انا رايح التوكيل بكرة حد عاوز حاجا

[koko11]

ازى كل البروتونية يا رب تكونو بخير
انا رايح غدا التوكيل عشان اعمل صيانة ال 5000 بس كان عاندى استفسار هوا انا ممكن اجيب جهاز انذار و هما يركبو والا لا و هيا صيانة ال 5000 بيتكلف كام؟
و طبعا لو حد عايزنى اسال عن اى حاجا انا فى الخدمة و انا فى اسكندرية

[sleepyhammer]

طبعا بالتوفيق وتخلص صيانتك على خير بس انت مقولتش نوع العربية ايه هل ساجا ولا جين ولا ايه

على العموم انا طالب منك حاجة وارجوا انى مزعجكش لان انا لسه شوية على ال 5000 بتاعتى وكنت عايز اسألهم على مشكلة الكاسيت عندى بيفصل لوحده ولما بفتحه بيكون عمل ريست يعنى بيرجع لضبط المصنع فلو تسألهم على المشكلة دى (وانا من اسكندرية بردو) ولا اعمل ايه وهل ممكن يتغير فى الضمان عشان انا شاكك فيه يكون بايظ ولا ده مشكلة فى الكهربا وانا كمان اعتقد ان في ناس كتير هنا عندهم نفس المشكلة ديه

[sleepyhammer]

وحتلاقى جدول صيانة كل سيارات بروتون على الجروب فى الفيس بوك معا ضد غلاء قطع غيار سيارات بروتون في توكيل عز العرب وهو :

https://www.facebook.com/home.php?sk=group_154718371251264

[Tarek Gen 2]

ازى كل البروتونية يا رب تكونو بخير
انا رايح غدا التوكيل عشان اعمل صيانة ال 5000 بس كان عاندى استفسار هوا انا ممكن اجيب جهاز انذار و هما يركبو والا لا و هيا صيانة ال 5000 بيتكلف كام؟
و طبعا لو حد عايزنى اسال عن اى حاجا انا فى الخدمة و انا فى اسكندرية:oc_sun1[1]:

اه ممكن اعتقد بس هتحاسب مصنعية جامدة

طبعا بالتوفيق وتخلص صيانتك على خير بس انت مقولتش نوع العربية ايه هل ساجا ولا جين ولا ايه

على العموم انا طالب منك حاجة وارجوا انى مزعجكش لان انا لسه شوية على ال 5000 بتاعتى وكنت عايز اسألهم على مشكلة الكاسيت عندى بيفصل لوحده ولما بفتحه بيكون عمل ريست يعنى بيرجع لضبط المصنع فلو تسألهم على المشكلة دى (وانا من اسكندرية بردو) ولا اعمل ايه وهل ممكن يتغير فى الضمان عشان انا شاكك فيه يكون بايظ ولا ده مشكلة فى الكهربا وانا كمان اعتقد ان في ناس كتير هنا عندهم نفس المشكلة ديه

بص على الفيوزات كويس اوى غالبا هتلاقى واحد سايح غيره بس المهم يكون نفس الرقم لا زيادة ولا اقل

[sleepyhammer]

بس مش لو لاقيت فعلا في فيوز سايح يبقى كده فى فولت زيادة بيدخل للكاسيت يبقى ممكن عيب فى الكهربا ؟؟؟ صح ولا ايه ياريت تطمني اكون شاكر ليك

[Tarek Gen 2]

بس مش لو لاقيت فعلا في فيوز سايح يبقى كده فى فولت زيادة بيدخل للكاسيت يبقى ممكن عيب فى الكهربا ؟؟؟ صح ولا ايه ياريت تطمني اكون شاكر ليك

لا عادى متقلقش ده شئ طبيعى و وظيفة الفيوز كدة اصلا انها تتحرق اما حاجة تحصل غيره و جرب

[sleepyhammer]

ربنا يسهل حشوف وابقى اقولك وشكرا يا طارق باشا

[sayed911]

انا دلوقتي عامل 4800 كيلو :d وقدامي بفكر اروح بكرة ومكسل فها اروح الخميس اللي جاي ان شاء الله بس ياريت تقولي دفعت كام وها تحط زيت 5 ولا 10 عشان ابقى عارف برضوا :d اصل طارق قلقني بيقول فيه مصنعية جامدة :d شكلها كده ها تبقى صيانة وطلعة بقى للتحرير !! :d

[Tarek Gen 2]

انا دلوقتي عامل 4800 كيلو :d وقدامي بفكر اروح بكرة ومكسل فها اروح الخميس اللي جاي ان شاء الله بس ياريت تقولي دفعت كام وها تحط زيت 5 ولا 10 عشان ابقى عارف برضوا :d اصل طارق قلقني بيقول فيه مصنعية جامدة :d شكلها كده ها تبقى صيانة وطلعة بقى للتحرير !! :d

انا قصدى مصنعية تركيب الانذار مش مصنعية الصيانة
مصنعية الصيانة يا ابو السيد بتبقى حوالى 150 او 200 جنيه اعتقد

[koko11]

شكرا وربنا يخليك على اهتمامك بالصيانة بتعتى
و انا سالتلك على موضوع الكاسيت دا قالى دا لية توكيل خاص بية فى سموحة فى وش النادى بس انا سالت الفنى الى هناك قالى ممكن بكون فيوز بس هما فى التوكيل ادرى
بحصوص صيانة 5000 دى بتكلف 340 جنية و دى بيحطلك زبت توتال 5000 و تغير الفلتر بتاع الزيت و كمان الكشف عاى كمبيوتر العربية بيعما check up على كل السوائل فى العربية من زيوت و بطارية و ماية و بعدين يربط العفشة و بتاخد تاريبن 2.5 ساعة و بيختملك الضمان و انا معايا نمرت المهدسين بتوع الصيانة ممكن تكلمهم قبل متروح عشان تحجز دور بدرى و لو فى اى مشكلة اسال على الاستاذ برهان دا مدير خدمة ما بعد البيع و هوا انسان محترم جدا و ربنا معاك

[sleepyhammer]

ألف شكر يا باشا ومبروك صيانة ال5000
وشكرا على سؤالك ليه عن الكاسيت بجد يعنى مش عارف اشكرك ازاى وانا هعدى عليهم النهاردة فى كلاريون سموحة اسالهم
لانى كمان بصيت على علبه الفيوزات الى جنب التبلوه عشان اشوف الفيوز وكمان زى ما قال طارق باشا بس لاقيتهم مغطيين الفيوزات بطبقى نايلون كده كأنهم مبرشمنها عشان الضمان
المهم شكر ليك بجد وهل حسيت بفرق بعد الصيانة ولا عادى؟؟
وعقبال يا سيدى صيانة ال 100.000
وهل فى تحسن فى معاملة التوكيل هنا فى اسكندرية
وياريت لو تبعتلى نمرة المهندس بتاع الصيانة بردو اسأله أكون شاكر ليك اوى

[yaseenmohamed]

لو ممكن حضرتك تسأل عن قطع الغيار الموجوده فعلا للساجا وخاصه المساعدين وأسعارها
وشكرا لحضرتك