التكييف ضعيف اعمل ايه

[mado_9999]

السلام عكليم الجو بقى حر شويه قولت افتح التكييف بس الهواء خارج مش بارد اوى دى كده عايز شحن بس الا خايف منو ان الهواءضعيف يعنى مش خارج قوى بس مش بارد لا ضعيف حتى وسرعه المروحه على اخر درجه والحرارة 18 انا خايف يكون ماتور التكيف بظ وانا سمعت انو عيب فى جين تو هى العربيه فيها تقربيا فلتر تكييف بيتغير ولا ايه العربيه عامله 69 الف هل اروح اشحن التكييف فى التوكيل؟؟

[ramyar]

فك فلتر التكييف ونظفه وكله هيبقي تمام وماتنساش بعد كده تبقي تتعود تقفل بوابه الرسيكل

[mado_9999]

السلام عكليم

ياباشا الف شكرا بس هو فين فلتر الكييف هو الفلتر هيخرج الهواء ضعيف اعتقد فى عيب ؟؟؟؟؟؟؟ ومعلش انا اسف هو ايه تقفل بوابه الرسيكل

[mangere90]

ياباشا الف شكرا بس هو فين فلتر الكييف هو الفلتر هيخرج الهواء ضعيف اعتقد فى عيب ؟؟؟؟؟؟؟ ومعلش انا اسف هو ايه تقفل بوابه الرسيكل

السلام عليكم ورحمة الله وبركاته

طبعا الفلتر زي ماقال البشمهندس رامي + غسل
السربانتينه بتاعت التكيف في المحطه خالي عامل
الغسيل يغسلها بالمسدس وهي موجوده في صدر العربيه
من الأسفل و بالنسبه لمكان الفلتر موجود اسفل التابلون تحت الدرج هتلاقي غطاء بالطول
وحاول تشغل التكيف فتره طويله شويه علشان
طبعا الفريون بينشط بالتشغيل ..

[mado_9999]

السلام عكليم

اوك الفلتر هيخلى الهواء مش بارد بس الهواء خارج ضعيف حتى وعلى اعلى سرعه مروحه هحاول افك الفلتر واغسل
السربانتينه بتاعت التكيف وايه بوابه الرسيكل

[ramyar]

بص يا فندم بطريقه مبسطه جدا
الفلتر ده مابين البلاور او الي هوا المروحه والسربنتينه الي بيكون بداخلها الفريون الساقه وعند مرور الهواء من المروحه اي السربنتينه بيتم تبريد الهواء والفلتر ده فايدته ان السربنتينه ملتتسدش
ولو الفلتر ده مسدود بيقلل الهواء بدرجه كبيره جدا حتي لوكانت المروحه علياعلي درجه
كل الي هتعمله انك هتفك الفلتر وتنضفه بس خلي بالك لان الفلتر مصنوه من اللياف كرتونيه يعني واحده واحده وانتا بتنضفه
بي النسبه لبوابه الرسيكل
دي بوابه في مجري الهواء قبل المروحه ودي مثلا لو الجو خارج العربيه في رائحه غير مستحبه او في اتربه في الجو بمجرد ما بتقفلها بتعزل الهواء الخارجي من انه يدخل داخل العربيه
ةده بيمنع الفلتر انه يتسد وبتقفلها بتنك بتضغط علي البكره الثانيه للداخل هتلاقي لمبه نورت ولو كنت في مكان هادئ هتسمع صوت تكه بسيطه معناها ان البوابه قفلت

[mado_9999]

السلام عكليم

استاذ شكرااااااااااااااااااا جدا هروح لبتع تكييف عشان يفك الفلتر عشان مش عارف مكان الفلتر هو تنضفه بالهواء صح

[ramyar]

http://www.nilemotors.net/Nile/142198-a.html
انتا سهل جدا تنضفه بنفسك

[mado_9999]

السلام عكليم

انا مش اعرف اقولك ايه انت انسان محترم وشكرا على المساعدة

[ahmad alshaaer]

ونصيحه مني زياده على كلام الاعضاء اوعى تغير الفلتر الاصلي الا بأصلي زيه لاني اتبهدلت لما غيرته بواحد من ابو 100 جنيه

[shakshak2011]

بالنسبه لفلتر التكييف .. أنا كنت فكيته من فترة .. و نظفته كويس جداً بإستخدام بلور .. و بعد كده غسلته بالمياه و الصابون بإستخدام فرشاة ناعمه .. و بعد كده نشفته ثانى بالبلور .. و سيبته فى الشمس نصف ساعه .. وفى النهايه عطرته ببرفان .. و النتيجه أصبحت ممتااااااااازة .. و رجع لونه أبيض .. و الهواء بعد ما كان ليه رائحه خانقه .. أصبحت رائحته جميله

نقلت التجربه للأفادة

و ديه صورة الفلتر بعد التنظيف



ملاحظة أخيرة .. الفلتر قبل التنظيف كان لونه أسود تماماً

[Amr_tika88]

انا معايا بروتون واجا ٢٠٠٦ وبواجه نفس المشكله مكان الفلتر بتاع التكييف فين
ده غير ان عندي الهوا مش بيخرج ساقع بس بيخرج سخن لما بحول التكييف لسخن