المساعدين فى الساجا

[Baher_Algogary]

المشكلة انى فى صيانة 5000 رحت علشان اعمل الصيانة و كمان
كان فى مشكلة انه فى صوت طقة غريبة ناحية العجل الامامى هذا
بالاضافة انه فى مشكلة فى شداد الباب الامامى (لم يتم حلها أيضا ) المهم لما كشفوا فى توكيل عز العرب الصحراوى لقوا ان المساعديين لازم يتغيروا و لكن
قالوا ان المشكلة انهم معندهمش المساعديين دول الأن احجز وهنبقى نتصل بيك اتصلت بيهم تانى بالأمس قالوا لسا
مفيش حاجة جت و صوت الطقة قاعد بيزيد

فارجو المساعدة لمن يستطيع المساعدة

شكرا

[afr80]

المشكلة انى فى صيانة 5000 رحت علشان اعمل الصيانة و كمان
كان فى مشكلة انه فى صوت طقة غريبة ناحية العجل الامامى هذا
بالاضافة انه فى مشكلة فى شداد الباب الامامى (لم يتم حلها أيضا ) المهم لما كشفوا فى توكيل عز العرب الصحراوى لقوا ان المساعديين لازم يتغيروا و لكن
قالوا ان المشكلة انهم معندهمش المساعديين دول الأن احجز وهنبقى نتصل بيك اتصلت بيهم تانى بالأمس قالوا لسا
مفيش حاجة جت و صوت الطقة قاعد بيزيد

فارجو المساعدة لمن يستطيع المساعدة

شكرا

أنا كمان اخي عزيز فى انتظار المساعد الامامي شمال + علبة الدركسيون، ولا يوجد اماي غير اللانتظار

[Baher_Algogary]

اخى الفاضل كيف علمت انه يوجد مشكلة فى علبة الدريكسون

شكرا

[mememsaid]

اولا مافيش حل غير الانتظار
ثانيا عشان تعرف عندك مشكله في علبه الدركيسيون تابع منسوب زيت الفتيس لو قل عن الماكس يبقي عندك مشكله

[yaseenmohamed]

تصحيح : تابع منسوب زيت الباور وليس الفتيس

[midonet0000]

المساعدين بتتأخر شوية لكن فى خلال حوالى شهر وتابع معاهم بالتليفون ، طبعا اذا كنت حجزت بالتوكيل والصوت مش هيأثر معاك فى حاجة ماتخافش لان المشكلة دى ان المساعد لما بيفتح (فى المطبات) بيخبط من جواه جامد وده مايأثرش على حاجة تانيه.

[Baher_Algogary]

اولا جزاكم الله خيرا على المساعدة و التوضيح

ثانيا هو كل قلقى من موضوع ان المساعدين لو فيهم مشكلة ممكن يأثروا على حاجة تانية فى العربية
لا قدر الله

ثالثا حد عنده خلفية على موضوع شداد الباب الأمامى ده لانى حاسس انه باب شقة مش باب عربية
لانه ضعيف جدا

رابعا ارجو المعذرة على الأطالة

[mahmoudelmehy]

وانا كمان زيكم حاجز ومنتظر مساعد امامي شمال ساجا بسبب صوت الطقطقه

بقالي دلوقتي 3 اسابيع ولسه ما جاش من برا