ارجو المساعدة بأسرع وقت ممكن

[crmedo]

السلام عليكم

انا عندي gen 2 2009 و من ساعة ما جبتها و انا حاسس ان في عيب في الفرامل لما بدوس فجأة و علي الاخر بتطقطق في رجلي و ماتفرملش حلو (يعني باكل المطب) :] طبعا رحت التوكيل و المشكلة فضلت موجودة رحت لعفشجي و كشف علي التيل الامامي لأاه مليان بس ناشف و قاللي وحش احسنلك غيرة , فاجبت التيل اللي ب 150 من شارع بيروت و الراجل قاللي ماليزي و بعد ما ركبت الجديد لاحظت بفرق في الاداء طلعت علي طريق سريع و جبت 120 و دوست للاخر حصل اللي كان بيحصل ابل كدة :( طبعا المشكلة كمان في ال ABS اللي بيشتغل لما ادوس للاخر بس طبعا ده رد فعل طبيعي لما حاجة تحصل قدامك تدوس عالاخر ... و ربنا يستر


و علي فكرة انا عامل حادثة بسبب الموضوع ده


و ادي صور الحادثة اللي من 3 شهور تقريبا





و دي بعد ما خلصت








شرح اللي حصل لمن يهمه :)

طبعا اللي حصل اني ماشي علي الشمال في الطريق الصحراوي علي 100 و في عربيه jumbo عل يمين مهددي جدا و اول ما شاف الفاتحه ال U Turn مفكرش و راح كاسر عليا و قافلي الطريق بالعرض دوست الفرامل عل الاخر و كالعادة طقطقت في رجلي و بوووووووووووم مع اني مش غلطان و كده كده كنت هاخبط لان المسافة قريبة بس خبطة عن خبطة تفرق و الحمدلله علي كل شيئ


طبعا اللي مخليني اطرح السؤال هنا اني واثق من خبرات الاعضاء فياريت حل بأسرع وقت

[eng.m7md.ali]

قدر الله وماشاء فعل وان شاء الله نتخلص من كل المتخلفين اللي معانا في الطريق دول
ممكن يكون عيب في ال abs وبلاش تروح التوكيل لانو هيقولك كل شيء طبيعي
روح احسن مركز متخصص تابع للتوكيل زي اوتو ماجد او عصام والصفا

[crmedo]

قدر الله وماشاء فعل وان شاء الله نتخلص من كل المتخلفين اللي معانا في الطريق دول
ممكن يكون عيب في ال abs وبلاش تروح التوكيل لانو هيقولك كل شيء طبيعي
روح احسن مركز متخصص تابع للتوكيل زي اوتو ماجد او عصام والصفا

متشكر علي الرد

بس انا فعلا كنت روحت ل اوتو ماجد قبل الحادثة و كشفو عليها و غيرو التيل الخلفي و ده انا نسيت ذكره في الموضوع... و طبعا المشكلة مستمرة لحد اللحظة دي

[crmedo]

قدر الله وماشاء فعل وان شاء الله نتخلص من كل المتخلفين اللي معانا في الطريق دول
ممكن يكون عيب في ال abs وبلاش تروح التوكيل لانو هيقولك كل شيء طبيعي
روح احسن مركز متخصص تابع للتوكيل زي اوتو ماجد او عصام والصفا

متابع باهتمام
وربنا يعوض عليك

متشكر جدا لاهتمامك :)

انا والله ما زعلت علي الحادثة اد ما زعلت من ردة فعل سواق الجامبو اللي راح راجع ورا و لافف وشه و جاري ولا كان حاجه حصلت اصل الحادثة قضاء و قدر

[eslam_wega]

كانت هبيع العربية بسبب المشكلة دى
بص يا سيدى
اولا لازم تعمل رجلاش فرامل تعملة مرة دلوقتى
ومرة تانبة قبل ما التيل يخلص
وتغير التيل بكرة او بعده وتجيب التيل البوش الايطالى تمنة 320 ج
وكل اسبوع تعمل فراملة قصوى على سرعات عالية مرة او اتنين
انا الحمدلله عملت دة كله وتعال اركب جنبى وشوف الفرامل من 160 لصفر فى مسافة صغيرة ماشاء الله

[crmedo]

كانت هبيع العربية بسبب المشكلة دى
بص يا سيدى
اولا لازم تعمل رجلاش فرامل تعملة مرة دلوقتى
ومرة تانبة قبل ما التيل يخلص
وتغير التيل بكرة او بعده وتجيب التيل البوش الايطالى تمنة 320 ج
وكل اسبوع تعمل فراملة قصوى على سرعات عالية مرة او اتنين
انا الحمدلله عملت دة كله وتعال اركب جنبى وشوف الفرامل من 160 لصفر فى مسافة صغيرة ماشاء الله

طيب ما التيل الاصلي بتاعها بوش و كان بيعمل كده و ا كتر من الجديد
انا حاسس ان المشكلة اكبر من التيل والله اعلم

[eslam_wega]

طيب ما التيل الاصلي بتاعها بوش و كان بيعمل كده و ا كتر من الجديد :u_thin1[1]:
انا حاسس ان المشكلة اكبر من التيل والله اعلم

ايوا فعلا التيل الاصلى عمل معيا كدا
بس بعد الرجلاش الموضوع اختلف تماما انا بقولك كلام عملتة فعلا فى عربيتى انا معيا جين 2010
يعنى مش بخمن ولا بجيب معلومات من النت مثلا لا دة حصل معيا فى الواقع

[crmedo]

متشكرين يا عم اسلام علي المعلومة بس عايز اعرف موضوع الرجلاش ده بيتعمل عند مين و بالنسبة للتيل اجيبة منين

[eslam_wega]

متشكرين يا عم اسلام علي المعلومة بس عايز اعرف موضوع الرجلاش ده بيتعمل عند مين و بالنسبة للتيل اجيبة منين

التيل من مكة فى شارع دمشق
بالنسبة للرجلاش عملتة عند واحد فى مدينة نصر اخد 10 ج
محمد عارفنى علية دة رقم محمد 0112533101

[crmedo]

التيل من مكة فى شارع دمشق
بالنسبة للرجلاش عملتة عند واحد فى مدينة نصر اخد 10 ج
محمد عارفنى علية دة رقم محمد 0112533101

خلاص ان شاء الله اكلمه و اشوف .... كنت عايز اسألك انت شخصيا سؤال بالنسبه لعربيتك انا شوفت صورها و ماشاءالله حلوة و كنت عايز اعرف عملت الجنوط سودة ازاي ؟؟ معلش تعبتك معايا

[eslam_wega]

مجرد استيكر اسود معمول باحتراف بس ناوى ان شاء الله لما اغير الكاوتش واجيب عرض 205 هعمل الجنوط ابيض هيبقا شكلها تحفة