فرامل البروتون غير مرضية !!

[K3A]

ارجوا المساعدة حيث اني غير راضي بالمرة عن فرامل عربيتي البيرسونا ....

اعرف ان هناك من يختلف معي لكن بصراحة الفرامل دي من وجهة نظري المتواضعة يعبها الاتي

بعد تغير التيل الاصلي تجد الاتي


1- الفرامل مبتسعفش في المواقف الصعبة وده حصل معايا مرتين ومش نواي يحصل معايا مرة ثالثة

2-التيل بيخلص بشكل سريع جدا وخصوصا في كل موديلات 2009 و انت طالع لدرجة انك مش حتوصل لل 30 الف كيلو الا لما تكون مغير تيل مرتين على الاقل.

3- اي تيل غير التيل الزيرو (بما فيهم كل انواع التيل عند الوكيل) سيئة الاداء و لاتقارن بالتيل الاصلي

4- الطنابير بتتاكل بسرعة واما بتحتاج بتتغير او خرط بشكل سريع أظن ان 70% من مستعملي الجين او البيرسونا قد خرط الطنابير مرة على الاقل قبل 45 الف كيلو ... وده بالمقارنةمع اي عربية يعتبر اعتمادية ضعيفة جدا


المطلوب

لو حد غير منظومة الفرامل في جين او بيرسونا او حتى عدلها او راح لميكانيكي كويس متخصص في الفرامل او يعرف حل جذري للمشكلة دي ... ياريت ينقل تجربته


تحياتي للجميع

[mido_soliman]

بص انا بفكر فى الحكاية دى انا كمان زيك بالظبط وبيتهيالى الحل حيكون فى التالى
1- تيل وطنابير من ebc او works بس دى مش عارف حنجيبها منين لانها من ماليزيا
2-خراطيم زيت باكم استانلس مش رابر زى اللى عندنا دى لانها بتساعد بشكل كبير على حوار انها مبتسعفناش دى لان مع السخونة الزيت فى الخرطوم الربر بيعمل بقليلة (ملقتش معنى تانى :) ) وبيهرب هوا
3-عمل الرجلاش اللى اتقال علية قبل كدة وانا فعلا عايز اعملة بس مش عارف مين ولا فين يعرف يعملهولى خصوصا انى مش عارف مكان الصمولة دى فين حتى مع الصورة اللى كانت فى الموضوع
تحياتى واى افكار تانية ياريت المشاركة
ملحوظة دة لا يقلل ابدا من الاسد البروتونى واضح ان الفرامل والطنابير والتيول بقت مشكلة وحديث معظم ملاك السيارات بعد ما شالوا مادة الاسبوتس وشوفو فى منتدى فيات الرجالة بيظبطوا علشان يجيبوا طنابير وتيول رياضية لعربياتهم علشان عندهم نفس الشكوى تقريبا

[K3A]

يا جماعة انا مش قادر اوصفلكم الاحساس بانك بتختار تخبط في ايه باقل خسائر وانت دايس فرامل على الآخر وحسسيت انها مش جامدة كفايه ولقيت انك فى النهاية حتخبط حتخبط
ربنا ما يكتب على حد ابدا

[eslam_wega]

بص انا اتفق معك ان الفرامل فيها مشكلة لان حصلت معيا وهربت ولبست حدثة بسببها
بس تعال وشوف الفرامل دلوقتى عاملة ازى بسم الله ماشاءالله ولا كانها مرسيدس
تجيب بيها 200 وانت مطمن ان لو حد قاطع عليك الطريق هتلحق نفسك ويما حصلت مواقف وربنا بجانى بسبب قوة الفرامل
هقولك انا وصلت لكدا ازى بس اولا عايز اقولك حاجة
الطنابير الاصلية ممتازة ماشاء الله عامل بيها 41 الف فى سنة ونص وبنفس الحالة
بص هقولك ملخص خبرتى الطويلة مع الفرامل الى كنت بفكر ابيع العربية بسببها لولا الحمدلله انى وصلت للحل
الحل فى 3 نقاط
النقطة الاولة
بالنسبة للتيل الامامى سيبك بقا من الريمسا وال fbk والتركى وبتاع التوكيل وكل الكلام دة كلام فاضى بالظبط كلام فاضى
للاسف يما ضعيت فلوسى على الانواع دى ومفيش حاجة كانت مرضية
التيل الاصلى خلص يبقا علطول من غير ما تفكر تجيب البوش الايطالى بدون تفكير
1 لانه ملوش صوت الصفارة
2 ولو سخن منك بعد مشور سفر يفضل بنفس الاداء مش يقل زى الانواع التانية
3 بيعيش فترة اطول
4 قوى جدا جدا
وسعرة 350 ج
دة بالنسبة للتيل

النقطة التانية مهمة جدا
تركب التيل وتاخد هواء من الفرامل الاربع عجلات وراء وقدام وطبعا هتزود زيت بكام مكان الى نقص

