اصوااااات

[m3margy]

بسم الله الرحمن الرحيم
يا جماعة انا عربيتي جين 2 2009
رايي فيها بصراحة انها اوشكت تكون الماني لولا الاصوات
دورت وركزت لحد ما عملتها !!!!!!!!! بتوفيق من ربنا وراحت الاصوات الي غير رجعة
الاصوات كانت عبارة عن رزعة في المطبات ورا يمين وصوت تزييق جميل لما بتاخد مطب بالهادي
وصوت زنة جميلة في التابلوه علي سرعات عالية

اللي بيواجهه اي مشكلة في اي صوت من دول مايروحش التوكيل بتاعنا يكلمني اوفرله وكل اختراعاتي ببلاش :)
و و و 0101741399 مسعود

[eng.m7md.ali]

والله انت راجل محترم
ده انت هتلاقي القسم كلو بيكلمك

[eng.m7md.ali]

معلش ممكن تفاصيل عن اصوات التابلوه وطريقة حلها ؟؟؟
ولا دي سر المهنة؟

[prohossam]

استنى مني تليفون النهردة :d:d

[moamen_badboy]

انا رأيى ان انت تقول حل المشاكل هنا احسن عشان الموقع كله هيكلمك
الا بقى لو انت ناوى تحل المشاكل دى بمقابل
انا مش قصدى حاجة على فكرة بس عشان انت كده هتزهق من كتر المكالمات بس

وانتظر منى مكالمة

[tiger451]

جزاك الله خير

[P_R_I_N_C_E]

طب مشكلة التزيق دى اللى ورا حلها ااايه؟

[Nistelrooy]

طب ما تشاركنا كدا وتقولنا اية الحل .. هنا علشان الكل يستفيد ..

[m3margy]

بسم الله الرحمن الرحيم

اولا انا بشكر كل الناس علي ذوقهم
ثانيا انا هبتدي اشرح كل حاجة بالتفصيل

[eslamkasem]

انت راجل مية مية والله والناس كدا هتحل المشكلة الغبية بتاعة الاصوات المتعدده

[mememsaid]

بجد تسلم عشان اندي شويه اصوات غربيه
اكيد هنتكم ان شاء الله

[mememsaid]

الافضل ان احنا نتقابل
انا هعمل مقابله ويارب نتقابل كلنا عشان نفيد بعض

[m3margy]

مشكلة التابلوه

الواقع ان الصوت دا مشترك فيه مجموعة من العوامل
منها الزجاج الامامي للسيارة و التكييف و الكاسيت ودا اصعب صوت يتم القضاء عليه نهائيا
المشكلة الكوميدية ان كل واحد في دول واخد مرحلة في السرعة بمعني
انت لو علي 90 كم تلاقي صوت الزجاج وعلي 120 صوت التكييف وفوق 130 كاسيت وبعد كده يبدأ العزف
دي خلاصة تجارب المشكلة حلها كالتالي
في الصورة المرفقة هنلاقي علامتين علي مكان تحت الزجاج الامامي وهو قطعتين من الفيبر غير متلاصقتين بالزجاج
ومع السرعة وذبذبة الموتور ( القوي ) :) تبدا السيمفونية ... المطلوب فقط اصدام الفبر ده بالزجاج يكون مرن ومينتجش عنه صوت .... بنقطع قطعتين جلد من ماتيريال طرية ( عشان لو جلد ناشف الصوت هيقل شوية بس مش هيرووح )
ونحط الجلد بين الفيبر والزجاج و بكدة خلصنا الزجاج ... ودي اللي عند غالبية الناس ...
مشكلة الكاسيت ان الكوفر بتاعو بيركب كبس وممكن لو اتفك مرة اما تركبه تاني تلاقيه بيتهز عشان بقي ناعم .... الحل خشن الكلبسات اللي بتركب دي بقطعة سلوتيب وانت بتركبه اكبس كبسة جامدة مرة واحدة عشان ما يتحركش
اخر مشكلة ان مخارج التكييف بتلقلق وعايزة تتظبط زي كلبسات الكاسيت بكام حتة سلوتيب ودي خطر عشان انت محتاج تفك التابلوه وانا احبذ ان دي تتراجع عند متخصص عشان محدش يلبس ايرباج .... بس اظن لن معظم المشاكل في الزجاج

[m3margy]

حوار الصورة ده مجنني ومش عارف ارفعها حد يساعدني ياريت

[shakshak2011]

إنت فينك من زمان .. ده أنا قربت إنتحر من الأصوات ديه
إرفع الصورة على الموقع ده و إدينا اللينك
ImageShack® - Online Photo and Video Hosting