك وتتصلح على خير


بص يا باشا هيا ممكن تكون حالة فردية لاني اعرف 2 معاهم واجا 2006 وبصراحة بحبها عن ال 2009 بتعتي

[mado_9999]

السلام عكليم

بصراحه العربيه مع واحد قربيى ومعجب بيها جداااااااااااا وهى معى من سته اشهور دى نصيبك ربنا يوافقك فى بيع العربيه بسعر كويس

[Tarek Gen 2]

ايه يا جماعة براحتوا و حقه يكرها
(( ولو لف فى اقسام المنتدى كلها من اول الفيات لحد المرسيديس و البى ام هيلاقى زيه كتير ))
يا رب يفهم قصدى :)

[ahmed_spectra]

اعتقد مش طريقه موضوعيه كلامك مرسل وفي الاخر بتقول نصيحه مش عارف ازاي والمشاكل اللي حضرتك بتقول عليها ممكن تحصل في المرسيدس لو بتتهان وبتستعمل بطريقه سيئه

[mememsaid]

اي عربيه فيها مشاكل بس النسبه اد ايه
هي دي المشكله

[أبومعاذ]

ايه يا جماعة براحتوا و حقه يكرها
(( ولو لف فى اقسام المنتدى كلها من اول الفيات لحد المرسيديس و البى ام هيلاقى زيه كتير ))
يا رب يفهم قصدى :)

إحنا لازم نعمل موضوع نلم فيه تعليقاتك يا نجم

[Tarek Gen 2]

احم احم
محبش اكلم عن نفسى يا ابو مريم
التألق ليه ناسه :)

[popman330]

السلام عليكم ورحمة الله وبركاته

يمكن تكون حضرتك حاله فرديه , لأني كل مقابل حد معاه الموديل ده بيشكر فيه جدا

عمتا انا مش بقول كده دفاعا عن العربيه بس الله يكون في عون حضرتك

هي طبعا ممكن تكون حاله فرديه لان انا عربيتي اول دفعه نزلت السوق