فك التابلوه

[a_samy]

عاوز أعرف اذا كان فيه مشكله فى فك التابلوه ولا لأ
لأنى بسمع صوت منه وعاوز أعرف الصوت ده منين ومش عارف أخلص منه فقل اذا فكيته فى التوكيل هيرجع زى ماكان ولا ايه؟

[eng.m7md.ali]

منصحكش تعملو في التوكيل
روح الحرفيين احسن او مركز عصام الصفا
لكن التوكيل هيكروت الدنيا وهيبيت العربية على الفاضي وفي الاخر كل حاجة ترجع زي ماكانت

[sayed911]

ورأيي من رأي فيلكس خليك مع عصام وصفا في الإنجاز انتا الكسبان ولله الحمد مفيش حد من الإخوة الزملاء راحلهم ورجع مدايق من عندهم نهائيا والخدمة ممتازة وسرعة في الإنجاز اللي اعتقد ها يكون اسرع مليون مرة من التوكيل ..

[a_samy]

شكرا على الردود
يعنى معنى كلامكم كده أن فك التبلوه وتركيبه تانى مفيهوش أى مشكله صح؟

[mido_soliman]

شكرا على الردود
يعنى معنى كلامكم كده أن فك التبلوه وتركيبه تانى مفيهوش أى مشكله صح؟

لو مكانك حفكر مليووووون مرة قبل الخطوة دى
بيتهيالى فك الطابلوة مش سهل وعمرة ما حيرجع زى الفابريكة تانى
بيتهيالى انك حتفكة علشان صوت حترجع بمجموعة اصوات
بس حضرتك موصفتش الصوت اللى عندك او سبب فك الطابلوة
تحياتى

[eng.m7md.ali]

على حسب مين اللي بيفك ويركب
لو حد متخصص في الكلام ده اكيد هشتغل فيه كويس لكن التوكيل وللاسف كروتلي الدنيا قبل كدة ودلوقتي بندم اني عملتو هناك

[abo3bdolrahman]

مركز عصام و صفا ممتاز و هايكشفولك الإول قبل ما يفكوا و لو الصوت منه هايعملولك المطلوب

[shakshak2011]

أعتقد أنا فاهم الصوت الى بتسمعه عامل إزاى

هو تقريباً بيبقى صوت شخاليل أو تزييق .. كأن فيه بلاستكه مش مربوطة كويس .. و الصوت ده بيتسمع أكثر لما يكون فيه إهتزازات فى العربيه .. يعنى ممكن تسمعه و إنت فى المطبات أو لو ماشى فى شارع مكسر

أعتقد إن ده الصوت الى بتسمعه .. و عندى الصوت ده مش فاهم هو من فين بالضبط .. و فكرت نفس تفكيرك إنى أفط الطابلوه .. لكن أكيد مش هيرجع زى الفابريكه

نفسى أعرف بيجى منين بالضبط؟؟؟؟؟؟؟؟؟؟

[a_samy]

أعتقد أنا فاهم الصوت الى بتسمعه عامل إزاى

هو تقريباً بيبقى صوت شخاليل أو تزييق .. كأن فيه بلاستكه مش مربوطة كويس .. و الصوت ده بيتسمع أكثر لما يكون فيه إهتزازات فى العربيه .. يعنى ممكن تسمعه و إنت فى المطبات أو لو ماشى فى شارع مكسر

أعتقد إن ده الصوت الى بتسمعه .. و عندى الصوت ده مش فاهم هو من فين بالضبط .. و فكرت نفس تفكيرك إنى أفط الطابلوه .. لكن أكيد مش هيرجع زى الفابريكه

نفسى أعرف بيجى منين بالضبط؟؟؟؟؟؟؟؟؟؟

تقريبا هو نفس الصوت ده وساعات كمان بسمعه وأنا ماشى فى الطريق عادى جدا.

[monarch]

بس سؤال

الصوت يكون زيادة لما تكون العربية باردة وبتسخنها و واقرب يكون صوت رجة من جهة جيب التابلو ؟؟؟
اذا كانت اجابتك نعم فامورك بخير كانت عندي المشكلة دي وحليتها بنفسي بعد ان راجعت التوكيل خمسين مرة وكانت الامور تيتي تيتي متل مارحتي متل ما اجيتي

[a_samy]

بس سؤال

الصوت يكون زيادة لما تكون العربية باردة وبتسخنها و واقرب يكون صوت رجة من جهة جيب التابلو ؟؟؟
اذا كانت اجابتك نعم فامورك بخير كانت عندي المشكلة دي وحليتها بنفسي بعد ان راجعت التوكيل خمسين مرة وكانت الامور تيتي تيتي متل مارحتي متل ما اجيتي

لأ هو الصوت مستمر معايا دايما وغالبا بيكون من فتحات التكييف ومش عارف أخلص منه ولا التوكيل عارف يعمله حاجه.

[spiderloking]

شوف ممكن يكون لو بتركب اطفال طفل ولا حاجه رمالك حاجه صغيره من فتحة التكييف او الفتحه اللي بين الدركسيون و التابلوه حصلت قبل كدا مع صاحبي و طلع في الاخر اللي بيشخلل ده غطاء قلم ههههههههههههههههه

[monarch]

هو الصوت فعلا شخللة من ناحية فتحة التهوية اقصى اليمين ، التوكيل افتكر ان الصوت من الباب الأمامي وبعد فكفكة الفرش و تنظيف والخ .. لا نتائج والصوت يستمر كأنه في جني داخل فتحة التكييف

[Mohamed.Kader]

السلام عليكم
أنا معاكوا في نفس الصوت
لكن لما جربت أزنق الهويات بحاجة بحيث متتحركش لايمين ولاشمال ولافوق ولاتحت ودا غالبا كان بسبب أن الهويات نفسها نعمت من الحركة لفوق وتحت ودا خاصة لأن الفتحات مع بومبية التابلوه جاية في منطقة تخلي مركز ثقل الهواية لتحت ودا اللي بينعم الهواية أكتر من إستخدامها العادي

[monarch]

السلام عليكم
أنا معاكوا في نفس الصوت
لكن لما جربت أزنق الهويات بحاجة بحيث متتحركش لايمين ولاشمال ولافوق ولاتحت ودا غالبا كان بسبب أن الهويات نفسها نعمت من الحركة لفوق وتحت ودا خاصة لأن الفتحات مع بومبية التابلوه جاية في منطقة تخلي مركز ثقل الهواية لتحت ودا اللي بينعم الهواية أكتر من إستخدامها العادي

صحيح ان مشكلة الصوت من فتحة التهوية لكن اعذرني كلامك ليس دقيق يا سيد محمد
المشكلة تكمن في البورية الرايحة من فتحة التكييف داخل التابلو جهة اقصى اليمين وطبعا من جراء الحركة والاهتزازات بتتخلل ، امبارح بس عرفت مصدر الصوت وحليت المشكلة وصارت الامور عال العال.