ناوى بإذن ربنا أشتري ساجا اوتوماتيك ومحتاج مساعدة منكم ياجماعة

[Wnshz]

أولا مساء الخير علي جميع ملاك بروتون المحترمين .. ثانيا انا عضو جديد فى المنتدي وباتعلم السواقة و الحمدلله فيه تقدم .. بس من كام يوم سألت نفسى طب علي ايه وجع القلب ومانيوال وغيارات مالواحد يجيب اتوماتيك و يلخص .. المهم انى كنت متحمس جدا للرينو لوجان بس لما فكرت فى اوتوماتيك لقيت ان الساجا تغلب بس محتاج اجابه لبعض الأسئلة من حضراتكم لأنى باتمنى أنضم ليكم وأبقى عضو فعال فى المنتدي :

1 - ايه هى عيوب الأوتوماتيك مقارنة بالمانيوال وليه الناس بتفضل المانيوال مع انه كله تعب

2 - ايه ترتيب الغيارات علي فتيس الساجا الأوتوماتيك بالحروف وامتي نستخدم كل غيار

3 - إيه ظروف التوكيل وخدمات ما بعد البيع .. يعنى هل التوكيل متعاون وقلبه علي العميل ولا أي كلام

4 - لو حبيت أشتري العربية ايه احسن مكان اشتري منه؟ انا بافكر ف أباظة أوتوتريد فرع قنا لأنى عايش فى سوهاج وده اقرب موزع ليا واسمع انه محترم .. هل فيه حد عنده اقتراح احسن ؟

أعتذر للإطالة ياجماعه بس العربية عاجبانى و نفسى حد يطمنى عشان اتشجع واجيبها ومتشكر لسعه صدوركم

[mememsaid]

أولا مساء الخير علي جميع ملاك بروتون المحترمين .. ثانيا انا عضو جديد فى المنتدي وباتعلم السواقة و الحمدلله فيه تقدم .. بس من كام يوم سألت نفسى طب علي ايه وجع القلب ومانيوال وغيارات مالواحد يجيب اتوماتيك و يلخص .. المهم انى كنت متحمس جدا للرينو لوجان بس لما فكرت فى اوتوماتيك لقيت ان الساجا تغلب بس محتاج اجابه لبعض الأسئلة من حضراتكم لأنى باتمنى أنضم ليكم وأبقى عضو فعال فى المنتدي :
احب ان اكون اول واحد يرد ويارب افيدك
1 - ايه هى عيوب الأوتوماتيك مقارنة بالمانيوال وليه الناس بتفضل المانيوال مع انه كله تعب
الناس اللي بتحب تشد وتسحب بالعربيه بس هي اللي بتحب تجيب المانيول وعيوب الاوتوماتيك انك مابتعرفش تشد بالعربيه زي المانيول والصيانه بتاعته واستهلاك البنزين اعلي شويه من المانيول اما مميزاته حدث ولا حرج كفايه اوي متعه السواقه وانت جوه البلد

2 - ايه ترتيب الغيارات علي فتيس الساجا الأوتوماتيك بالحروف وامتي نستخدم كل غيار
من تحت لفوق
l زي الاول في المانيول بيستخدم في المطالع والمنازل الجامده
2 الغيار التاني
3 الغيار الثالث
d وده غالبا اللي بتستخدمه وبينقلك كل الغيارات السابقه اوتوماتيك
n وده كانك ممور العربيه
r المارشدير
p وده التعشيق
وممكن لو عايز تشد بردو زي المانيوال تنقل عادي ما بينهم

3 - إيه ظروف التوكيل وخدمات ما بعد البيع .. يعنى هل التوكيل متعاون وقلبه علي العميل ولا أي كلام
التوكيل كويس كفايه اوي لما لاقي شكوي جماعيه المهندس امر جه المقابله بنفسه عشان يعد معانا ويحللنا مشاكلنا وغير التوكيل عند مركز صيانه محترم جدا اسمه عصام وصفا
4 - لو حبيت أشتري العربية ايه احسن مكان اشتري منه؟ انا بافكر ف أباظة أوتوتريد فرع قنا لأنى عايش فى سوهاج وده اقرب موزع ليا واسمع انه محترم .. هل فيه حد عنده اقتراح احسن ؟
اي حته المهم انك تستلم بسرعه عشان الموزع مالوش اي دور عير انه بيبعلك العربيه
أعتذر للإطالة ياجماعه بس العربية عاجبانى و نفسى حد يطمنى عشان اتشجع واجيبها ومتشكر لسعه صدوركم

