يااااااه يادوب اللي التوكيل افتكر ينزل اعلان في اخبار السيارات عن الجين 2

[air_forces200]

الاعلان نزل في ملحق الجمعة وكان فيه صور جين تو 2007 وكمان هو هو بنفس الكلام والصيغة اللي اتكتب فيها من 6 او سبع شهور فاتوا عن الجين 2و برده وكانت الصورة ساعتها لجين تو في مساحة 2سم في 2 سم
في البداية باشكركم بجد علي الموقع وعلي الردود والاسئلة والخبرات اللي عند حضراتكم انا متابع للموقع ده تقريبا بقالي اكتر من 8 شهور بس باتابع من بعيد باجمع معلومات واقرا وجهات النظر واشوف بنفسي الاتفاق علي المميزات والعيوب بالنسبة للجين 2 وانا ليا رأي شخصي او وجهة نظر يعني ساعات احس ان العربية دي جامدة فعلا وساعات اقلق منها لكذا سبب في العيوب اللي باسمعها حتي لو بدت عيوب تقفيل بسيطة وبتتحل في التوكيل بس دي حاجة بايخة ان عربية جديدة تبقي فيها شوية العيوب الساذجة دي وهي جديدة وقريت قبل كده من بعض الاعضاء ان فيه عيوب بتظهر اكتر من مرة وبتتزبط في التوكيل زي زرار المرايات والازاز والكلام ده سؤالي اللي محتاج حد يجاوبني عليه بكل موضوعية وبدون اي تحيز للسيارة وياريت الاستاذ توت يرد عليا لاني دايما مهتم بقراية موضوعاته واحييه علي الموضوعية الكاملة بتاعته السؤال هو ياتري بعد 4 او 5 سنين من دلوقتي اللي جايب العربية هل هاتظهر معاه عيوب اكبر من كده بكتير ولا هي نفس العيوب الساذجة دي وسؤال تاني او خلينا نقول برده راي ووجهة نظر شخصية بحته ان توكيل عز العرب انا حاسس ان الناحية التسويقية بتاعته عنده مافيش خالص لاني باشتري الاهرام كل يوم جمعة فين وفين لما اقراله اعلان وبيبقي اغلب الاحيان عن السيتروين في حين لو بصيتوا علي نفس الجريدة تلاقوا اعلانات غبور في كل حنة واعلانات منصور شيفروليه برده في كل حته واللي يفتكر ايام مالتويوتا ياريس نزلت كان صداع بيبقي في اخبار السيارات بتاع يوم الجمعة لكل عصر مش عارف له ايه وهذا العصر له ياريس اللي يفتكر الاعلان ده بجد كنت باغير ونفسي اشوف حاجة او احس بشيء ملموس بيعمله التوكيل بغض النظر عن معاملته ناس بتشكر فيه وناس بتقول انه مش متعاون قوي المهم باطرح فكرة عليكم او خلينا نقول تخيل بسيط لو كان توكيل الجين تو مع غبور او منصور تفتكروا الموضوع كان هايختلف كتير ولا لأ في نفس الوقت لو فيه عربيات واخدة حقها بزيادة وهي متستاهلش موجودة في السوق انما التوكيل عرف يسوقها صح ولو فيه عربيات مظلومة والناس واخدة عنها فكرة غلط تفتكروا لو كان توكيل تاني كان عمل ايه واسف علي الاطالة واشكركم ومستني رد حضراتكم ورد الاستاذ توت شكرا...

[tutankhamoun]

أخونا العزيز " القوة الجوية 200 "
أنا آسف لم أرى سؤالك لأني كنت مشغول الفترة الماضية

أولا بالنسبة للعيوب .......... لا يوجد عيوب منذ موديلات 2007
يعني لم أرى أي مستهلك أشترى السيارة في موديلات 2007 و أشتكى إن في أي عيوب حتى العيوب الهايفة لم تظهر
و أنا و الحمد لله و لا حول و لا قوة إلا بالله ....... لم تظهر معي أي عيوب نهائيا

