جين 2

[alemam2005]

السلام عليكم
ان شاء الله ناوي اشتري جين 2 بس اللي مخوفني ان البعض بيشتكي من مشكله الاسكترا بتعمل دربكه في المطبات و البعض بيشتكي من التقفيل ممكن اعرف ايه المشاكل دي
الرجاء الافاده

[heartbreaker]

am gonna be honest with u, i havent got the car but i think from wht i heard and red from its users it wont be something more than the problems u might be facing with a Korean car.

[Ahmed.Ali]

موضوع علبه الدركسيون مش بشع زي ما انت متخيل انا عن نفسي مكنش مدايقني بس برضوا عملت تعديل نزلته ماليزيا و دلوقتي مفيش اي اصوات بالمره

[alemam2005]

متشكر جدا علي الرد انا كان معي افيو و كنت بعاني من مشكله الدربكه دي جدا مش عاوز اجيب عربيه و تكون فيها نفس المشكله
طيب هل الموديلات الجديده من جين 2 لسه فيه الصوت ده و لا هي بتنزل متعدله

[ahmad alshaaer]

come on and check this link please

Welcome to Facebook - Log In, Sign Up or Learn More

thx

[م.محمد مختار]

المشاكل دي بسيطة جداً ولا تندرج غير تحت بند البحث عن الكمال...
الحل: اتفضل في أي وقت آخدك لفة بالعربية و لو سمعت صوت ابقى احكم عليه بنفسك... :)

[alemam2005]

طيب ايه اخبار استهلاك البنزين

[Ahmed.Ali]

استهلاك البنزين حسب طريقه سواقتك لو انت مش بتاع حرق و جري الاستهلاك متوسط و مقبول جدا بالنسبالي 1 لتر لكل 10 كيلو

[Raul_7]

فيه مشاكل تقفيل بالفعل وإن كانت بسيطة وفيه اصوات برده بس كلها حاجات هايفة بصراحة مابتمنعش الواحد من الاستمتع بسواقة العربية, أنا داخل على سنة بالعربية أهو وبأحس بنفس المتعة في كل مرة اركبها أروح بيها أي حتة بالرغم من بعد الأصوات البسيطة زي ما قلت لحضرتك.

[alemam2005]

شكرا جدا يا جماعه علي الردود و جزاكم الله خيرا

[م.محمد مختار]

استهلاك البنزين حسب طريقه سواقتك لو انت مش بتاع حرق و جري الاستهلاك متوسط و مقبول جدا بالنسبالي 1 لتر لكل 10 كيلو

أقل كمان
لو الطريق واقف وبتستخدم فرامل طول الوقت ----> 11.5 لتر/100ك

لو الطريق متوسط وسرعة متوسطة داخل البلد ----> 7.7 الى 9 لتر/100ك

لو الطريق ساااالك وسرعة متوسط 90ك/س (سفر مثلاً) ----> 5.5 الى 6 لتر/100ك

[alemam2005]

الحمد لله النهارده ركبت برسونا 2010 بسم الله ما شاء الله الموتور قوي جدا و كل الل سمعته عن مشاكل العفشه كل ده مش موجود بالاضافه ان الاتزان ممتاز---- العربيه دي كانت منيوال مش عارف هل الجين 2 الاتوماتك نفس المستوي و لا اقل --- كمان انا لاحظت ان الموتور عليه غطاء فبر مش ذي اللي شوفته في الصور

[Raul_7]

حضرتك اللي شفته ده الموتور ال cps ال 125 حصان, ده مابينزلش عندنا احنا عندنا الكامبرو ال 110 حصان.

[alemam2005]

طيب الجين 2 2011 بتنزل ب CPS ولا cam pro

[alemam2005]

ممكن اشوف صوره الموتور اللي بينزل في مصر في الجين2