مقابله اعضار بروتون الجمعه القادم

[mememsaid]

السلام عليكوم ورحمه الله وبركاته
اخواني الاعزاني.
عشان كل مره حد فينا يقترح مقابله وماتمش
ونظرا للمكالمه اللي حصلت بيني وبين زميلنا في المنتدي وفي الجروب علي الفيسبوك صلاح حكيم
فاقررنا ان ان شاء الله يوم الجمعه الجايه 18-3-2011 يكون يوم تجمع لجميع ملاك بروتون لمناقشه جميع مشاكلنا
وعشان كل مره المقابله مابتمش ومش عارفين نتقابل وبتقف امامنا عقبات كتيره منها المكان والمعاد وحاجات تانيه كتير بتفركش المقابله فاكنا حرصين ان المكان يكون قريب من الدائري عشان كل الناس تعرف تيجي بسهوله ويكون المعاد مناسب فاقلنا يكون بعد الصلاه مع اعطاء الوقت المناسب للوصول فاقلنا يكون الساعه 2 بعد الصلاه وبالنسبه للمكان كنا حرصين يكون مكان واسع عشان نعرف نقف فيه فاقلنا يكون في التجمع امام مستشفي القوات الجويه في شارع التسعين

اتمني منكم جميعا الحضور
وسواء جه 1000 او 100 او 10 او حتي ماجاش حد خالص ان شاء الله انا وصلاح حكيم هنكون موجودين في المكان
وده تليفوني لو في اي حاجه او محدش عارف يوصل
0105601050

اتمني اني اشوفكم كلكم علي خير ان شاء الله يوم الجمعه 18-3-2011 في التجمع الخامس شارع التسعين امام مستشفي القوات الجويه الساعه 2 بعد الصلاه

[eng_Amr]

انت اخترت يوم !!! عربيتى عملت حادثة وبتتصلح فى التوكيل الايام دى انا كدة مش هقدر اجى لو تتاجل اسبوع هتبقى كويس اوى. انا نفسى احضر جدا.

[Raul_7]

هو التجمع الخامس ده قريب!! ده بالنسبالي سفر.

عامة أنا عندي شغل للأسف يوم الجمعة فـمش هأقدر اجي.

تتعوض إن شاء الله.

[ahmed_h_g]

متأجلها شويه

[mido_soliman]

التجمع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

[eslam_wega]

انا مع التاجيل

[sayed911]

انا شايف انه فيه اقبال من الأعضاء يعني فيه فاعلية ولكن المكان والمعاد محتاجين اعادة نظر كما يبدو...

[mememsaid]

معلش ياجماعه
احترامي لكم جميعا
بس احناا بناجل بقالنا كتير
الشرف كل الشرف للي هيقدر يجي واللي مش هيقدر بس المعاد والمكان زي ماهما
حتي لو روحت لوحدي اهو اروح اتشمس شويه واجي

[mememsaid]

عشان مايتفهمش من كلامي تثبيت الراي
لو المكان مشكله ممكن نغيره
بس لو اختلفنا علي مكان هنرجع للمكان الاساسي واعتقد ان مافيش اهم من مصلحتنا نجري عليها
واللي عايز ياجل ده مش هيبقي اخر مقابله اكيد ان شاء الله هيبقي فيه مقابلت كتير تانيه

[dahy911]

معاكم ان شاء الله على فكره التجمع اقرب مدينه جديده هتيجى من اى حته يوم الجمعه فى نص ساعه ان شاء الله
الهرم مصر الجديده مدينه نصر المعادى وسط البلد السلام
اى حته ان شاء الله متخدش وقت

[eng.m7md.ali]

انا بقول نتقابل قدام بيت حسني سابقا او المرغني في المكان الواسع اللي هناك

[mido_soliman]