انت تأمر وربنا يوفقك وممبروك مقدما

[sayed911]

الأستاذ محمد اجاب ووفا وزاد وغطى ...... تحياتي لك يا استاذ محمد ..

[Wnshz]

الف شكر ليك يا استاذ محمد وكفاية ذوقك وانا كنت ناوى اسأل عليك لو ماكنتش انت جاوبت بنفسك لأنك من الناس المحايدة اللي بتقول الحق .. بس كنت محتاج اسألك كمان فى كام نقطة مدايقانى من بروتون وأتمنى انك تريح بالي ..

أول حاجه مدايقانى ان فيه بعض الناس بتقولك تقفيل العربية (اخص بالذكر التابلوه والصالون) اقل من اللوجان والعفشة مش ناعمة .. هل ده صح ولا ال2 زي بعض ؟

تانى حاجه طمنى عملتو ايه فى موضوع استهلاك البنزين و هل الواحد هايضطر ينضف الفلتر كل شوية ولا فيه حل؟ انا عن نفسى مش هاتحرك بيها كتير وحكاية الاستهلاك مش هاتقلقنى

تالت حاجه عايزك تقولها بصراحه ايه اللي بيدايقك فى العربية غير استهلاك البنزين يعنى فى اللوجان هاتلاقي رعشة الفتيس وعضة المارشدير و سخونية الدواسات و كل دي عيوب اتعالجت هل الساجا فيها عيوب حيوية؟

أخيرا يا استاذ محمد اشكرك انت واستاذ سيد لسرعه الاستجابه وربنا يكرمكم ويباركلكم

[mememsaid]

الأستاذ محمد اجاب ووفا وزاد وغطى ...... تحياتي لك يا استاذ محمد ..

تحياتي ليك ياباشا
بس بلاش استاذ دي ده احنا اخوات والاخوات مافيش بينهم اللقاب

[mememsaid]

الف شكر ليك يا استاذ محمد وكفاية ذوقك وانا كنت ناوى اسأل عليك لو ماكنتش انت جاوبت بنفسك لأنك من الناس المحايدة اللي بتقول الحق .. بس كنت محتاج اسألك كمان فى كام نقطة مدايقانى من بروتون وأتمنى انك تريح بالي ..

أول حاجه مدايقانى ان فيه بعض الناس بتقولك تقفيل العربية (اخص بالذكر التابلوه والصالون) اقل من اللوجان والعفشة مش ناعمة .. هل ده صح ولا ال2 زي بعض ؟
انا بصراحه ماركبتش اللوجان عشان اعرف اقارن ما بينهم وحل الموضوع ده سهل اوي انك نتروح تركب الاثتني عشان تشوف بعينك سيبك من الناس اللي بتقول عشان انت اللي هتركب فا لازم تشوف بنفسكبس اقدر اقولم علي عفشه الساجا انها ممتازه من وجه نظري
تانى حاجه طمنى عملتو ايه فى موضوع استهلاك البنزين و هل الواحد هايضطر ينضف الفلتر كل شوية ولا فيه حل؟ انا عن نفسى مش هاتحرك بيها كتير وحكاية الاستهلاك مش هاتقلقنى
اختصارا لموضوع استهلاك البنزين العربيه ديه استهلاك ال1600 تقريبا والاداء افضل من ال1600 بمراحل كفايه اوي اقولك ان مافيش عربيه بنفس سعرها 1600 ممكن تطلع منها اما استهلاكها علي الطرق السريعه ممتازه هي مشكلتها في وسك البلد
تالت حاجه عايزك تقولها بصراحه ايه اللي بيدايقك فى العربية غير استهلاك البنزين يعنى فى اللوجان هاتلاقي رعشة الفتيس وعضة المارشدير و سخونية الدواسات و كل دي عيوب اتعالجت هل الساجا فيها عيوب حيوية؟
انا عن نفسي مالمستش اي مشكله غير استهلاك البنزين غير كدا عربيه تقدر تعتمد عليها بجد عاليه وراسيه وجرايه وركوبه محترمه وواسعه والاوتوماتيك بتاعها تحفه مع العلم ان الفتيس الاوتو اللي فيها متسوبيشي مش كوري وده سبب اساسي خالاني اشتريها
أخيرا يا استاذ محمد اشكرك انت واستاذ سيد لسرعه الاستجابه وربنا يكرمكم ويباركلكم

