هل توصيل سلكتين الكونتاكت ........يبطل عمل الايمبوليزر؟؟؟؟؟

[mosho1985]

السؤال جهه على دماغى وخصوصا بعد كميه سرقات العربيات الفتره الاخيره واللى كان فيه منهم عنده نفس اوبشن الايمبوليزر اللى موجود عندنا فى البروتون

فهل لو الحرامى دخل وكسر الكونتاكت ووصل السلكتين العربيه حتدور معاه؟؟؟؟؟؟؟؟؟؟ ولو مكنش كده امال العربيات دى اتسرقت ازاى ربنا يسترها علينا يارب

[shakshak2011]

سؤال وجيه .. إزاى فعلاً؟؟؟

[yasserelsayad]

Immobiliser او ايموبليزر
دا نظام يمنع العربية انها تدور من غير المفتاح الاصلى للعربية اللى عليه الشفرة وبيمنع تشغيل وحدة التحكم في منظومة الحقن من العمل ودا بيلغى موضوع الـ hot wiring اللى لما تلمس السلكين بتوع الكونتكت تقوم العربية دايرة.

Immobiliser موجود فى السيراتو فى اعلى فئة توكيل اللى هى فيها مفتاح البصمة بس اعتقد مش بينزل فى فئة تانية من التوكيل
بالنسبة للخليجى فا بيبقى موجود بس طبعا حسب الاوبشنز اللى عندك لان الخليجى فيه فئات كتير منه

عشان تعرف انت عندك Immobiliser .. اول لما بتفتح العربية هتلاقى علامة عربية كدا وجواها مفتاح
على الشمال فى الحتة بتاعت الـ rpm زى اللى حواليها دايرة فى الصورة دى

[Ralliart]

لا طبعاً مش هتشتغل من غير مفتاحها غير بتغيير الكنترول يونت كلها
العربيات اللي بيكون فيها امبوليزر بتتسرق عن طريق السحب بونش او عربية نقل وبعد كدة يبقو يقطعوها او يظبطولها الكنترول يونت

[adhamhossam]

متابع للإستفادة

[ahmed_h_g]

مش هتدور غير بضفيره جديده كامله
أمبارح ركبت أنذار وولف لفيات أونو و طلع فيه شوية مميزات تمام
أولا" العربيه مش بتدور بالمفتاح غير لما العربيه تتفتح بالريموت
ثانيا" لو أتعملك كامين أو واحد وقفلك فى نصف الطريق وحاسس أنه هيسرق منك العربيه
بتدوس على ذرار غلق السياره بدون صوت ثم ذرار أغلاق السياره العربيه هتفضل ماشيه عادى لمدة دقيقه أو دقيقتين مش فاكر
بعد كده هتبطل ومش هتشتغل تانى حتى لو كان سارق العربية بالريموت
لازم تعمل حركه تانيه بالريموت علشان العربيه ترجع لوضعها الطبيعى
ومميزات تانيه كتير

[أشرف العدوي]

مش هتدور غير بضفيره جديده كامله
أمبارح ركبت أنذار وولف لفيات أونو و طلع فيه شوية مميزات تمام
أولا" العربيه مش بتدور بالمفتاح غير لما العربيه تتفتح بالريموت
ثانيا" لو أتعملك كامين أو واحد وقفلك فى نصف الطريق وحاسس أنه هيسرق منك العربيه
بتدوس على ذرار غلق السياره بدون صوت ثم ذرار أغلاق السياره العربيه هتفضل ماشيه عادى لمدة دقيقه أو دقيقتين مش فاكر
بعد كده هتبطل ومش هتشتغل تانى حتى لو كان سارق العربية بالريموت
لازم تعمل حركه تانيه بالريموت علشان العربيه ترجع لوضعها الطبيعى
ومميزات تانيه كتير

حلو قوي ده
شوية اسئلة كدة في السريع
بيركب على اي عربية ( زي عربيتي الخارقة أفيو 2008 )
ثمنه كام ؟؟؟
و رقم الموديل لو امكن

سؤال ممكن تشوفه هايف و لكنه مهم بالنسبالي
الريموت بتاعه ريموت بس و لا مفتاح ريموت ( الي هو بيبقى ريموت طالع منه مفتاح ) علشان انا مش بحب الي طالع منه مفتاح ده


لو أمكن رقم تليفون المحل أكون شاكر ليك

[ahmed_h_g]

يركب على أى عربيه وتمنه 200 جنيه وفى منه أشكال كتير للريموت و فى ريموت فقط وفى مفتاح بالريموت زى ما أنت عايز
وعندهم وحدات رفع ب 100 جنيه لل 4 زجاج أبواب وعندهم سنتر و الأنذار عليه ضمان 5 سنوات و التوكيل الخاص بوولف عنوانه
جسر السويس بجوار سوق القنال
ت / 26239571
26234729
ويارب ميتحسبليش أعلان وأتوقف وربنا يستر

[MOUSTAFA_SAAD]

الامكانيات دية موجوده فى اى انذار وعندى فى انذار spy وتمنه 160 جنيه بس مرديتشى افعل الخاصيه دية بسبب
ان لو الريموت باظ او اتكسر من حد داس عليه او الانذار علق وانت مسافر مثلا او فى اى مكان بعيد عن بيتك مش حتعرف تتدور العربيه وتبقى حوسه كبيره
تانى حاجه لو برده علق والعربيه ماشيه وعمل لوك ليها او حد داس علي الزرار غلط لاى سبب ممكن العربيه حتبطل وهى ماشيه يعنى مصيبه سوده

[ahmed_h_g]

كل ده معمول حسابه

[MOUSTAFA_SAAD]

معمول حسابه ازاى ممكن توضح

[ahmed_h_g]

يعنى لو الريموت ضاع مثلا" هتفتح العربيه عادى بالمفتاح وتشغل الكونتاك وتقفله 10 مرات الأنذار هيفصل والعربيه هتشتغل عادى