مشكلة غريبة فى كاسيت الساجا !!!!!

[sleepyhammer]

عندى حاجة غريبة بقالها فترة كده بتحصل ...

لما بحط الموبايل تحت الكاسيت فى الدرج الفاضى ده ولما تيجى مكالمة او حتى الذبذبات بتعته تشتغل الاقى الكاسيت طفى لوحده؟؟؟؟
ولما افتحه تاني الاقيه جى على الراديو كمان مش السي دى ؟؟؟

بصراحة انا شايف انها حاجة محيرة دى من الكاسيت ولا من كهربة العربية ومش عارف حاسس ان التوكيل بردو مش هيعرف السبب
فقولت اسالكم لو حصلت عند حد يساعدنى او نفكر ممكن تكون ايه؟؟؟؟؟
عشان خايف تكون مشكله فى الكهربا خصوصا انا معملتش اى حاجة فيها ولا كهربتها
وانا عامل بيها 4300 كيلو بس

[sayed911]

بص انا ها ابقى سلبي جدا وها اقولك بلاش تحطوا هنا زي ما انا بعمل خصوصا انه مثلا البلاك بيري عندي بيعمل اب ديت كل 3 دقائق من الشبكة عشان كده بيفضل تن تن تن تن تن بنصيحة خليه بعيد عنه وخلاص ولكن بصراحة دي غريبة شوية يمكن عشان الذبذبات تحت الكاسيت مباشرة دي بقى عايزة حد خريج اتصالات عشان الموجات دي مش عارف وضعها ايه ولكن هل لو المبايل في حتة تانية زي جنب الهاند بريك ورن بيأثر عليه في حاجة ؟

[sleepyhammer]

لما بيكون بعيد طبعا مبتأثرش بس اول ما تسمع صوت الذبذبات دى بيفصل
انا بجد حتجنن مش عارف احلها ازاى وخصوصا انى معنديش وقت اتفرغلها بسبب الشغل

[sayed911]

طيب متجرب تغير وتجيب موبايل تاني وتحطوا في نفس المكان وتتصل بيه وتشوف الفكرة مش يمكن الموبايل ده بالذات هوة اللي اشعاعاتوا كثيرة ؟؟؟؟ يعني اقصد جرب وحط نمرتك في موبايل تاني وجرب يومين ثلاثة هيا العملية ها تتكشف بس بالـ الخطأ والمحاولة ..

[sleepyhammer]

والله فكرة !!
حجرب واشوف واقولك وربنا يسهل
وشكرا

[mahmoud18]

نفس المشكله ديه عندى و بتحصل مع كل الموبيلات
بئيت برمى الموبيل فى ابعد حته علشان الكاسيت ميطفيش
واضح انها مشكله فى الكاسيت
مفروض يبقى فى معالجه فى الكاست للسيجنال دى و يتعملها فلتر و تتشال؟!

[sleepyhammer]

طب ده معناه ايه بقى ؟؟؟

يعنى مشكلة الكاسيت ولا الكهربا مش مظبوطة؟؟

[misho502]

نفس الموضوع ده اتكرر معايا كتير و بيعمل ريسيت لكل محطات الراديو اللى مسيفها عليه كمان و الأوكلايزر كمان يعنى بيعمل اعاده ضبط المصنع لوحده بسبب ان الموبايل محطوط فى الدرج اللى تحت الكاسيت مباشره , فبقيت احط الموبايل فى الدرج اللى تحت الدريكسيون و خلاص و اريح دماغى , لأنى فى صيانه ال5000 كم قولتلهم على بيحصل معايا و ممكن يكون عيب كهرباء و قالولى شيكو على الكهرباء و مفيهاش حاجه , بصراحه مش واثق فيهم , و قاللى م/ احمد عبد الهادى روح توكيل الكاسيت فى شارع احمد عرابى بالمهندسين و هما يشيكو ع الكاسيت , لقيت نفسى هدخل فى فيلم طويل فقصرت وقلت ابعد الموبايلات عن الكاسيت و خلاص.