و بالنسبة للسؤال الثاني الخاص بالإعلانات

أنا كنت مقتنع إن العربية دي لو توكيلها مع مجموعة غبور كانت هاتبيع أكتر من كدا

و لكن الإيجابي في الموضوع إن العربيات البروتون بتتباع من غير إعلانات !!!!
و هذا و إن دل فيدل على شئ هام جدا
و هو أن الناس تشعر أن هذه السيارة بالفعل سيارة العمر بمعنى
أنت لما تبص على العربية من الخارج و هذا في البداية تشعر أن صاجها قوي و تحس إن العربية ماسكة نفسها
لو لمست الصاج سيتأكد لديك هذا الشعور بالقوة
لو فتحت باب من أبواب العربية سترى صالون فخم في الواجا و صالون رياضي في الجين 2
و الأهم عندما يتم وضعك على عجلة القيادة
صوت المحرك صوت قوي ......... و تشعر أن محركات شركة بروتون المدعومة بتكنولوجيا من ميتسوبيشي في الموديلات القديمة و المحركات الجديدة ذات الصناعة الماليزية و التكنولوجيا الإنجليزية ......... تشعر بأن المواد الخام المستخدمة لصناعة تلك المحركات ..... مواد خام صنعت لتعيش
و هذا إحساس تشعر به عندما تقود سيارة من منتجات غبور و خصوصا الفيرنا ........... لا يوجد وجه مقارنة !
و بعدين بما إن المواد الخام المستخدمة أفضل فيؤدي ذلك لرفع الثمن و لو أضاف عز العرب ثمن الإعلانات على السيارات سيرتفع الثمن دون شك
و أنا في إعتقادي إن عز العرب بيحاول جاهدا تقليل التكاليف للحفاظ على ثمن السيارة من الطلوع إلى رقم يفزع الناس
و خصوصا و أنت تعلم إن الناس في مصر كلها تفكيرها رايح على إسم بلد المنتج و ليس المنتج نفسه .
و لو لاحظت إن العربيات اللي عز العرب ماسكها عربيات غالية شوية زي السيتروين و هو بيحاول أن يخفض التكاليف شوية
و خصوصا إن الجين 2 بتتباع خارج مصر في بثمن يبدأ من 110 ألف جنيه مصري و أنا بتكلم عن نفس المويدل و الإمكانيات
و في سيارات أخرى تباع في السوق بأسعار تفوق السوق العالمي بكثير و خصوصا التوكيلات اليابانية " تويوتا و ميتسوبيشي "
و أنا في إعتقادي إن غبور لعبها صح
هيونداي عملت اسم كويس في السوق .... و منتجاتهم رخيصة لعدة أسباب و منها الإنتاج الكبير و إستخدام خامات معقولة في السيارات الرخيصة
و لذلك حتى لو جين 2 مع غبور و حجم الإعلانات ...... فكان السعر هايرتفع و كانت ممكن المبيعات تقل .
و على فكرة عز العرب مش توكيل وحش و لا حاجة
هما معقولين ....... لا هما ممتازين ......... و لا سيئين

و أنا في خدمة حضرتك و أي سؤال أنا أعرفه .... سأجاوب عليه بعون الله

[m_marmoush]

كان مكتوب فى أعلان الجمعه الى فاتت انها فيها 2 أيرباج جانبيه بالأضافه إلى ال 2 الأماميه, ياترى هل فعلا فيها أير باج جانبيه و لا نزلت غلط فى الأعلان ؟؟؟

[Powert]

لأ نزلت غلط , العربية فيها 2 ايرباج واحد لسواق وتانية للي جنب السواق بس

[air_forces200]

