حادث بسيط - الحمدلله على كل شيء

[Eng. Rafy Samy]

الحمدلله على كل شيء - امبارح علمت حادثة على شارع ابوقير تاكسي لادا دخل فيا وانا بلف في ملف
وش في وش ...
محتاج مساعدتكم في اسعار فانوس امامي + فانوس الشبورة + الإشارة

الفانوس الامامي الباغة اتكسرت وكمان المفصلات اللي مسكاه في القواعد
الشبورة الباغة اتكسرت ووقع من مكان تقريباً القواعد اتكسرت في ظهر الإكسدام
الإشارة موجودة وشغالة بس مش في مكانها ولا في مسكة وكويس

لسة مشفتش إذا حصل حاجة لصدر العربية او اي تلافيات تحت الإكصدام او الرفرف - ربنا يستر

وطبعاُ لعدم وجود شرطة وهو سواق تاكسي وانا ملاكي فكل الناس غلطوني انا ... مش مشكلة الحمدلله انها جت على قد كده ..











تقبلوا تحياتي جميعا وربنا يكفيكم شر الطريق

[gebreel]

حمد الله على السلامة

ممكن فوانيس الشبورة بتاع فيبر يظبطلها قواعد مكان القديمة و لو الفانوس بس مشروخ شرخ بسيط ظبطلوا قواعد بردو عند بتاع فيبر

[Raul_7]

حمدلله عالسلامة يا باشمهندس و الحمد لله إنها جت على كده.

و استنى آراء خبراء القسم بتاعنا هيفيدوك إن شاء الله.

تحياتي.

[eng_Amr]

الحمد لله انها جت على قد كدا وربنا يصبرك ياباشا.

[ahmed_h_g]

الف سلامه عليك يا هندسه والحمد لله انك بخير

[Tarek Gen 2]

الف سلامة عليك يا هندسة و ان شاء الله خير

[eng.m7md.ali]

قدر الله وماشاء فعل ياباشمهندس
الحمد لله انك بخير ومش مهم العربية بس من الواضح ان الواجا واخدة عين اليومين دول
ده انا لسة حاصلي حوار من كام يوم و اتخبط فيه الرفرف والاكصدام وطبعا علشان مفيش قانون اساسا الواحد لازم يتعامل بنفسو في المواقف دي

[eslamkasem]

الف حمد الله علي سلامة حضرتك

انا بردو مش مصدق الواجا عماله تتبدهل ليه انا ولدي من حولي اسبوع واحد بلانوس داخل في الاكصدام الخلفي والفانوس الشمال والاكصدام راحو بس رحت لبتاع فيبر ظبط الاكصدام تمام واخد 70جنيه وكان عندي جوز فوانيس بتوع موديل 2006حطتهم هما جداد وكان الواحد ب140 جنيه ورشيت الاكصدام مع حته من الجنب

اول امبارح بقي في ملف وواحد بتاع ربع نقل دخل الملف غلط المهم والدنيا زحمه عمال يطلع ورجيع مرتين رحت انا بقي مدي اشهار وبااص في المرايه مكنش في حد جيت اعدي واحد بتاع كورولا 2006 دخل في الاكصدام الامامي اتخرم وبردو حتة بسيطه من الجنب الشمال اتخربتشت انا الي غلطان طبعا المفروض كنت استني الحيوان ابو ربع نقل اما يعدي بس للااسف كان مزاجي حلو ومبسوط قولت اما انجز يلا الحمد لله طبعا مش عارف اروح اعملها وولدي مسافر ومفيش وقت عندي خالص منظر العربيه مدايقني هحاول الخميس اروح اعملها عند بتاع فيبر وارش الحته الي اتخرمت وربنا يسترها وبجد الواجا واخده عين محترمه وطعا مفيش قانون فكلنا لازم نتعامل

[Eng. Rafy Samy]

الف شكر ليكم جميعاُ على مشاركتكم واهتمامكم ... بجد كلامك ده بيخفف عن الواحد كتيير قوي

ربنا يسهل وابداء رحلة البحث عن فانوس

شكراُ جزيلاً وتقبلوا تحياتي

[prohossam]

قدر الله وما شاء فعل
وان شاء الله العربية ترجع احسن من الاول

[Eng. Rafy Samy]

الحمدلله على كل شيء

نزلت انهاردة لقيت المرايا اليمين مكسورة من القاعدة ( العربية مركونة في الجراج )

بصراحة سبتها ومشيت

انا مش عارف فيه ايه.....!!!!!!!!!!!!!!!

[eng.m7md.ali]

لا حول ولا قوة الا بالله
هو في ايه يا استاذ رفيق
هيا دي اللي اتكسرت قبل كدة ولا التانية

[Eng. Rafy Samy]

للاسف التانية....

الحمدلله على كل شيء ....

عاوز اخبي العربية - حد عنده افكار ... بفكر اطلعها البيت