[Ahmed.Ali]

انا رأيي انك فعلا تروح توكيل الكاسيت لان هم الي معاهم الضمان مش عز و شوف لو ينفع يغيروه

[mememsaid]

الموضوع مش عند عز العرب ولو روحت هيقولولك روح لتوكيل الكاست بس كبر وماتحوطش الموبايل جمب الكاست

[walids]

عندي بيعمل ذبذبه لكن مبيفصلش الكاسيت

[monarch]

ههه يا اخي الكاسيت لعندك في الساجا افضل نوع كاسيت في العالم ، حيث أنه يعمل بنظام حساس جداً فإذا زاد معدل المجال الكهرمغنطيسي عن اللازم فإن الكاسيت بيفصل العمل ويعمل رستارت لحماية القطع الإلكترونية بداخله وطبعاً هناك ميزات عديدة في جهاز كلاريون لايمكن ان تتخيل انه قادر على فعلها ومن احدها أنك تستطيع أن تضبط الإعدادت لتنبيهك برسائل الإنذار الإخبارية ويقوم الجهاز من تلقاء نفسه بالتحويل الى الموجات الراديوية حتى ولوكنت تستعمل الكاسيت وحتى لو كنت واضع الفاليوم على الصفر فإنه يتحكم بحجم الصوت بنظامه الداخلي وميزات اخرى كثيرة لازم تجرب..
حقيقة شي رهيب فاستمتع به.....

[sleepyhammer]

ههه يا اخي الكاسيت لعندك في الساجا افضل نوع كاسيت في العالم ، حيث أنه يعمل بنظام حساس جداً فإذا زاد معدل المجال الكهرمغنطيسي عن اللازم فإن الكاسيت بيفصل العمل ويعمل رستارت لحماية القطع الإلكترونية بداخله وطبعاً هناك ميزات عديدة في جهاز كلاريون لايمكن ان تتخيل انه قادر على فعلها ومن احدها أنك تستطيع أن تضبط الإعدادت لتنبيهك برسائل الإنذار الإخبارية ويقوم الجهاز من تلقاء نفسه بالتحويل الى الموجات الراديوية حتى ولوكنت تستعمل الكاسيت وحتى لو كنت واضع الفاليوم على الصفر فإنه يتحكم بحجم الصوت بنظامه الداخلي وميزات اخرى كثيرة لازم تجرب..
حقيقة شي رهيب فاستمتع به.....

---------------------------------------------------------------------------------------------------------------------

ايه ده هل حقيقي فى كده فى الكاسيت ده؟؟؟؟

دى تبقى حاجة كويسة اوى بس فى نفس الوقت مزعجة برده عشان بتضيع كل حاجة متسيفه على الكاسيت

!!!! اللى حيجننى انى جيت اجرب تانى مفصلش ؟؟؟؟ مش عارف بقى ايه ده شغل عفاريت

انا مش هاممنى الكاسيت اد ما هممنى الكهربا بتاعت العربية خايف انها تكون فيها مشكلة بس كده

وعلى العموم مشكور يا باشا على المعلومة ويارب تكون فعلا كده

[monarch]

اخي الكريم ان المجال الكهرومغنطيسي يؤثر بشكل فعال على الأجهزة الإلكترونية وخاصة الدارات ذو الحساسية العالية ولذلك فإن نظام عمل حساسات الكاسيت تقدر نسبة معدل الحقل الكهرومغنطيسي وتستجيب بفصل الدارة اذا زاد المعدل عن حده ويمكن ان يكون الكاسيت لم يفصل احيانا كون المعدل مسموح به ولايؤثر على الجهاز ،اما بخصوص الفلاتر فلا تصدق ان هناك فلتر يمنع او يثبط عمل المجال الكهرومغنطيسي والدليل على ذلك انه في المشافي التي تستخدم اجهزة الكترونية ومجالات كهرومغناطيسية حساسة يطلبون منك اقفال الجوال لكي لاتؤثر على عمل هذه الأجهزة وتقدر قيمة الأجهزة احيانا بمئات الملايين من الدولارات فلماذا لم يخترعو لها فلاتر تمتص الإشارة؟؟
لذلك افضل حل انك تبعد الجوال عن حساسات الكاسيت

[powerofhelll]

غريب الموضوع ده انا مش بيفصل عندي