مش عارف في اية بصراحة مالكوا اية اللى حصل ؟؟؟
بصراحة احنا فى ظرف قمة فى الدقة ومحتاجين نفكر فى البلد الاول واللى بيحصل فيها واللى حيحصل فيها
مش عارف اية لازمة مقابلة دلوقتى وفى اخر بلاد المسلمين وتانى يوم استفتاء ويعتبر نقلة فاصلة فى تاريخ البلد
وبعدين اية حكاية اللى حيجى حيجى واللى مش حيجى مش عارف اية
انا مش جاى ومش حاجى حتى لو فى ظروف احسن من كدة كمان
ملحوظة علشان محدش يدخل يرمى كلمتين يزعل عليهم بعد كدة
انا صاحب فكرة الصفحة اللى على الفيس بوك وراجعوا التوبيكات بتاعتى علشان محدش يزايد بس
تحياتى للجميع
وانا من هنا بعلن عن مقابلة لكل رجالة بروتون ساكنى 6 اكتوبر وضواحيها لمقابلة عاجلة يوم الجمعة للتناقش فى اراء الاسود فى التعديلات الدستورية ومفيش اى مانع ان احنا نروح مع بعض كلنا يوم السبت نصوت لصالح البلد لان احنا دلوقتى سوف نحاسب امام الله وامام انفسنا وامام الوطن فى تبعيات رفضنا للتعديلات او قبولها
تحياتى للجميع

[eslam_wega]

مش عارف في اية بصراحة مالكوا اية اللى حصل ؟؟؟
بصراحة احنا فى ظرف قمة فى الدقة ومحتاجين نفكر فى البلد الاول واللى بيحصل فيها واللى حيحصل فيها
مش عارف اية لازمة مقابلة دلوقتى وفى اخر بلاد المسلمين وتانى يوم استفتاء ويعتبر نقلة فاصلة فى تاريخ البلد
وبعدين اية حكاية اللى حيجى حيجى واللى مش حيجى مش عارف اية
انا مش جاى ومش حاجى حتى لو فى ظروف احسن من كدة كمان
ملحوظة علشان محدش يدخل يرمى كلمتين يزعل عليهم بعد كدة
انا صاحب فكرة الصفحة اللى على الفيس بوك وراجعوا التوبيكات بتاعتى علشان محدش يزايد بس
تحياتى للجميع
وانا من هنا بعلن عن مقابلة لكل رجالة بروتون ساكنى 6 اكتوبر وضواحيها لمقابلة عاجلة يوم الجمعة للتناقش فى اراء الاسود فى التعديلات الدستورية ومفيش اى مانع ان احنا نروح مع بعض كلنا يوم السبت نصوت لصالح البلد لان احنا دلوقتى سوف نحاسب امام الله وامام انفسنا وامام الوطن فى تبعيات رفضنا للتعديلات او قبولها
تحياتى للجميع

كلام منطقى

[mememsaid]

ازيك ياميدو
مع احترامي لرايك
مالها ظروف البلد باننا نتقابل
هو انا بدعو لمظاهره ولا وقف حال البلد
انا كل اللي دعيت ليه ان احنا نتقابل نتعرف علي بعض ونتناقش في ظروف العربيه اللي احنا راكبينها
ثم انا عندي استعداد اروحلك لغايه اكتوبر بس اضمنلي عدد مناسب يكون موجود
عندي اسعتداد اروح اي حته عشان نتعرف علي بعض ونتناقش في مشاكلنا
وارجو مراجعه كلامي تاني عشان انا ماقلتش اللي هيجي يجي واللي مش هيجي مش عارف ايه
انا كل اللي قلته اي حد واي عدد جاي حتي لو ماجاش حد خالص انا وصلاح هنكون موجودين واتمنيت ان الجميع يكون موجود وده كان نتيجه ان مافيش مقابله بتم
علي العموم ديه مش هتبقي اخر مره نتقابل ان شاء الله والمره الجايه لو تحب تبقي في اكتوبر انا هكون اول واحد معاك ان شاء الله