شكرا جداااااااااااااااااااااااااا استاذ توت

اشكرك جدا ياعزيزي توت وانا كنت متأكد انك هاتجاوبني علي اسئلتي بمنتهي الحيادية والموضوعية وفيه حاجة كمان بالنسبة للتسويق ليا تعليق عليها يعني مثلا لو كان فيه اعلانات من عز العرب علي العربية حتي لو في التليفزيون كل اسبوع او عشر تيام مرة مثلا زي اعلان الاوبترا بتاع احمد حلمي ومني زكي او اعلانات من فترة للتانية في اخبار السيارات اكيد ده كان هايشجع الناس اكتر انها تشتري العربية وطبيعي جدا كان هاتبقي فيه زيادة في حجم مبيعات العربية واحنا عندنا هنا في مصر عادة بالنسبة للعربيات ان كل ماكترت في شوارعنا الناس بتفتكر انها عربية سوبر من الاخر ويقلك دي عربية كويسة ماهي كل الناس راكباها انا عن نفسي بصراحة مش بحب المبدأ ده بحب تكون عربيتي مميزة مش اي حدة راكبها والقي نص مصر ماشية بيها وبالنسبة لحتة الاعلانات مايتهياليش يعني لو زادت شوية حتي لو في التليفزيون مثلا كل شهر ان ده ممكن يرفع سعر العربية لان ناحية التسويق دي مهمة جدا انه يتصرف عليها علي اي منتج مش بالنسبة للسيارات وبس لانها زي اي سلعة مهمة ومهمة جدا كمان لان تمنها مش قليل فلازم تتسوق صح عموما انا حبيت اشارك حضرتك بوجهة نظري انما ده مش حكمي علي العربية طبعا لاني ناوي اجيبها قريب باذن الله بس باحب اجمع معلوماتي كلها الاول عشان ابقي مرتاح البااااااال وصحيح في سؤال تاني برده كنت قريت حاجة عنه في المنتدي ده برده كان صاحبه بيتكلم عن الفرن اللي ورا الموتور او حاجة كده كان بيقول ان الفرن في اي عربية المفروض انها بتتحط ورا الموتور مش قدامه زي الجين تو مثلا لان لو قدام الموتور حتي لو كان بغرض التبريد فده معناه ان السخونة بتاعت الفرن دي هاتاثر علي العمر الافتراضي للموتور , دي كانت حاجة انا مش فاهمها وياريت حضرتك ترد عليا فيها واشكرك جداااااااااااااااااا علي حسن متابعة حضرتك شكرااااااااااااااا

[tutankhamoun]

أنا أول مرة أسمع موضوع الفرن ده !!!!!؟؟؟؟؟؟؟
ده ما هو فرن البونتو أمام المحرك و ليس خلفه !!!
و فرن كذا عربية فورد ركبتهم خارج مصر كان أمام المحرك

أيه مشكلة الجين 2 ؟؟؟؟؟؟؟؟
هي الناس عايزة تفتي و خلاص بدون فهم !!!!!!!!
شئ بجد بجد بجد بجد بجد غريـــــــــــــب
شعــــــــــــب غريب بيفتي و كأنه عالم مٌنزل من السماء

[air_forces200]

انا زيك صدقني مستغرب انا بس قلت اسأل حضرتك بالنسبة للموضوع ده هل فعلا فيه شيء من الصحة ولا اللي انا قريتله الفقرة دي كان مجرد بيطرح وجهة نظر ولا كان بيفتي مش عارف

[tutankhamoun]

انا زيك صدقني مستغرب انا بس قلت اسأل حضرتك بالنسبة للموضوع ده هل فعلا فيه شيء من الصحة ولا اللي انا قريتله الفقرة دي كان مجرد بيطرح وجهة نظر ولا كان بيفتي مش عارف

هو أنا مش متأكد من صحة أو غلط المعلومة
و لكني متأكد إن الفرن موجود في الفيات البونتو أمام المحرك و أعتقد أنه لو كان خلف المحرك كانت درجة حرارة المحرك سترتفع بطريقة مهولة و أيضا المقصورة الخاصة بالركاب
و أيضا عدة موديلات من شركة فورد ركبتهم خارج جمهورية العك و السلطة و الكوسة العربية ......... و أيضا كان الفرن أمام المحرك ......... و أعتقد أني رأيت سيارة أودي و الفرن الخاص بها أمام المحرك أيضا
و لك أن تحكم

[معاذ الشرباصى]

ممكن الاشاعة دى تكزن طلعت عشان الاسبرانزا الفرن بتاعها موجود للخلف, ناحية المقصورة, و ده احد اكبر عيوبها

[air_forces200]

استفسار طيب ليه الجين2 مافيش منها لون ابيض في مصر

ليه الجين2 مافيش منها لون ابيض في مصر انا شوفت صورتها قبل كده علي موقع بنفسي وكان لونها ابيض لاني باحس ساعات ان اللون الابيض في العربية من بعيد بيبين العربية كانها اكبر من حجمها بشوية في حين ان الحجم طبيعي هو هو بس ده مجرد احساس وممكن يكون عند ناس كتير يعني مثلا من النادر لما باشوف الالنترا الجديدة لونها ابيض وباحسها اكبر من العربيات باقي الالوان في حين اني عارف طبعا ان حجمها هو هو او هل يمكن عشان اللوح الفاتح عموما دايما بيدي مساحة انتشار اكبر بالنسبة للاسطح والمجسمات عن باقي الالوان

[air_forces200]

اسف قصدي اللون الابيض مش اللوح الابيض اسف

[fahd_628]

يا جماعة مفيش اى مشاكل فى ان الفرن يبقى فى الأمام كل عربية و تصميمها و فية عربيات كتيير الفرن بتاعها قدام