النقطة التالتة
هتعمل الرجلاش بتاع الدوسة

وبعدين هتعمل الرجلاش بتاع فرامل اليد
مهم جدا رجلاش فرامل اليد
وبيفرق جامد وانت ماشى
وحتى لو واقف هتلفى فرامل اليد بقيت من اول او تانى تكة

اعمل كدا وظبط ضغط الهواء واطلع جرب ان شاء الله هتلقى الفرامل على الشعره
ولو عملت فراملة فصوى على سرعات 140 0 16 هتسمع صوت سريخ الكوتش رغم وجود ال abs
ورغم ان لو جربت دلوقتى هتلقى العربية بتهدى بس واحدة واحدة ومفيش سريخ للكوتش لاكن بعد التعديل هتحس ان العربية بتحجر فى الارض زى الاسمنت

اعمل النقط التلاتة دول مش هتصدق قوة الفرامل والله

[RedBull_30]

موضوع الفرامل في البروتون موضوع مزعج.. العربية جميلة بس فيه نصيحة ديما بتقولها شركة اودي الالمانية وهي " لا فائدة من القوة بدون تحكم " فرامل البروتون سيئة جدا

[solyahmed]

بص انا اتفق معك ان الفرامل فيها مشكلة لان حصلت معيا وهربت ولبست حدثة بسببها
بس تعال وشوف الفرامل دلوقتى عاملة ازى بسم الله ماشاءالله ولا كانها مرسيدس
تجيب بيها 200 وانت مطمن ان لو حد قاطع عليك الطريق هتلحق نفسك ويما حصلت مواقف وربنا بجانى بسبب قوة الفرامل
هقولك انا وصلت لكدا ازى بس اولا عايز اقولك حاجة
الطنابير الاصلية ممتازة ماشاء الله عامل بيها 41 الف فى سنة ونص وبنفس الحالة
بص هقولك ملخص خبرتى الطويلة مع الفرامل الى كنت بفكر ابيع العربية بسببها لولا الحمدلله انى وصلت للحل
الحل فى 3 نقاط
النقطة الاولة
بالنسبة للتيل الامامى سيبك بقا من الريمسا وال fbk والتركى وبتاع التوكيل وكل الكلام دة كلام فاضى بالظبط كلام فاضى
للاسف يما ضعيت فلوسى على الانواع دى ومفيش حاجة كانت مرضية
التيل الاصلى خلص يبقا علطول من غير ما تفكر تجيب البوش الايطالى بدون تفكير
1 لانه ملوش صوت الصفارة
2 ولو سخن منك بعد مشور سفر يفضل بنفس الاداء مش يقل زى الانواع التانية
3 بيعيش فترة اطول
4 قوى جدا جدا
وسعرة 350 ج
دة بالنسبة للتيل

النقطة التانية مهمة جدا
تركب التيل وتاخد هواء من الفرامل الاربع عجلات وراء وقدام وطبعا هتزود زيت بكام مكان الى نقص

النقطة التالتة
هتعمل الرجلاش بتاع الدوسة

وبعدين هتعمل الرجلاش بتاع فرامل اليد
مهم جدا رجلاش فرامل اليد
وبيفرق جامد وانت ماشى
وحتى لو واقف هتلفى فرامل اليد بقيت من اول او تانى تكة

اعمل كدا وظبط ضغط الهواء واطلع جرب ان شاء الله هتلقى الفرامل على الشعره
ولو عملت فراملة فصوى على سرعات 140 0 16 هتسمع صوت سريخ الكوتش رغم وجود ال abs
ورغم ان لو جربت دلوقتى هتلقى العربية بتهدى بس واحدة واحدة ومفيش سريخ للكوتش لاكن بعد التعديل هتحس ان العربية بتحجر فى الارض زى الاسمنت

اعمل النقط التلاتة دول مش هتصدق قوة الفرامل والله

[overline]
طيب البوش الايطالى ده نجيبه منين بيتباع في التوكيل ولا بره وهل هو مخصص للجين2 يعني اي حد حيعرفه ولا بتاع نوع تاني

رجلاش الدوسه ده نعمله فين في التوكيل ولا بره ؟؟ اعتقد التوكيل مش بيعمل رجلاش الدوسه ده[/overline]

[Tarek Gen 2]

[overline]
طيب البوش الايطالى ده نجيبه منين بيتباع في التوكيل ولا بره وهل هو مخصص للجين2 يعني اي حد حيعرفه ولا بتاع نوع تاني

رجلاش الدوسه ده نعمله فين في التوكيل ولا بره ؟؟ اعتقد التوكيل مش بيعمل رجلاش الدوسه ده[/overline]

التيل بيتباع فى محل مكة فى شارع دمشق مصر الجديدة ب 350
مخصص لفيات برافا و الجين تو عادى لانهم نفس المقاس بالملى