لو عايز اي حاجه كلمني اي وقت وانا تحت امرك
1015601050
طلب اخير بلاش استاذ احنا اخوات

[Wnshz]

جزيل الشكر يا حاج محمد لسرعة ردك واهتمامك .. انا فعلا العربية عاجبانى و ناوى اخلص فيها بس كل ما استشير حد من اصحابي او قرايبي يقولي خليك ف الكوري أو اليابانى غير كده ماتفكرش .. انت عارف عقلية الشعب المصري والمشكلة انك ماتعرفش تقنع حد بوجهة نظرك لأنى لحد دلوقت ماشفتش فى سوهاج عربية بروتون توحد ربنا .. أقول بروتون ساجا الاقي الناس بتقولي ايه ساجا دي؟؟ وكل اللي ف دماغهم البروتون=جين2 .. عموما هاستخير ربنا واللي فيه الخير يتم .. وان شاء الله هاتصل بيك قريب يا باشا ربنا يكرمك

[mememsaid]

بالظبط كدا
انا قبل ماشتريها كان ابويا عايزني اجيب الاكسنت زي اخويا بس كل اللي عملته اني صليت استخاره وبرنا كرمني الحمد لله
وانا مستني اتصالك في اي وقت

[Wnshz]

طيب يا محمد بيه تتعب تصحح رقمك عشان كل ما احاول اتصل بيك ترد عليا ولية تقولي الرقم غير موجود بالخدمه وتقفل ف وشى

[mememsaid]

يادي النيله
انا قلت للوليه ديه ماتردش علي تليفوناتي خالص \بس اما اشوفها بس هظبتهالك
ده ياسيدي الرقم الصح
0105601050

[tiger45]

الف مبروك

[Wnshz]

مساء الخير ياجماعه .. بعد الإتصال بعز العرب وسؤالهم عن مراكز الصيانة إتضح ان بروتون مالهاش مراكز صيانة فى الصعيد ده طبعا بخلاف ان مفيش معرض بيع و كده طبعا الصيانة هاتبقى صعبة (لازم اروح القاهرة) والشراء هايبقى أصعب ومع إنى حابب حكاية الاوتوماتيك ف الساجا بس انا قررت اجيب رينو لوجان لأن توكيل رينو هايفتح مركز صيانة في اسيوط قريب ولها معرض فى سوهاج ده غير انها انتشرت جامد عندنا و انا هاضغط علي نفسى واستحمل رذالة المانيوال واللي شجعنى اكتر ان العربية عليها عرض لحد اخر مارس ب 69000 بدل 71000 .. جزيل الشكر للحاج محمد سعيد عشان صدعته بإتصالي (هوة ميمى بس راجل أوى) وجزيل الشكر للأخ سيد وربنا يخليله بروتون اللي شعارها وقع واسف عشان صدعتكم معايا وادعولي ربنا يوفقنى

[sayed911]

والله مع اني صعبان عليا انه يبقى عاجباك العربية وتبقى شداك وللأسف ظروفها تبقى صعبة ولكن الحمد لله على كل شئ ويكفي تعرفنا لأخ زي حضرتك وبالتوفيق يا اخي ..

[Wnshz]

الشرف لينا يابو السيد وبإذن ربنا اشوفكم فى مقابلة أسود بروتون اللي جاية

[aladdin3d]

موفق ان شأء الله