شكر خاص لمركز عصام-صفا على صيانة العشرين

[vsaga]

شكر خاص للمركز المحترم عصام-صفا على صيانة العشرين الف اللى عملتها عندهم للساجا
خلاصة الكلام المركز ده فيه اللى مفتقده التوكيل من معامله كويسة سماع للشكاوى و ارخص من التوكيل والمكان كويس واقرب
من اول المهندس اللى قبلنى واستلم العربية والمهندس اللى كنت قاعد معاه على الكشير كلهم ناس فى قمة الاحترام وناس عايزة تكسب العميل فعلا بالاسلوب الشيك
واللى عجبنى جدا ان المهندس عصام بنفسه كان هو اللى شغال على العربية
والاجمل كمان انى كنت رايح بشوية ملاحظات كده عملوها وغير انهم كمان من نفسهم قاللولى ان عندى لمض العالى عندى محروقة وانا اللى كنت فاكر ان دى االاضاءة العادية بتاعت العربية ومعرفش وعاملوها بسعر كويس
ولاصقلى الحلية بتاعت السقف من غير ماقول
وغسلولى الموتور وشحموا العفشة
بصراحة حاسس انى فعلا عملت صيانة للعربية

[Nistelrooy]

من كتر مواضيع الشكر في مركز عصام صفا .. بتجبروني ان الصيانة الجاية لازم تكون هناك ..


والف مبروك الصيانة ودايما مبسوط مع بروتون :)

[BlackEagle1985]

انا عندي استفسار هو ممكن اعمل الصيانة خارج التوكيل ؟
و هل عمل الصيانة خارج التوكيل ممكن يسقط الضمان و يجعله غير ساري؟
انا اصلي معرفش في الموضوع ده و محتاج توضيح

[vsaga]

لا هو المركز ده معتمد من التوكيل يعنى مفوض من التوكيل يعنى اكنك بتعمل فى التوكيل وجواه الضمان مفيش حاجة خالص
وانا اتصلت بالتوكيل قبل ما اروح اتاكدت
انما الصراحة معنديش فكرة ان فى مراكز غيره ولا لا

[BlackEagle1985]

لا هو المركز ده معتمد من التوكيل يعنى مفوض من التوكيل يعنى اكنك بتعمل فى التوكيل وجواه الضمان مفيش حاجة خالص
وانا اتصلت بالتوكيل قبل ما اروح اتاكدت
انما الصراحة معنديش فكرة ان فى مراكز غيره ولا لا

طيب انا متشكر جدا علي ردك و اهتمامك
جزاك الله خيرا

[Ahmed.Ali]

من كتر مواضيع الشكر في مركز عصام صفا .. بتجبروني ان الصيانة الجاية لازم تكون هناك ..


والف مبروك الصيانة ودايما مبسوط مع بروتون :)

بالمناسبه انا بروحله مخصوص من 6 اكتوبر

[AmatoALLAH]

قعلا مركز كويس جدا و كل اللي فيه قمة في الاحترام

[mememsaid]

اكثر المراكز احتراما بالتجربه بل هو افضلهم علي الاطلاق

[shakshak2011]

المركز ممتاز جداً و عن تجربه

[m10_10]

هو عنوانه فين بالظبط يا جماعة ؟؟

[ahmedfathi]

هو عنوانه فين بالظبط يا جماعة ؟؟

ش طه حسين خلف السندباد

ممكن تدخله من ش جوزيف تيتو او من ش جسر السويس

[ahmedfathi]

انا جربته فى صيانة ال 10000 واكتشفلى ان علبه الدريكسيون الطنابير الاماميه عاوزين يتغيروا بس مكنش عندو قطع الغيار دى فروحت ابورواش عشان اعملها

فعلا تعاملهم فى منتهى الرقى والاحترام وان شاء الله رايح اعمل صيانة ال15000 هناك كمان اسبوعين

[farag_alla_83]

فعلا ناس محترمة جدا انا عملت صيانة ال15 عندهم ربنا يكرمهم ويستمروا في النجاح أكتر و أكتر لإننا بجد محتاجين إن يكون التعامل الشخصي والتعامل مع السيارة زي مابيعملوا بالضبط فشكر واجب لكل القائمين والعاملين بالمركز

[amrmahamad]

يعني انا مثلا عندي مشاكل زيي السي دي موش بيخرج الاسطوانة كمان الزجاج عاوز يتظبط والسماعات واحده موش شغاله وفيه مشكلة في قفلة الباب هل حيعملها ولا لا وبنفس السعر ولا لا وبيحط زيت ايه
انا عربيتي جين تو 2010
ارجو الرد بسرعه وقوليلي تكلفتها كام

[mememsaid]

يعني انا مثلا عندي مشاكل زيي السي دي موش بيخرج الاسطوانة كمان الزجاج عاوز يتظبط والسماعات واحده موش شغاله وفيه مشكلة في قفلة الباب هل حيعملها ولا لا وبنفس السعر ولا لا وبيحط زيت ايه
انا عربيتي جين تو 2010
ارجو الرد بسرعه وقوليلي تكلفتها كام

لا هما ولا التوكيل بيعملو حاجه في الكاسيت
هيقولولك روح توكيل كلاريون
بس المركز يعملك المشكله بتاعه الزجاج وقفله الباب