التيل مجرب و انا نفسى مركبه و ادائة زى الاصلى بالظبط

رجلاش الدوسة مش فالتوكيل عند ميكانيكى برة بس يكون كويس و استنى اسلام يفيدك فى طريقته و المهندس رامى

[Mo.khalaf]

النقطة التانية مهمة جدا
تركب التيل وتاخد هواء من الفرامل الاربع عجلات وراء وقدام وطبعا هتزود زيت بكام مكان الى نقص

لأ تانى كده بقى النقطة ديه
ممكن توضحها أكتر

[eslam_wega]

التيل بيتباع فى محل مكة فى شارع دمشق مصر الجديدة ب 350
مخصص لفيات برافا و الجين تو عادى لانهم نفس المقاس بالملى

التيل مجرب و انا نفسى مركبه و ادائة زى الاصلى بالظبط

رجلاش الدوسة مش فالتوكيل عند ميكانيكى برة بس يكون كويس و استنى اسلام يفيدك فى طريقته و المهندس رامى

تمام يا طارق
بالنسبة للرجلاش الموضوع دة بتاع م رامى

http://www.nilemotors.net/Nile/145484-a.html

لأ تانى كده بقى النقطة ديه
ممكن توضحها أكتر

حضرتك هتروح لمكانيكى كويس وهتقوله عايز اخد هواء من الفرامل لاربع عجلات
وهتشترى علبة زيت بكم
عشان الزيت هيقل بعد ما ياخد الهواء

[Mustafa_Farouk]

i like all what u wrote, why u dont send all of that to Proton in e-mail??

[K3A]

مش كفاية

اشكر الجميع ....

كل اللى اتقال ده جميل جدا لكني والكثير غيري لا يعتبره حل جذري عشان تنسى معاه مشاكل الفرامل وتحس بالامان و انت ماشي زي اي عربية محترمة 1600 cc

بس يا جماعة انا بتكلم عن تعديل منظومة الفرامل

يعني تعديل التيل بتيل بيعيش وقو ي وسعره معقول و متوافر و تعديل الطنابير بطنابير اقوى مش كل شويه تحتاج خرط (يعني تبقى زر اى عربية تانية 1600 سي سي)

وكمان تعديل الماستر والسيرفو اذا لزم الامر

بس النتيجة تكون كالتالي
1- تيل ممتاز الاداء قوي يعيش فترة اطول سعره مناسب متوافر بالاسواق
2- طنابير بتعيش مش محتاجة خرط و لا تغير قبل 80 الف كيلو على الاقل
3- اداء فرامل قوي يسعف في وقت المفاجأت و تقدر تعتمد عليه.


انا مش بتكلم على حاجة خيالية او ثورة على الفرامل يعني ال 3 نقاط اللى قلتهم موجودين في عربيات تانية كتير زي البروتون واقل كمان

تحياتي للجميع

[eslam_wega]

اول مرة اندم انى شاركت فى موضوع

[mido_soliman]

اول مرة اندم انى شاركت فى موضوع

ههههههههههههههههههههههههههههههههههههههه
ياعم انت اية اللى مزعلك ويخليك تندم الراجل عايز يعدل الكيت بتاع الفرامل كلة اية المشكلة فى كدة مش فاهم
ولا تزعل ولا حاجة يا اسلام بس بجد تعليقك دة وقعنى من الضحك

[eslam_wega]

ههههههههههههههههههههههههههههههههههههههه
ياعم انت اية اللى مزعلك ويخليك تندم الراجل عايز يعدل الكيت بتاع الفرامل كلة اية المشكلة فى كدة مش فاهم
ولا تزعل ولا حاجة يا اسلام بس بجد تعليقك دة وقعنى من الضحك

اصل والله ما محتاجة تعديل انا بعد الى عملتة دة جربت على 160 وماشاء الله الاداء كان مرضى جدا

[solyahmed]

التيل بيتباع فى محل مكة فى شارع دمشق مصر الجديدة ب 350
مخصص لفيات برافا و الجين تو عادى لانهم نفس المقاس بالملى

التيل مجرب و انا نفسى مركبه و ادائة زى الاصلى بالظبط

رجلاش الدوسة مش فالتوكيل عند ميكانيكى برة بس يكون كويس و استنى اسلام يفيدك فى طريقته و المهندس رامى

طيب انا من اسكندريه ... لو دورت عليه هنا ادور علي تيل فيات برافا موديل كام وشكل العلبه ايه وهل ده افضل من الماليزي بتاع التوكيل ب 350 تقريبا في التوكيل وهل التوكيل يرضى يركبه ولا لا علشان انا الي حجيبه من بره التوكيل ؟ كنت عاوز اعمل موضوع رجلاش الدوسه بس مش عايز اروح لمكانيكي يفتي فيها و هو مش فاهم حاجه فقولت خليني كده بس لازم اغير التيل وفي التوكيل قالولي فاضلك اقل من 1000 كيلو

شكرااااا لك جزاك الله خيرا